曼谷漫遊記 - 第一集甲

好囉好囉~ 終於都番來囉!!! 有無驚無險, 咁就玩咗6日 (查實係5日至真). 其實果邊都好安全, 只不過係唔見哂d垃圾桶(怕d人收埋炸彈)

; 街上好多軍警, 不過佢地唔會理你; 仲有就係d shopping mall入口有人check袋! 玩吓玩吓, 真係好唔想返黎, 我仲同龍少講不如就移民過黎啦, 龍少話都好喎, 呵呵!!! 

我地搭4號Emirates夜機去bkk, 因為我地果日冇請假,

所以放咗工就嗱嗱臨返屋企沖涼換衫攞行李就出發喇~~ 去到雞塲check-in咗之後, 就立即去"大x樂"食咗個炒飯先至上雞, 因為好驚阿聯莤d嘢食唔好食嘛! 不過估唔到原來阿聯莤d飛雞好先進架, 有哂電視睇有得打機. 仲好過魚翅同飛龍呀! 而且d飛雞餐都好ok, 係d甜品怪怪地咁啫!!! 不過搞吓搞吓, 要成凌晨12點先有得食, 好彩之前打咗底咋!!

<電視有好多台有機打, 不過冇戲睇>

<我依份係白汁鱈魚繪薯容>

<龍少係牛肉+旦炒飯>

曼谷時間凌晨12點, 我地就到咗bkk雞場兼攞埋行李出埋閘. 不過唔知點解又見唔到接我地果個泰佬. (因為我地一早plan咗去拜白龍王, 所以就響香港一早同廖師兄book咗要車去白龍王廟) 於是咪去買sim card

同唱小小錢先. 再打個電話俾接雞果個人, 點知佢話晨早響度!! 真係神奇, 佢話佢響附近, 話行過黎接我地, 點知等咗成10分鐘先到, 俾佢激死!! 不過, 佢揸車都好定, 同埋2點多就去到白龍王廟, 我地係第一架車到, 所以仲攞埋頭籌呀! 真係lucky~ 不過我地要響車度瞓, 好彩佢架車係果D豪華van, 坐到8-10個人架!咁我地就由2點幾瞓, 瞓瞓吓突然司機好突然咁開車~ 原來一到6點, 間廟就開門, 其他車d人係咁沖入去! 我都差d著唔切對鞋, 我地一落車就諗住一齊沖, 但係俾個司機欄住我地, 原來司機一早就攞咗有number嘅紅紙, 我地一入去就跟張紅紙攞番我地嘅籌, 即1,2號! 所以落車咗車之後係唔駛走架, 佢地一早跟車到嘅時間排咗隊架喇! 不過, 入到去都仲要等, 但係師母整好哂d早餐俾我地食, 有豆漿, 類似鬆糕果類啦, 不過我只係睇住龍少食, 因為我陣間body check要空肚..... ! 等吓瞓吓, 等到8點. 終於等到搞大鼓喇, 咁即係師公出黎, 等佢準備好一切, 就叫我地入內堂坐! 龍少係一號, 於是一叫佢就坐埋去! 嘩, 師公講龍少d嘢好準, 講咗大約5分鐘, 師公就同佢祈福, 跟住就輪到我喇! 我一坐埋去, 師公就已經講好多好多嘢, 真係好利害, 咩都俾佢知道哂, 師公仲話我今年會愈來愈好!!! 聽完師公講嘢, 個心真係好舒服, 好似將個死媧解開咗咁, 真係好多謝師公~~

<依張就係白龍王嘅籌喇, 我地好lucky, 攞都第1,2號; 其實果度都好靚, 不過龍少話始終係廟宇, 要尊重人地, 所以唔好影相>

大約8點半, 我地已經可以走得, 於是個司機就車我地去"康民醫院". 點解唔返酒店? 因為龍少同我book咗去body check, bkk嘅body check比hk平好多

, 而且服務仲好好多! 我地大約10點幾就到醫院, 登記完俾哂錢之後, 就開始做check-up! 嘩, 真係有好多唔同國家嘅人, 真係犀利! 由於我做嘅係complementary, 要成做3-4個鐘. 大概2點就做哂所有check-up, 可以返歸! 本來第2日就可以睇report, 但係因為有好多d醫學名詞唔識, 所以都係等到星期一揾埋個翻譯一齊聽好d!!

之後我地搭番醫院嘅shuttle bus去nana站, 再轉BTS去Chong Nasi返酒店 ! 估唔到3點多就返到酒店, 其實間酒店都唔差, 都算近BTS-Chong Nasi同SalaDaseng. 但係唯一唔好就係返去條路崎嶇不平, 夜晚仲好暗好靜, 同埋d早餐真係數得出有幾多樣!!! 如果唔係龍少想試新嘢同埋我貪平

, 我諗下次我地都係book番Novotel Siam好d喇, 龍少話至小早餐好味d啦..... 為食鬼!!  

<依間係delux room>

<泳池都算靚, 不過超超超細>

<好似好型咁>

4 + 5 Jan 2007

聖誕台の二食

2007年12月25日

係飯店附近, 有好多小販檔

行過成日都聞到香噴噴嘅味道

第2日龍少終於忍唔住食番碗綜合當歸湯

啖湯真係好好味, 可惜太多肝.... 食剩哂!

食完個小早餐, 跟住就直達中山站嘅肥前屋食鰻魚飯

果度真係好似去咗日本居食屋咁!

