到年初三, 我地都係實行一貫嘅作風... 遲起身!
其實係因為要打電話去哈爾濱間酒店問火車飛~
個服務員就話佢地有飛, 但係冇得訂, 又唔肯定
要到埗先可以book!! 不過又話多數都會有...
就係咁~~~ 龍少就同我膽搏膽咁話
"我地一於去啦, 你方有錢返唔到黎咩!!!!" 嘩, 好man呀~
當龍少食完2個早餐之後, 就出發去遊故宮博物院
我地由王府井站搭一個站去到天安門東站落車
一出就已經係天安門廣場喇, 好方便
不過我地冇響天安門廣場停留, 因為我地想響故宮留耐dd
但係係人都知, 跟得鴨仔團都係走馬看花
個導遊果次只係用咗半個鐘就帶我地行哂故宮嘅重點喎
但係跟本都唔知自己究竟去過邊?
今次我地響故宮入邊行咗好耐, 仲係咁影相
行咗成3個幾鐘, 如果唔係要趕火車, 真係唔捨得咁快走呀
一去到火車站大堂, 嘩, 真係嚇死你!
有d賓虛咁嘅場面, 響香港真係好少見一大班人唔知係度做咩咁~
不過去到先知原來我好果班火車個終點站唔係哈爾濱, 而係齊齊哈爾
本來有d擔心唔識落車, 去錯咗齊齊哈爾就大獲喇~
不過原來佢地火車每一卡都有個服務員
放入佢地一個file裡面, 佢就俾番一張card俾你
當到站前半個鐘個服務員就會入黎叫醒你落車
同埋俾番張車飛你, 估唔到國內d服務都幾周到喎~
由北京出發去哈爾濱, 全程12小時, 費用$415
可以算係一個體驗, 平時真係冇咩機會可以瞓火車架~
而且都唔算辛苦, 只不過係悶咗d囉!
不過好在我地坐夜班火車, 可以瞓教, 浪費一吓d時間囉~~
同埋未試過自己去旅行要轉火車先去到個目的地
原來俾普通自遊行, 滿足感大好多架!!!
沒有留言:
張貼留言