未過年

龍少酷愛所有中國節日嘅傳統咸食品

蘿蔔糕係佢嘅首選

試過佢自己一個人可以1日清2底糕

認真大開眼界

而係我整嘅食物當中

蘿蔔糕係龍少超級少有會讚口不絕嘅

所以新年前點都會整一大底俾佢

而每年都係響新年前已經清袋

今年果底? 有d CROSSOVER成份:

【哈噶力新潟大根哥本哈根風乾黑毛豬肉腸黑花菌小柱阿爾巴尼亞糕】

係新年前一星期(即係尋日)已經KO咗

佢嘅生命只係短短2日咋...

今次買唔到臘肉, 用咗2孖臘腸代替

每次切臘腸臘肉我都會忍唔住"鵰"哂D肥肉出黎

今次都唔例外, 不過唔可以俾龍少知....

(左) 加瘦臘腸都可以有咁多肥肉, 唔加瘦咪全條肥膏?

我地2個都愛煎到脆脆地嘅蘿蔔糕!