到第2日, 我地一早起身落coffee lounge食完早餐, 就出發去"chap度chap", 因為我覺得依個名真係好好笑, 所以我鐘意叫佢依個名多過JJ market! 大約11點半我地就去到mo chit. 一落車已經發現有好好好多人喇... 仲好熱熱熱... 好彩我地都自備咗2支冰凍嘅果汁, 等飲完先再響果度買! 當我地行吓行吓, 發覺"chap度chap"d嘢好似冇以前咁特別, 咁有色彩, 都有d失望!
我地行到2,3點就開始搵嘢食, 唔知係唔係天氣熱得緊要, 我地倆個又餓又累, 真係辛苦! 好彩我地行啱咗條soi, 先可以搵到d魚旦粉檔咋! 一坐底龍少就急不及待用佢"叻叻"聲嘅泰文叫嘢食, 我就唔理咁多, 一於乘機抖番吓! 嘩, 碗粉一黎到, 就有兩隻餓狗搶"bubu"喇, 
真係失禮!! 我仲掛住食而完全唔記得影相! 
之後我地行吓行吓, 嘩, 見到龍少最心儀嘅燒魷魚, 一隻隻肥胖胖咁瞓哂響度! 龍少又點會咁易放過佢地喎. 於是我地都買咗一隻試吓, 個人仲問我地"劈唔劈" (龍少字典: 劈=辣), 龍少就當然答佢"劈劈劈"! 點知一入口就知大獲, 嘩,
劈到跳舞!!! 佢果d辣椒水係指天椒整爛再加少少水~~~ 我個咀登時變成Q太郎個潤腸咀! 好彩當時我個小包包有盒"萬x珠", 嗱嗱聲啪2粒入口... 鬆哂! 點知冇拉拉有人捉住我
, 原來龍少都辣到跳舞, 叫我俾2粒糖佢解解辣, 哈哈哈, 龍少嗌辣個樣真係幾好笑架!
之後我地都有買到d紀念品, 但係由於其他檔攤嘅小食都好吸引, 所以我地都有幫襯d啦~ 但係就太多唔知係咩嘅東西, 所以都係影相算喇~
<依d都唔知係咩, 係咁是但影吓啦>
行完"chap度chap"之後, 我地就返咗去Siam Paragon! 因為龍少要帶我去Shiseido度剪頭髮, 600babt就有top stylist幫你剪頭髮喇, 仲用齊成set shiseido幫你洗頭set頭, 真係好pro! 吹頭果陣佢仲問我想set直定曲, 咁我當然想試吓吹直啦! 嘩, 就連吹頭都有2個人幫我吹, 勁勁勁
!! 剪完之後, 龍少都話唔錯, 好過香港d"上海飛髮鋪", 真係開心龍少讚我
! 之後我地就去咗Siam Paragon 下面果間Fuji度, 我地叫咗雜錦天婦羅, sushi set, 本來想叫嘅芝士焗青口, 但係唔知點解冇青口, 所以叫咗炭燒牛扒(因為唔靚所以冇影), 同埋我嘅至愛~~蒜蓉飯. 嘩, 
真係好味到不得了喇~~ 本來我想叫一碗兩份食, 咁可以食多d嘢. 但係龍少一個口快就叫咗2碗, 所以真係飽到抽筋!!
食完真係完全唔想郁.... 但係唔可以就咁就養肚腩架, 所以我地就行咗去Central同Isetan. 不過唔知係唔係之前炸彈事件, 所以d商場10點就收檔, 搞到我想睇"爸爸"都睇唔切! 跟住就落咗地下"Naraya"買拖鞋, 其他人好鐘意去依度掃貨, 雖然真係好平, 但係唔知點解我又唔特別好, 剩係鐘意佢對拖鞋, 真係幾舒服架! 於是我就買咗2對俾我同龍少, 再買多2對俾咪媽咪爸做手信. 跟住嘅節目呢, 嘻嘻~~
我地依2個懶人, 仲有咩搞呢, 咪又去咗body tune度做foot messages! 點解唔做全身? 因為太飽, 唔敢俾人拗腰囉~~ 
<晚上central對出, 多個人影都冇, 但係就好有氣氛>
沒有留言:
張貼留言