古古貝貝

自從新年返黎之後, 一直病到依家

仲不斷有quiz同project要做, 真係有d人都癲嘅感覺

為咗舒緩一吓自己緊張嘅情緒(籍口)!!!

所以尋晚又攞咗舊牛油出黎~  咁整咩好呢?!

因為個口有d痕, 想食心愛嘅古古力但又要簡簡單單喎

好, 一於跟亞B食譜整古古Madeleines

不過一開個焗爐, 真係有d嚇親!!

因為好耐都未整過餅, 連個焗爐都有d封塵~~~

結果由一開始整至到焗好, 都只係搞咗個幾鐘咋, 仲要計埋中間雪麵團果一個鐘!

今次我仲用咗vanlily同亞B推介響10蚊店買嘅貝貝模具

我仲買埋心心模具, 焗出黎個樣好cuite呀~~

而且我仲私人加咗d龍少響有食緣買嘅藍莓乾落去

哈哈, 真係又香又好味, 學大少奶話齋~ 仲抗氧化架....

不過龍少嫌太大陣奶味同甜咗d.... 唯有下次唔落奶同減小d糖份啦~~

哈哈哈.... 一邊食心情即刻好番哂

不過... 一食完~~ d notes就即刻返哂埋黎~~~

噢... 救命!!!!

後記: "2個人上哈京"都已經係3個星期前嘅事喇~

過埋今晚個quiz, 聽日我會開始寫架喇, 放心!!!

龍少, 唔該快d load canon d相俾我啦, 我唔識搞依部機呀~~~