果朝一早就出發去機場, 個肚餓到打鼓
所以都好期望港龍個早餐
可惜... 因為我地遲check-in, 坐到最後一排
所以當上餐時, 輛到我地果陣都冇choice喇~~
只係剩番似麥記嘅難食炒蛋, 唉~~
去到北京, 搞掂哂所有嘢之後
我地就去咗王府井大街嘅"美國加州牛肉麵大王"
佢有好多分店架, 就連哈爾濱都有!
但係點解響北京叫美國加州呢? 美國加州又興食牛肉麵咩?
之後就返北京開牛肉麵鋪囉~~~
食飽飽之後再行街街...
但係唔知係唔係天氣凍呢
行咗冇幾耐, 又想食嘢喇~
今次我地去咗專食小雲吞嘅"餛飩候"
依度真係好好好多當地人黎食, 但係要自己搵位就有d難
因為d北京人好利害, 九丈遠有位都可以飛到過去
我地要咗一碗小雲吞, 一籠小龍包, 同蘿蔔絲酥餅
前2樣都ok幾好食, 但係個蘿蔔絲酥餅就....
得個厚厚酥皮, 真係唔多覺裡面有蘿蔔絲... 所以最後, 都係放棄咗!
跟住我地再行街街, 去北京書城逛逛
晚飯龍少就帶咗我去東來順食我最鐘意嘅涮羊肉!!!!
為咗附合我地大食雙煞, 食完涮羊肉, 一於再去掃東華門夜市
嘩, 北京d夜市真係有d嚇人, 咩小吃都有得食~~
仲有好多諗到諗唔到都有得你食
爭在你敢唔敢食啫~~
以下圖片實在有d嚇人, 請做好心理準備......
首先開始係正常d嘅先:
好喇, 開始有d恐怖嘢出現喇:
再恐怖d:
今次真係大開眼介....
不過真係一邊睇一邊驚~ 仲要成日俾人鬧唔好阻住做生意....
真係~~~
沒有留言:
張貼留言