麵+屎

話說上星期龍少同我去咗黑痴島10蚊店掃貨

因為貪佢咩都係10蚊雞, 最啱買嘢成日都唔睇價錢嘅我~ 

大家千祈唔好誤我二小姐咁豪, 買咩都唔理價錢

查實係唔記得睇至真!

所以好多時都好"魚皮"

例如去it睇中件褸好靚, 又試過哂就話要買

好彩次次龍少都一定睇吓個價錢牌, 就提吓我啦!

有次真係嚇死, 差d要咗件$5xxx嘅普通到唔普通嘅秋褸!!!!!

雖然大多數人都唔會俾老公知佢換季換咗幾多錢

但係就係我依個死穴, 次次買衫都一定要同龍少去先得~~

講番黑痴島10蚊店

我最鍾意買佢嘅麵屎醬, 因為佢嘅味道同sogo賣$5x嘅一樣

我買嘅係原味, 1pack有12包, 真係好抵!

所以我好鍾意晏晝自己煮通粉加埋個麵屎湯底..... 真係好正架~~