帕布先生終於抵受唔到我地要8號嘅念力
今朝一早就番番黎探我地喇~~~
仲要係幾個鐘頭之內連升3級
一個字: 勁!!
剛才又立即落超市買薯片生菜珍珠雞
但係... 有俾我見到打風一大奇景
唔記得之前係打風定係黑雨果陣, 同龍少都見個依個奇景
就係d人去超市買糧, 唔單只買餸買罐頭
有d一買就買2, 3包大米... 有幾個仲買幾樽大樽裝嘅花生油.....
點解? 點解呢?
唔通平日唔買米唔食飯? 唔通打風飲油飽肚d?
唔通唔通唔通唔通唔通........?
朋友A話d油應該用黎搽係窗邊防溢水 (?)
唔知有冇人可以解開依個"謎"
心裡心裡心裡有個謎 難解 難計
經過咗2個幾鐘頭嘅奔波
可愛嘅龍少終於返到黎喇~ 佢仲話等夜d大風d
我地一齊去影風!!! 好呀, 我想咗好耐喇!
等咗成晚個風都冇咩動靜...
所以... 影風水行動取消~~
沒有留言:
張貼留言