2007年12月27日
當日去完睇日出
凍冰冰, 頭暈暈
一返到飯店房, 老闆娘就送上親手整嘅早晨全餐
有杯熱練奶茶, 有份練奶多士
好過冇, 不過好warm~
8點幾就返到飯店, 懶惰嘅我地梗係要瞓多陣啦
瞓到12點幾, 我地就出番去食小小野
今次我又'lai'野, 叫咗個杰撻撻嘅肉焿麵; 龍少就超穩陣叫魯肉飯
之後去到奮起湖, 我地當然去搵出名便當食啦
雖然個外表就....
但係D味道好好, NT$100有雞肶有豬扒有菜有醃菜有珍珠米
龍少都話好好味~
之後準備上車走之際
龍少忍唔住要買多個外賣
留番搭高鐵時食, 真係....
當日個司機大叔好好人
本來車程只送我地到台鐵站
但係佢話如果我地俾多一人NT$100就車埋我地去高鐵站
雖然佢都係收錢
但係如果我地自己打的都要成NT$3XX呀
而且又可以慳番D時間趕5點班火車
所以我地一落車就即刻衝去買火車票
再以9秒9速度衝上3層樓咁高嘅月台
真係跑到我... 氣都咳
講真, 咁大個女都未試過跑到成隻腳好似唔係自己咁
郁都郁唔到.....
如果唔係想快D返去台北, 寧願等多半個鐘囉!
返到台北, 第一時間返返去飯店check-in
嘩, 今次仲upgrade咗我地上superior
間房好大呀, 大到有小小驚...
休息一陣, 我地就去食好好味嘅牛肉麵 ~ 永康牛肉麵
果度真係難搵得緊要
我地搵咗好耐好耐先搵到
仲好彩行先一步咋, 如果唔係去到啱啱關門就好笑囉!
先叫一個粉蒸大腸, 唔酥唔臭仲好好味
我俾龍少點我要咗個一般嘅炸醬麵
而佢自己就叫咗個超好味紅燒筋腩麵
個湯底牛到呢.....
食完再去食冰凍甜品
依度其實唔太特別, 不過就貪新鮮咩都試吓囉
其實仲有好多款, 不過最想食嘅超級芒果牛奶冰賣哂....
食飽飽沿途行去中正捷運站
途經3年幾前黎影婚紗相嘅"絕色婚紗館"
諗住過去望望啫, 點知竟然俾人認得出
捉咗我地入去傾計之餘
仲送咗份禮物俾我地呀
話多謝我地介紹咗咁多生意俾佢地喎
講真, 如果佢地唔係影得好
我點講都冇用啦~~~
永康牛肉麵:
台北市金山南路二段31巷17號 (11am-9pm)
冰館:
台北市永康街15號
沒有留言:
張貼留言