一來冇定可以行, 二來諗住瞓到夠哂
一到埗可以四圍去嘛
搭正凌晨4點, 車箱果位服務員小姐開門叫醒我地落車
好喇好喇, 終於都到喇...
好辛苦咁係月台影咗幾張相, 部相機同我地都開始挨唔住
所以我地一出車站就跳上的士, 連火車站個樣都唔記得影相! 唉~
跟住我地去到一早book咗嘅"凱萊商務酒店", 因為太早, 所以我地冇得check-in
結果放低行李之後就去咗酒店下面果間"麥當當"醫肚
不過好得意, 原來依度嘅"麥當當"係即叫即整, 幾新鮮?!
不過就等到我地發火咁滯.... 2個包啫, 整咗成15分鐘喎
食飽飽之後, 橫掂都未有房, 我地就周圍影吓相
唔知係唔係接壤住俄羅斯, 原來哈爾濱好有歐陸小鎮feel
周圍都好靚好靚
唔似得國內其他大城市咁.... 太煩擾太商業
但係佢又唔算落後喎, 應有嘅都有齊~~
佢地都包到自己一隻糉咁, 都好得意架
由於d相係朝早6點幾影, 所以個天好暗仲未天光~
等等等一等再等, 果個負責人終於都返喇
咁我地立即問佢d火車飛啦, OH NO....
咪咪吉: 咁機票呢?!
服務員: .... 都冇哂喎!
又係佢話有火車飛我地先黎, 點知黎到佢又話冇, 都唔知點番北京喇
於是我就一支箭咁沖去果間旅行社, 但係.....
龍少竟然話返房先, 唔好去住, 因為好眼瞓!!!!
好囉, 佢地話火車飛就真係full哂, 但係飛機就仲有
佢本來俾咗2個時間我地簡, 當我地簡咗下晝嘅時間
佢地打去check嘅時候, 竟然話full哂~~~
哈哈哈, 佢果2張機票, 就係我地正想要嘅日子
俾完cash之後, 我地就真係返房沖涼"早睡"喇
瞓到大約1點, 我地就起身去食嘢, shop吓walmart
之後就打的去太陽島嘅雪雕~
嘩, 依d景點嘅入場費都真係幾貴, 又多謝$100 per head
不過算啦, 唔通一場黎到唔去玩吓咩
所以我地都唔執輸, 真係行到天都黑哂, 我地先捨得走
一出門口, 發覺咩車都冇, 耐唔耐先有架的士
我地就去附近果個冰雕展, 個司機都話ok
但係點知都未上車就叫我地去搭第2架"麵包車"
於是我地去果架"麵包車"度問啦
嘩.... 佢真係獅子問大口, 5分鐘路程收我地位位$10
佢都真係傻架, 我地打的都係$8唔駛跳錶喎
之後又撞都3個香港人, 佢地都同我地一樣, 俾架"麵包車"殺價
於是我地一齊唔搭, 點知架死人"麵包車"跟住我地唔走
如果唔係, 唔係會唔會行到半路變咗2條雪條!!!
因為如果唔買, 入到去好多都係冰地好滑架
入面都好多嘢睇, 有冰滑梯, 又有冰椅~~ 都好古怪
不過就真係好凍, 但係原來已經唔算凍喇
沒有留言:
張貼留言