好好味@Mos Burger

前晚係旺角食完飯, 走咗去睇相機~

因為龍少好想買部單鏡反光機去哈爾濱影靚景. 不過佢好似愈睇愈high, 想買kit set不特只, 仲想買埋幾支長短伙!!! 嘩, 都係諗真d先啦~~ 所以睇完就過去朗豪坊附近搭車返屋企. 點解龍少人有3急, 所以就上咗朗豪坊解決. 哈哈, 點知俾我見到平日條龍長過咩嘅Mos Burger竟然冇人排?! 唔知係唔係夜呢? 所以我地就一支箭咁走咗過去買喇~

我地果晚買咗一個Mos Burger, 一包大厚切薯條, 多謝30蚊啦~ 俾我想像中平喎!! 不過由於我地都仲好飽, 所以就賣外賣.

不過響搭車果陣, 真係忍唔到口.... d厚切薯條真係香到暈, 而且唔似M記咁一係就咸, 一係就咸冇味! 佢果D厚切薯條都幾粗, 而且有薯仔味. 最好就係冇鹽, 唔點茄汁都唔覺口渴! 不過點解冇影相? 哈哈, 因為響車已經解決咗佢喇! 

返到屋企, 已經好心急想試吓咩味咁巴閉!

嘩, 塊肉好厚, 都幾juicy. 塊蕃茄好好味! d肉醬sauce又夠濃, 個包都好軟熟. 不過略嫌個sauce果d洋蔥唔夠熟有d辣. 但係整體都好好味~~~

今次就係因為夜先唔駛排隊, 但係如果平日要我排成半個鐘先可以買到.... 我諗未必喇~~

<好大塊嘅甜蕃茄同好肉醬嘅sauce>