聖誕台の三食

2007年12月26日

去阿里山依日

原本係想去台北車站嘅微風food court度食個豐富早飯

但係一去到.... 未開!

我地搭10點鐘高鐵

果度11點先開... 唉~~

龍少一見到已經第一時間"啤"到我實!

車... 你自己都睇唔到啦

所以佢就一手拖咗我過去凱撒果邊搵食

行咗好耐好耐, 終於都搵到一間小店係有得堂食

雖然地方簡陋, 但係都放得入口架~~

我要咗煎餃子, 龍少嘅黑椒炒麵帶帽

去到嘉義之後, 由於俾人跣

所以我係高鐵站買咗個mos burger就算

龍少就堅持去到嘉義台鐵站先買lunch

好彩果頭都有好多食店咋, 如果唔係....

係嘉義周街都見到"馳名火雞火車便當"

其實... 有d咩咁特別呢?!

經過咗3個幾鐘頭火車

終於都到阿里山

我地個package包晚餐, 但係見到間酒店....

都唔知係邊度食!!

原來佢地係俾餐劵我地, 上番去火車站附近d餐廳食晚飯

由於天氣凍到好似依幾日香港d天氣咁

6點龍少就嗌食飯喇

依餐係俾我想像中好得多~

杯熱茶真係救咗我地一命!

先黎個湯, 跟爐上, 好warm呀

不過條石油氣喉就係我身邊, 有d驚!

睇真d? 有新鮮金針菜, 小量蛋蛋丸丸

不過記得蔡sen話新鮮金針菜唔可以食太多, 會中毒架~

炒腐竹鮮筍, 好鮮

炒山椰菜, 好甜

鐵板黑椒山豬肉, 好惹味不過好肥

食飽飽我地仲可以去飲番杯熱古古力

咁早食飯, 加上天氣凍

龍少又點會就咁罷休

所以飲完古力, 跟手就去7仔買定杯麵宵夜啦

台灣嘅杯麵, 真係好好味!