做隻出色的馬仔...

尋日係年廿八, 本來應該係大掃除~ 但係因為我要返學, 龍少又要學詠春, 所以搞到好夜先返屋企, 咩到冇做過! 到咗今日, 食完飯之後, 龍少就話今晚要大掃除喇,

仲話佢一個人搞掂.... 既然龍少開到聲, 我都唔好意思拒絕啦~~ 所有, 咪咪吉又入廚房起壇喇... 

好喇, 新年溜溜, 整咩好呢?! 蘿蔔糕整咗, 蛋散都整咗2次, 未過年陳生都已經食哂!

本來想整芋頭糕, 但係睇睇吓個食譜好似好難, 而屋企又冇咁多材料! 橫掂肥媽媽咁鐘意食甜嘢, 而提子太太又唔俾佢食蛋糕, 所以... 一於整馬蹄糕! 

今次我用咗個心形蛋糕模整馬蹄心心俾肥媽媽, 而且仲有條好靚嘅馬蹄錦鋰!

原來馬蹄糕都好易整, 又幾好玩~~ 不過, 唔知點解, 條錦鋰都唔似人地果d咁, 透透明明咁嘅?!

<正面靚>

<側田? 側面仲靚>

<馬碲魚魚帶眼鏡>

<近鏡好搞笑>

<條魚做咗laser呀>

後記: 龍少話條魚有粒杞子做眼, 問我點解唔加多2條觸鬚~~

大少, 人地依條係錦鋰, 唔係塘蝨呀....