倆口子上哈京第四天の飲飲食食

響哈爾濱第2日, 天氣非常之咁凍

所以我地響松花江影完相之後就去咗間叫"情麥快餐"食早餐

話就話快餐, 但係都唔係食一般快餐嘅嘢

依間快餐係食罐麵, 咩叫罐麵?

就係用個小瓦煲仔煮麵, 燒到個瓦煲仔滾一滾再加麵

個罐麵仲有個好好食嘅榨菜同花生送

嘩, 真係食到我地暖笠笠...

龍少仲嫌唔夠喉, 叫咗杯熱奶飲

但係點知佢地整錯咗杯熱橙汁我地

咦.... 熱橙汁咁核突, 都係要佢換番杯熱奶好d

 <--- 龍少個背影
 <--- 熱奶個杯好靚

 <--- 依個就係罐麵喇

 

 <--- 1set但唔係套餐

食完早餐, 我地響中央大街行吓逛吓

見到一班人圍住一個鋪仔, 於是我地就埋去8吓啦

哦.... 原來係賣麵包, 有肉鬆包同普通麵包

於是我又好奇, 買隻普通麵包試吓啦

一食, 嘩......... 好好味呀~~~

雖然天氣凍+隻包都係凍, 但係好鬆軟好香.... 仲要只係1蚊隻

唔怪得d人一買買一大袋, 10隻10隻咁買走

我地只係買1隻, 個亞嬸都唔係好想睬我地呀~

 <--- 肉鬆包 <--- 超鬆軟好味餐包

由於食咗麵包, lunch就去咗"美國加州牛肉麵大王"度share黎食

原來依d連鎖店唔同地方有唔同menu

我地今次就叫咗個鴛鴦雞+牛肉麵

個鴛鴦雞超級好味, 夠辣又惹味, 龍少真係食唔停口呀!

 <--- 好味鴛鴦雞

 <--- 大大碗牛肉麵

之後, 我地周圍行呀行呀.....

到最後都係行返去中央大街附近d商場

因為又凍又熱, 搞到個人開始有d頭暈

於是龍少帶我去間小餐廳度歇吓腳, 飲吓嘢

依間叫做"辣魚丸", 咁當然要試吓佢d魚丸啦

不過.... 都只不過係福州魚丸, 冇特別又貴

咁又俾佢呃咗喇~

 <--- 普通福州魚丸 <--- 冇桂圓肉同味嘅桂圓茶

到咗dinner時間, 龍少終於都肯同我去試俄羅斯菜

雖然, 個個去親哈爾濱都話去華梅西餐廳

但係好多介紹都話依間餐廳只係有特色, d嘢食完全唔好食

所以我地去咗另一間冇咁出名嘅Russia Coffee & Food

依間餐廳個門口同氣氛都好好

不過.... d服務就....超級差!!!!

果度得1個肥妹serve客人, 但係d態度就愛理不理咁

唔幫我地set枱, 又唔俾水我地

但係對隔離枱果2隻鬼就欣勤招待!!!! 

當我地order嘅時候, 又叫咩冇咩?! 咁點呀?!

龍少就是但叫d黎滿足吓我喎....

到d菜上枱時又隨手"fing"上黎, 搞到一枱都係....

真係好激氣, d小店仲好service過佢地

不過龍少話, 我地叫小小嘢食, 當試過吓俄羅斯菜就走啦

咁唯有係咁啦~

 <--- 餐廳外貌好靚

 
  
 <--- 餐廳menu

^--- 沽清嘅2款招牌菜 ---^

 <--- 隨手"fing"落枱嘅俄羅斯包

 <--- 我煲仲好飲嘅俄羅斯菜湯

 <--- 成碟都係嘅罐羊肉

 <--- 好溜嘅漢堡扒

之後, 我地就返返酒店附近放煙花

是日宵夜: walmart牌蜜煉枇杷膏, 順番條氣~~

 

第四天完~

火燭呀.....

依個係上星期嘅"杰作"....

前排見珍妮仔整咗隻好靚嘅煙熏手撕雞

咁啱又醒起龍少次次去親老北京都食煙熏雞

所以都想整俾佢食, 於是就想學吓整啦!

點知, 先記得自己係第一次買全雞

買到番黎好好好驚.....

同佢博鬥完一輪之後就開始整

到煙熏嘅時候, 以為開哂抽油煙機+抽氣扇+開窗就ok啦

點知.....

都係俾管理處打上黎問係咪煲濃嘢....