一埸黎到我地當然叫了一大一細鰻魚飯啦

佢地仲會送個熱辣辣好飲麵屎湯

大碗有2條鰻魚, 細碗都有一條

好香炭燒味呀

再叫多個清炒肥dudu芽菜, 好味到震半生熟炸生蠔

沿途有座好靚嘅building~

搭咗十幾個站捷運, 我地就到咗充滿日落同香氣嘅淡水喇

一到埗, 龍少就急不及特買咗杯珍珠奶茶

係台灣真係邊度買嘅珠奶都咁好飲

連平時係香港最憎食珍珠嘅龍少都話好味

影完一輪日落之後, 經過一個小販檔

佢地賣即捉即烚即賣墨魚仔

嘩.... 好鮮好好味架, 仲有羔架~~

咁又食咗NT$50!

  

龍少話十足外星人, 一定要我影俾你地睇--->

行吓食吓逛吓夜市

又係時間去士林食石頭鍋

依間係上次誤打誤撞番黎

不過好多人等架, d食物都唔差

開爐果陣先用大量洋蔥蒜頭炒起個鍋

再炒小量肉類, 之後先加湯

我仲要求佢加多d多d蒜頭, 嘩, 香到冇人有!!

食飽飽之後我地又行吓士林夜市嘅外圍

雖然食到咁飽, 但係就因為要趕尾班車跑餐屎

所以.... 龍少又有宵夜喇

今次係俾人呃嘅: 又冇料又油膩嘅壽司波!!

肥前屋: 中山北路一段121巷13-2號 (捷運中山站)

11:30am-2:30pm, 5:30pm-9pm

全平價石頭火鍋: 士林夜市則 (捷運劍潭站)

曼谷天書

好開心好開心好開心好開心好開心~~

 終於都"tum"到龍少同我去行開吓, hea吓喇!! 辛苦咗成年, 就連返學都冇暑假放, 等到依家考完試, 而且又sem b又未開始, 我地就可以返返去龍少個鄉下~泰國"梳孚梳孚"! 今次去bkk好緊張, 一來成2年未返過去, 龍少d泰文又忘記得7788, 我又想去好多好多地方, 食好多好多好味泰菜同日菜, 都唔知點安排好! 不過今次最大目的, 就係龍少迫我去body check! 因為佢話我身體孱得緊要, 同埋都唔知係唔係為第日小龍鋪路~~ 不過點都好啦, check吓都冇壞嘅, 而且真係平過hk好多倍喎!! 

仲有, 我要做spa做shiseido facial, 剪頭髮, 泰式推油, 行"jap度jap", 睇泰拳.... 哈哈哈, 真係好似好忙咁, 就連我d朋友都話我地似去business trip多過去hea! 本來仲想去埋蘇梅or沙美or芭提雅, 因為好想出島瞓教

!!! 但係龍少就話算啦, 下次先去島. 唉呀, 都唔知點算, 咁多嘢想玩, 6日真係唔多夠喎~~ 龍少, 點算好?! 

^^^雖然我地已經有成6-7本泰國旅遊書, 但係龍少對依本真係愛不釋手, 坦白講, 正過沖哥果d!

後記: 其實一直想去多次布吉, 因為上次我地25號由布吉飛返曼谷, 26號就收到海嘯嘅消息, 若果我地當時多留一日, 真係唔知會發生咩事?! 仲有響果邊萍水相逢嘅朋友, 唔知依家變成點? 

平安夜, 迫人夜

24號平安夜過得很平安, 今年我地冇book去食buffet, 冇開party, 覺得今年太多唔好嘅事發生, 所以想靜靜地咁過. 而果日響屋企都有好節目, 就係我由朝到下晏都係睇住龍少表演~~~瞓教,

一睇就睇到成5點幾, 真係精彩得緊要! 之後我地先去食"傍晚下午茶"... 係唔係好好節目呢!!! 不過算啦, 佢平時返工咁辛苦! 之後我地就去咗老尖逛逛, , 周圍都好多多多多多人, 所以都係逛咗一陣就去食壽司, 係呀, 又係壽司! 但係點知間間都要等大約100張枱, 嘩! 點等呀, 唔通真係等到倒數咩! 所以我地就走咗去食北海道拉面喇~ 咁耐冇食, 但係水準都keep得住喎~ 希望今年過後所有事都順順利利啦~~~

蕉蕉muffin

依個係響我考試期間(係, 係考試中)突然好似冇哂mood同energy嘅時候整, 用黎慰藉一吓可憐嘅自己! 個muffin好好味, 不過d蕉蕉未夠熟, 所以冇預期中咁香, 但係都已經足以令我補充腦力~~  不過我今個考試期間好乖, 冇好似之前咁再亂咁食甜食喇

結婚週年

今年嘅結婚週年紀念, 有一個好好彩嘅timing! 因為唔似舊年咁要考試, 冇得慶祝. 而今年冇撞正考試之外, 仲可以抽一日時間可以唔駛溫書去玩, 哈哈哈, 真係開心!! 龍少就專登請一日假同我去海洋公園玩一日! 我地仲響之前一晚整定愛心便當去野餐呀... 因為我地唔想去到又係食M記, 所以整咗好多肉肉, 啱哂龍少啦! 到咗第二日, 一向鐘意賴床嘅龍少竟然好聽話, 乖乖咁起身! 果日真係好開心, 玩咗好多機動遊戲, 除咗龍少唔想玩嘅過山車同我唔敢玩嘅海盜船之外啦~~ 睇相啦~

後記: 玩完一日, 仲去咗食我鐘意嘅sushi之後, 返到屋企竟然有袋city super係房, 一打開, 原來係我好想好想好想要嘅豬豬暖水袋, 嘩, 好warm呀~~ 龍少話啱哂我依d經常手涷腳涷嘅人喇~~ 龍少, 多謝你份咁有心思嘅禮物!

***好cutie嘅豬豬