I'll be back!!!!

下個星期就農曆新年喇,

雖然今年只係初一係度過, 初二龍少同我就逃之夭夭.... 去到冰天雪地嘅地方避年! 但係, 話哂都係一個大節日, 點都要揾d嘢做吓先似樣嘅! 加上之前見到

大少奶 <---click 整咗d好靚嘅蛋散, 又答應咗點都要跟佢整一次, 好啦~~ 今次就破例.... 開獲炸蛋散啦!!

由於一向都冇諗過自己都可以整蛋散, 扮就試得多啫!! 所以一開始整, 所有d擔心! 整嘅時候, 成日都覺得個麵團黏唔埋一齊,

但係我已經俾多咗油, 唔通係唔夠水?! 所以之後個麵團都好難"碌", 有d實嘅感覺, 同埋唔知係唔係唔夠粉? 碌碌吓仲甩皮呀! 

不過後來都碌到, 但係就真係好似厚咗小小咁! 不過當一炸起果陣, 嘩, 個樣都好似好ok喎~~ 等佢灘凍咗d同隔咁d油先試味!!! 噢..... 點解唔夠咸?? 原來唔記得落鹽!!!

所以唯有之後補獲, 灑番d幼鹽響面囉~~ 

雖然今次有小小失敗, 不過我唔會咁易放棄, 本住"陳氏宗親會三色蛋成員"嘅精神, 星期六我會再整過架!!

"蛋散, I'll be back!!!!"

<個樣都'搭'得杯落架>

<大特寫, 好鬆架>

<肥媽媽comment: 夠哂鬆, 不過醜樣兼唔咸>