龍少妙問妙答

話說星期五晚我做咗d好乖嘅事(講真, 係咩事我都真係唔記得咗), 令到龍少不得不答應幫我洗碗!

於是我就叫佢要臨瞓前一定要洗哂佢.

因為龍少好興話幫我洗碗, 不過唔會即日洗, 要擺到佢mood到先去洗~~

但係通常響佢mood到之前已經俾我洗咗!!!

到咗星期六朝, 見到sink盤依然充滿未洗嘅碗碟.....

於是我就send SMS俾龍少, 對話如下:

  咪:  點解廚房D碗碟仲未洗?

  龍:  因為佢地鐘意玩水, 玩到唔願走!

   !!!!

  咪:  咁你係爸爸, 要教訓佢地先得架~

  龍:  所以罸佢地浸到甩皮為止!

我一路睇一路笑到收唔到聲~　

真係俾Ｄ懶人激都激瘦.....  最終Ｄ碗碟邊個洗? 

你地話呢!

15 Jan07 11:40 再續~

   咪:  咁究竟要浸到佢地幾時?

   龍:  咁曳, 就浸死佢地為止~

到咗今晚, 當龍少返到屋企, 發覺D碗洗哂, 就嗱嗱聲打俾我, 話俾我聽:

嗱, 我都話架啦, D衰仔唔罸唔得架! 罸咗咁耐, 依家咪乖乖地全部自己跳哂上水囉~~~