我好紅豆豆.....

星期三係龍少個媽媽嘅新曆生日

, 不過我地冇太大慶祝, 只係今晚先返佢屋企同佢食飯! 因為肥媽媽一早約哂我地一家人果日食團年飯! 由於舅父經常東奔西走, 好難先約到佢, 所以做親節都預早好多!!!! 再加上龍少個媽媽新曆過完, 到舊曆又會再要慶祝, 咩節日都要慶祝一番, 仲要我地送禮物+請成村人食飯~ 我地又唔係有錢人家, 所以.... 是但一日好喇~~

但係, 龍少就話點都要安撫吓佢老人家, 如果唔係就會不斷問不斷問不斷問點解唔同佢慶祝!!! 所以我就話不如做個蛋糕俾佢啦, 起碼有d心思!

起初響度選蛋糕時, 龍少選的都係簡簡單單嘅. 但係同睇真d, 咦~ 原來佢係選自己食果d!!!

本來龍少想食new york cheese cake (提子太太, 你睇龍少幾掛字你?!), 而我地屋企有條1kg裝嘅cream chesse. 都好, 唔駛再買! 咁我尋日朝早就攞出黎放軟, 出去嘅時候就順路去買埋淡忌廉+唧模! 

響夜晚上完哂堂之後, 就去廚房prepare. 一切準備就緒, 但係點知.............. 噢~~~~ d cream cheese發咗霉呀~~~

典冼呀...... 跟住嗱嗱聲標落去超級市場買啦, 點知... 賣哂!!! 咁... 龍少話轉款囉! 唉, 真係... 一波幾節! 咁唯有整個龍少認為最簡單嘅牛油蛋糕! 

不過剩牛油又話悶, 所以咪叫我加d嘢. 於是我就響俾佢媽媽個蛋糕度加咗紅豆, 而多咗嘅份量, 我就加香蕉做蕉蕉蛋糕!! 依個蛋糕係第一次做咋, 而且功敍又煩多.

好彩, 焗緊嘅時候好香, 之後試個蕉蕉蛋糕又ok喎, 哈哈, 不過個就係樣衰咗小小~ 而另一個紅豆豆就都幾靚, 但係味道就..... 唔知喇! 不過, 我想將佢整吓容, 加d 肥死嘅cream落去! 因為龍少媽媽鐘意多多多cream喎!

不過會等到今日下晝先開始整容手術, 由於過程極度血腥+殘忍, 所以.... 都係整好先post番整容後張相俾大家睇睇啦~

後記@14:36PM

剛才龍少來電, 話今晚唔返佢屋企食飯....

, 因為原來佢亞媽已經自行將個團年飯同生日飯combined咗... 仲叫埋尖酸刻薄嘅亞姨一家黎~ 今次真係大獲! 佢亞姨把口, 真係臭到冇人有!周街唔識嘅會彈, 識你就更加俾多幾錢肉緊彈你! 仲要咩都可以彈一餐, 再+埋佢亞媽, 認真係嚇人版"鬼馬雙星"! 之前俾佢地無聊話一話, 真係hurt到我死咁滯!!! 所以為免俾佢地彈我個紅豆豆, 我決定..... 都係留番自己慢慢欣賞!!

<外表醜樣嘅蕉蕉蛋糕>

<不過裡面好鬆軟>

<仲好有蕉味架~>

<龍少話似蘿蔔糕多d嘅紅豆豆蛋糕>

<好多紅豆豆架, 不過唔知夠唔夠軟呢>