愈諗愈擔心.....

由於發覺原來去凍嘅地方, 齋著羽絨係唔夠架~

除咗打好個底之外, 仲要著埋fleece先夠暖... 但係龍少同我倆個平時都唔係好鐘意著fleece, 唔鐘意佢d質地同焗身! 但係當我地去d爬山用品公司度問, 個個都話零下20度開始, 一定要著fleece+羽絨先夠暖! 所以... 唔買都唔得啦. 不過或者我地冇買fleece嘅經驗, 都唔知點解上至千幾蚊下至幾十蚊都有一件, 究竟有咩分別?! 

之後我地去咗uniqlo度睇吓有冇basic樽領tee, 因為龍少係一個極度唔鐘意有嘢纏頸嘅人,

所以佢.... 一件樽領tee都冇, 即使果陣去落雪嘅地方都唔著, 只係纏2個圈頸巾咁大把! 當我地入到去, 竟然見到佢有好多羽絨同fleece, 不過d sales話d羽絨只係可以去到零下10度... 之前有件可以去到零下30度, 又靚喎, 但係香港氣候唔多合適, 所以入咗好少, 賣哂就唔返貨喇~~ 徙哂!

不過後來俾我地買咗件fleece, 都好厚架, 又抵買!

不過因為佢黑色細碼斷哂貨, 得留鮮橙色有.... 嘩, 我唔想變個橙喎~~ 所以, 算啦, 中碼就中碼啦!!! 但係.... 龍少竟然要著加大碼先啱... 真係有d嚇親! 唔通佢依家開始預留定d脂肪黎防寒???

其實我地係唔係犯賤, 響D咁凍嘅日子去埋D咁凍嘅地方~~ 果邊前幾日仲大風雪... 依家好似愈黎愈凍咁, 點算好?????

<見唔見我地拖住手呀~~~ black fleece@uniqlo=$99>