Dinner@Merhaba

因為2月果陣我病到九彩, 所以我地一班中學同學嘅生日聚會就推遲咗

2月同3月之星嘅生日會combin咗一齊響3月先食飯

上星期日, 我地一斑就去咗諾C佛臺果間Merbama度食中東菜

起初一聽到個菜, 真係有d驚驚~~

因為通常依d特色菜都係又貴又細碟, 位位冇$300都唔駛旨意落樓

仲有, 以龍少嘅超級無敵大胃口, 我估佢真係要食哂成個menu先會飽咁!!!

不過同學仔話依度夜晚會有肚皮舞表演,

而我地依d大鄉里都未睇過

所以都想去見識一吓~~~

間餐廳好有氣氛, 環境同裝修都好有feel

不過佢地好似主要serve d 1pair pair嘅客, 多個我地一班嘩鬼

由於我地一班都非常期望肚皮舞表演~~

於是一坐低就問個waiter幾點開show

點知... 原來逄星期日, 一都冇得跳~~~

仲等我地一心黎睇表演, 今次真係捉蟲囉!

不過d菜都幾ok, 幾好味, 不過就..... 真係細碟到暈...

每人每樣都係分得一件咁大把~

所以, 我地食咗1 round就冇再叫喇

散場之後, 我地各有各都走咗去夜宵

龍少同我仲走咗去廟街食番碗夜粥~~ 哈哈哈

都唔知係我地大食, 定係果度d嘢真係咁細碟~~

後記: 本來仲有2個main courses, 但係大家都太餓

舉起相機果陣個main course已經俾人瓜分咗喇~

地址：尖沙咀諾士佛臺12號耀邦大廈地下

<左: 雜菜中東包; 右:雞心豆中東包>

<地中海沙律~全晚最好食>

<酥炸羊肋骨跟薄荷乳酪~一人得一條>

<羊肉中東麵~好似好熱但食落係暖嘅>