2007年12月27日
好多次去旅行之前
龍少都話帶我去睇日出
但係... 次次都掛住瞓而未能成行
今次山長水遠專登去到阿里山
點都要去睇吓出名嘅阿里山日出啦
果朝早凌晨5點鐘出發
果陣個天又黑又凍到屎
龍少都忍唔住買咗包熱奶取暖
途中司機大叔有講有笑, 都唔會悶
不過最可惜係, 個天都未光就帶我地去睇神木...
又趕又黑, 只係影到一張相咋
仲要執過先睇到小小.... 唔開心...
叫得神山就係好神
當你一去到見到, 真係忍唔到會"嘩... 咁粗嘅!"
佢嘅樹幹足足要成12個大人先抱得哂
依度係其中一面...
跟住我地就去玉山度睇日出
沿途一路都見到個天開始變色, 真係好靚架~
司機大叔同我地講, 我地好好彩
如果有霧就睇唔到日出
去到目的地,司機大叔就每人俾塊茶色玻璃俾我地
因為當太陽升起果陣, 用唔到肉眼睇架
等等等... 等咗好耐, 又凍又餓, 個太陽開始出埸喇~~
睇完之後, 我地就去睇"夫妻樹"
佢地都好好大棵架,
不過就係因為一場山火, 佢地已經完全冇生命跡象
到依家仍然俾遊客參觀, 提醒大家要小心火種
你地又估唔估到邊棵係夫, 邊棵係妻?
一般旅行團唔會黎玉山, 因為太遠...
之後返返飯店食早餐, 再係附近走走影影相
你睇幾好天~
尋晚就係"華馨園"食晚飯
森林火車站, 之前黑猛猛都睇唔到
阿里山人條地靈, 連隻狗都肥過人
飯店集中地
我地就係住依間"美麗亞..."
食完lunch, 返房執好行李
另一個司機大叔就準備帶我地到另一個景點 ~ 奮起湖
雖然個名叫"湖", 但係其實只係山上一個小盆地啫
依度亦都係森林火車其中一個站
奮起湖有條百年老街, 不過就唔係好長
但係就有好出名嘅"奮起湖火車便當"
我地當然唔會執輸啦
沿途好似去咗九份, 所以有人叫依到叫"嘉義九份"
跟住樓楊就可以上番火車站
好好彩仲見到一日一班嘅回程小火車
原本天氣好好
但係突然間d霧就話黎就黎
連個天都黑埋
好猛呀....
沒有留言:
張貼留言