元宵節前後 = 戒嚴日

今個星期六日屋企戒嚴呀~~

龍少依2日都響屋企check住我, 睇吓我有冇準時食藥兼休息

所以就濳咗水囉, 嚇親各位真係唔好意思喇~~

由於今次依隻病菌真係好勁 + 小妹不嬲都係孱仔強一名

而上2次d藥星期六就已經食哂, 星期日又唔想出街

所以..... 尋晚d菌又開始出動喇!

食完晚飯頭暈到爆, 所以等d食物消化多陣就走咗入房抖吓

點知一瞓就瞓到凌晨點幾

竟然突然肚痛... 仲要痛到想死咁!!

跟住就立即衝入廁所~~~~~

搞咗一陣好好多喇, 於是入房再瞓過啦

點知張床都未瞓番暖, 個肚又痛......

今次仲痛到好似人地生仔咁

成身標哂汗, 仲要係一滴滴咁滴落地...........

最後都係要龍少幫我攞止痛藥食, 先至可以瞓到今朝!!

所以, 今日又去咗幫襯李醫生喇~~

李醫生話上次感冒d菌都好利害, 仲有d走咗入腸!!!

今次真係..... 食都冇啖好食囉~~

                                                                                                        

尋日係一年一度嘅元宵佳節,

亦都係我地嘅舊同學~林凱小姐同ken先生註冊大囍日子

但係我就依然喪咳+頭暈

所以, 唔好意思~

只能夠響屋企祝福你倆

到出年你倆擺酒之日, 我地到時一定到!!

祝你倆 白頭偕老 永結同心 百年好合 早生貴子