有咗個囡，全家嘅生活唔同哂~ 就連貪玩的mama也被audrey bb溶化了: 曼谷漫遊記

到咗第3日, 我地一早就去咗MBK食Monk嘅好味多士, 因為貪佢多選擇有平! 我地要咗古古力多士同泰式奶茶! 佢嘅古古力多士淋咗超多古古力醬上面, 而奶茶又香d同冇咁濃, 所以我都飲到, 真係幾好食~

不過可惜佢地果度唔俾影相, 所以... sorry, 冇相睇究竟有幾好味!

食完之後, 龍少就要去揾揾沖哥介紹果間賣泰拳用品嘅鋪頭. 但係由於個地址唔清楚, 問人都唔知響邊, 同加上個地圖都好似唔係好啱咁~~

結果我地身水身汗咁揾咗成粒鐘先揾到! 不過d價錢都係同hk差唔多, 所以結論都係... 冇買! 跟住我地就返返去MBK人地話好好味嘅豬手飯同映豆腐. 不過, 都唔係話真係咁好味啫, 我寧願返去食雞飯, 或者返Siam食紅豬仔魚旦粉好過!

<映豆腐, 唔係咁好食嘅車仔麵 - 40babt>

<麻麻地, 唔係真係咁特別但好貴嘅豬手飯 - 50babt>

食完之後我地就想行過去Siam Square度食青木瓜沙律, 雖然響bkk真係通街都係, 但係當你見到d烏繩已經食咗頭淡湯, 同埋佢地又加d生蟹, 就連我依d咁為食嘅人都唔敢食!

但係當去到Siam Square果間專買店, 真係嚇死人, 多人多到要排好好好長龍, 所以... 算喇, 唯有放棄啦! 跟住我地就上番Siam Centre逛吓, 嘩, 都係2年冇去, 變得好犀利, 靚咗潮咗好多! 之後我地就去咗Siam Paragon睇"爸爸", 因為佢有成半層都係賣"爸爸", 咩牌子都好, 而且仲要係有passport就有5% discount

!! 都幾好架... 於是我就開始埋頭苦幹地睇呀試呀, 而好好彩counter中間有幾張好舒服嘅梳化, 龍少就當然唔會執輸霸番張等吓瞓吓! 不過我都算唔話得, 等我買好之後, 我帶番龍少去買泳褲! 嘩, speedo d泳褲全部8折, 而且d款都唔差, 所以龍少都簡得好開心~ 最後佢買咗條小小charm嘅boxer型泳褲, 都幾好睇架!

之後我地就去返Siam Square食晚飯! 其實我地係想去新假期書仔介紹果間"Seefah"平民泰菜, 但係唔知點解, 去到硬係覺得入去就會俾人揾笨嘅感覺, 加上都唔覺有本地人去食.....?! 所以都係去過另一間 - S&P. S&P係咩? 響泰國有好多分店架, 仲有埋bakery同急凍食品! 由於之前有好多blog友介紹過, 所以我地一開始都係抱住個試吓無妨嘅心態去食, 而且我又叫錯嘢食... 事緣我想食泰式濕炒河, 咁佢個menu有2項嘅英文係一樣嘅, 都係"fried rice noodle with chickren", 我問個泰仔2者有咩分別, 佢響度指指點點... 我地都唔知佢做咩

! 所以到最後唯有點指兵兵, 求其指咗一個俾佢囉! 龍少就叫咗一客蟹肉炒飯set, 跟一碟泰式香腸沙律! 開頭以為係普通嘢, 點知一試, d炒飯好香, 又多蟹肉, 夠哂火喉, 簡單d講 - 好味; 個沙律好清, d香腸唔似我地平時食果d咁, 就連洋蔥都好甜, 真係好好味! 好喇, 跟住到我果客黎到, 點知竟然會係我最憎嘅"杰撻撻"醬汁+炸過嘅麵...

真係有d唔知點算! 都唔知點解我成日都中蕉! 去日本食拉麵, 叫個野菜拉麵, 佢都可以整個"杰撻撻"醬汁去撈d野菜, 真係好核突!!! 龍少話同我交換食, 但係我唔想唔鐘意嘅嘢就俾哂佢, 所以都係自作自受番! 不過一食, 咦, 又ok喎! 其實都幾好味架, d味道仲拍得住hk嘅大酒樓架. 不過我對d汁有偏見啫~

<好好味蟹肉炒飯 + 泰式香腸沙律set - 98babt>

<又嗌錯但幾好味嘅'鼻涕'雞肉炒麵 - 70babt>

由於份量好細, 我地食完之後, 想過去紅豬仔度食20babt但好好味嘅魚旦粉

, 點知... 收緊鋪!!! 嘩, 真係幾傷心吓

~ 不過龍少為咗"tum"番我, 就帶我去Suam Lum Night Bazzar度坐摩天輪! 一去到就見到個好靚好大嘅摩天輪喇, 我地就第一時間去坐! 100babt一位, 都ok啦! 其他果d摩天輪好浪漫, 依個係刺激架?! 因為佢轉得好快好快好快... 真係有小小暈嘅感覺, 不過又好得意!

<真係好靚架, 不過到3月就冇得玩喇>

<你睇幾咁宏偉>

有得坐摩天輪真係好開心, 因為細細個都已經成日要大人帶我去玩! 之後我地當然又要去佢個露天food court度食嘢啦~ 依度d嘢食比其他food court較地道, 所以較多本地人去飲吓啤酒食吓小食! 係果度, 我終於可以食到恨咗好耐嘅青木瓜沙律, 同魚旦粉! 龍少問我想飲咩, 唔知點解我好突然咁想飲"楊桃汁", 其實都諗住點會好呢, 但係又俾龍少揾到喎, 好開心呀~ 雖然唔知佢點揾番黎, 但係真係要多謝龍少喇!!!!