已經開始想念你

陳生係一個超級鐘意唱K嘅爸爸

佢成日都同同事去唱, 但係呢... 就成日唱舊歌大6唔知咩黎嘅歌

眼見提子太太就快同佢隻公帶埋小baby飛返過去NY

所以陳生就提議我地一家去玩   

玩咩? 咪就係玩唱K囉!

原來依家星期日唱K都唔太貴, $59+10% 1位唱3個鐘

我地就由晏晝唱到黃昏

陳生超級開心, 佢真係唱到唔想走咁

提子太太就有好多歌都唔識唱囉 (雖然我都係)

唱完之後, 我地就去食中秋節團年飯

係呀, 8月尾食定9月尾嘅中秋飯!!!

本來想去食川菜, 但係要等位

陳生又肚仔餓得好緊要

所以我地又去咗Fat Angelo開飯喇~~

陳生陳太非常鐘意食佢地個包包同沙律

佢地可以一人食個半包再食其他嘢, 勁!

↓佛羅倫斯芝士雞卷.  芝士好香, 不過件雞太老

↓香燒豬肋骨.  佢隻honey mustard好正

↓白汁西蘭花什菌蝴蝶粉.  ok啦, 蝴蝶粉有d硬

↓海鮮risotto.  好食, 好多海鮮飯又un

↓蕃茄燴意大利炒伴意式肉丸.  原來肉丸=肉腸, 香香辣辣好惹味

今次相聚真係好開心

對上一次都已經係舊年年頭喇

希望提子太太生小baby果陣順順利利

出年快d抱埋小baby番黎探公公婆婆, 同埋我依個ee啦~~