仲有管理員走上黎睇吓係咪火燭?!

真係"火羅"爆!!

不過, 最唔開心嘅就係

原來龍少之所以去親老北京都食煙熏雞

係因為冇新鮮雞食~~~

而隻雞又俾我熏過龍, 濃咗D

仲有, 都未手撕, 個雞殼都爛鬼埋

嗚嗚嗚..... 真係好傷心

好彩, 龍少都肯同我食哂, 不過就好似食緊煙咁囉~~~

<大少奶: 我遮住咗個雞頭架>

同場加映: 龍少自創差燒芽菜炒黃薑飯, 好味道, 營養高!!

冇呼吸冇心跳冇脈搏.....

電視呀~

點解你咁捨得我地

粒聲唔出就離開我地?!

尋晚當我地想同你溝通嘅時候, 你竟然變咗怪談

綠~~~色~~~嘅?!

電視呀電視呀, 點解你會咁架.... 晏晝果陣你仲好地地

點解我地一返到黎你就冇呼吸冇心跳冇脈搏.....?

雖然你係有d舊, 有d out, 同埋都想換你好耐

但係點解一d先兆都唔俾我地, 話死就死

龍少同我都好傷心呀~

話哂我地都朝夕相處咗足足四年啦~

唔通, 你係想俾機會我地換果一個?!

冇辦法啦, 既然你為咗我地作出咁大嘅犧牲

我地就承全你嘅遺願啦....

就係咁, 本來今日唔想出街嘅我地

又要出動去買電視喇~~~~ 哇咔咔, 龍少終於都恨到喇

                                                                                                  

之前整完千層糕同椰撻俾龍少+肥媽媽

一直都有小小悶悶不樂

因為.... 對我依d為食人黎講, 唔理個甜點係送俾人定係自己食

整完都一定要"試試味"先罷休

但係, 今次竟然唔食得~~

個心就一直囉囉攣...

最終都係忍唔住

一次過整咗抗氧化曲奇餅 + 綠荼芝士波波

不過唔知係唔係曲奇餅只係加咗蛋白

焗嘅時候竟然好似溶咁呀~~ 不過....

個樣超級衰~

好彩出爐之後都好好味好趣咋

依個綠茶芝士波波呢.... 就唔知點解有d未熟嘅感覺

同埋都唔夠QQ嘅?!

都唔知係唔係因為今次心急得滯

搞到2個製成品都.... 唉~~~

冇一千層嘅千層糕

成日都聽到大少奶話好鐘意班蘭嘅味道

但係究竟班蘭係咩味道???

雖然都去過新加坡幾次

但係依然唔係好知係咩味咁特別

終於有一日, 去咗蛋糕用料鋪入貨時

見到佢地有班蘭香油

雖然知道新鮮班蘭葉一定好過香油架啦

但係驚唔識handle新鮮果d, 費時浪費食物啦~

好, 買咗之後, 打開一聞.....

 唔知係唔係濃味得濟

聞完真係暈得一陣陣~~~~ 哦, 原來係依陣味!!!

本來想學整班蘭戚風蛋糕

但係~~~ 我連普遍戚風蛋糕都未整過

更加冇戚風蛋糕個模

所以, 都係向零難度挑戰好d!

於是就簡咗肥媽媽至愛嘅印尼千層糕

不過.... 雖然係零難度, 但係都竟然難到我!!!

我竟然........ 笨到以為好似整啫喱咁...... 齋雪就得

點知雪極都唔硬, 就check吓個食譜啦

吓? 原來要蒸架?!

所以就搞到最低果層.... 咩色都混埋一齊

今次真係俾大少奶講中.... 運吉喇~~~

耶...... 好蘇呀~~~

平時最愛食甜點嘅我, 簡直迷倒於所有蛋糕, 曲奇, 批皮, 糕點之下

但係~~~

竟然對其一樣主要甜點用料 say NO!!!

因為我好怕椰子果種濃濃嘅"蘇"味.... 仲有椰絲果種口感

諗到都怕怕

驚到直情係離遠聞到見到就會彈開十尺

而大家有睇開都知道, 龍少一向都唔好甜點

不過響咁多甜點之中, 竟然有一樣係鐘少鐘意嘅.....

你估你咩?

就係唔知算唔算西餅嘅 ~ 椰撻

由細到大我只係試過一細口嘅椰撻

果種滋味~~~ 真係至今難忘...

不過, 為咗龍少... 一於括出去啦~

龍少, 接撻!!