倆口子上哈京第二天

到年初三, 我地都係實行一貫嘅作風... 遲起身!

不過都算早過響香港放假嘅日子喇

其實係因為要打電話去哈爾濱間酒店問火車飛~

唔知係唔係d國內同胞鐘意無寧2可咁答人

個服務員就話佢地有飛, 但係冇得訂, 又唔肯定

要到埗先可以book!! 不過又話多數都會有...

就係咁~~~ 龍少就同我膽搏膽咁話

"我地一於去啦, 你方有錢返唔到黎咩!!!!" 嘩, 好man呀~

於是我地照去玩, 唔理咁多喇!

當龍少食完2個早餐之後, 就出發去遊故宮博物院

我地由王府井站搭一個站去到天安門東站落車

一出就已經係天安門廣場喇, 好方便

不過我地冇響天安門廣場停留, 因為我地想響故宮留耐dd

其實響2年前同陳生肥媽跟團果陣都去過

但係係人都知, 跟得鴨仔團都係走馬看花

個導遊果次只係用咗半個鐘就帶我地行哂故宮嘅重點喎

但係跟本都唔知自己究竟去過邊?

但係無奈同老人家去旅行, 跟鴨仔團係best choice!!!

今次我地響故宮入邊行咗好耐, 仲係咁影相

行咗成3個幾鐘, 如果唔係要趕火車, 真係唔捨得咁快走呀

<上圖左: 有皇帝表演, 不過要收錢; 上圖右: 太和殿裝修緊...> 

<上圖右: 皇帝早朝嘅地方>

<上圖左: 好似'金枝慾蒘'd走廊>

之後我地又搭咗3個站, 去咗西單食咗d唔好食嘅嘢, 再返木棉花攞行李去火車站~

一去到火車站大堂, 嘩, 真係嚇死你!

有d賓虛咁嘅場面, 響香港真係好少見一大班人唔知係度做咩咁~

不過去到先知原來我好果班火車個終點站唔係哈爾濱, 而係齊齊哈爾

本來有d擔心唔識落車, 去錯咗齊齊哈爾就大獲喇~

不過原來佢地火車每一卡都有個服務員

佢響你上車時對清楚你個目的地, 之後仲收咗你張車飛

放入佢地一個file裡面, 佢就俾番一張card俾你

當到站前半個鐘個服務員就會入黎叫醒你落車

同埋俾番張車飛你, 估唔到國內d服務都幾周到喎~

由北京出發去哈爾濱, 全程12小時, 費用$415

<上圖左: 嘩, 賓虛呀~~; 上圖右: 個月台靚過廣州果d好多>

<上圖左: 我地瞓22同24號床; 上圖右: 架火車都好四正>

<上圖左: 個洗臉室好乾淨; 上圖右: 馬桶都幾ok>

好多人話咁樣搭火車好辛苦, 但係對我黎講就覺得好好玩~

可以算係一個體驗, 平時真係冇咩機會可以瞓火車架~

而且都唔算辛苦, 只不過係悶咗d囉!

不過好在我地坐夜班火車, 可以瞓教, 浪費一吓d時間囉~~

同埋未試過自己去旅行要轉火車先去到個目的地

原來俾普通自遊行, 滿足感大好多架!!!