Audrey BB 語錄（1）

22個月的Audrey BB開始經常有些古怪又好笑的對話，因為佢把聲超卡通，又似鴨叫，所以佢講D普通說話，語調語氣都好搞笑。趁依家仲記得好想記錄下來，好等Audrey BB大個可以回味一番~~

1）Audrey BB走黎同mama講：好掛住dadad

mama：仲有掛住邊個？

Audrey BB：好掛住gung gung(公公)

mama：仲有呢？
Audrey BB：好掛住paul paul（婆婆）

mama：仲有呢？
Audrey BB：好掛住dadad、好掛住gung gung、好掛住paul paul
mama(熱切渴求地問)：仲有呢？
Audrey BB：好掛住dadad、好掛住gung gung、好掛住paul paul......
mama(無奈地問)：仲有冇邊個呀？
Audrey BB：好掛住dadad、好掛住gung gung、好掛住paul paul......
mama(抓爛面問)：咁mama呢？有有掛住mama？

Audrey BB：冇呀冇呀.... 之後就走咗去~~

唉.........

2）Audrey BB食完包包做早餐，mama同佢換片片時，

Audrey BB：mama冇mum mum食呀

mama：係呀，mama好肚餓好hungry呀
Audrey BB：mama去食mum mum啦

mama：mama冇mum mum食呀
Audrey BB：mama mum mum俾豬豬食哂喇
mama：咁不如mama食豬豬..... 臭腳囉（作狀咬腳）

Audrey BB：唔好呀唔好呀，豬豬臭腳好...... 臭架！（之後聞下自己隻腳）嘩！真係好臭呀.....

笑C mama了！

3）近排Audrey BB成日都話「豬豬好大膽架」

有晩電視做關於火山的節目

Audrey BB自己坐梳化睇時，突然間話：嘩，真係好驚架！

dadad：你唔係好大膽咩？
Audrey BB（好認真地）：真係好大膽架，又真係好驚架 ！

dadad & mama：.........（無奈中）

4）有次paul paul抱住Audrey BB
Audrey BB突然話： paul paul有帶bra

又有次到gung gung抱住Audrey BB
Audrey BB又突然問：gung gung冇帶bra嘅？

5）dadad放工返黎問Audrey BB：今日有冇乖呀
Audrey BB：（認真地）有呀

dadad順口再問：係咪真架？
Audrey BB：（超級認真地）係--真--架!!!!!

6）Audrey BB又激嬲mama

於是mama鬧：你再曳我就打你petpet
Audrey BB：（一面認真但超誇張地）唔好呀，豬豬真係好驚架，打petpet好痛架

mama：你D戲真浮誇

仲有好多爆笑對話，留待下回再續。

牙肉痛與白癡

依個星期勁冇胃口食野

原因係上星期開始無緣無故大牙牙肉腫脹！脹到就快遮住咗隻大牙.......

好好好痛呀！

龍少話我熱氣，要食多D涼野

但係，食咗依然勁痛呀，嗚嗚.....

今日終於忍唔住去咗睇中醫

佢話我唔知咩咩咩火旺

（唔知點解永遠睇果陣知佢講咩，睇完就一D頭瘁都冇）　

咁我話已經飲咗好多綠豆沙啦~

噢！俾個中醫話唔可以再飲

再飲會繼續腫兼且爛牙肉（驚！）

因為話我陰虛唔可以食涼野...... 灰~

之後發生咗D白癡野，搭搭下車途中諗，點解睇完醫生牙肉都仲咁痛，係咪冇料到？！當個心不斷EE哦哦時突然想起，唓！都未食藥！

點解我成日都會認為一睇完醫生會立即、係立即好番！無奈ing.....

FTM

好悶呀好慘呀..... 冇哂娛樂喇.......

做咗2年FTM + PT 教琴, 真係好.... 累好辛苦.... 仲有小小心灰意冷

臨生之前, 有諗過自己一邊返工一邊交俾媽咪湊B

咁樣一來有自己生活, 又可以唔駛請工人, 幾perfect呀.... 諗得!

但係自己當時有正職(office)又有副業(教琴), 勁勁勁忙!

日日都成九點幾十點先返到屋企食飯~ 

所以.... 龍少話都係quit咗份office, keep住教琴算吧....

一來可以湊女, 二來可以keep住有收入(雖然會小好多)

其實都好明白今日付出的都會係好值得, 因為個女依家總算叫做聽話, 唔會俾工人、公公婆婆寵得太過份

同埋可以教佢好多好多野, 有d係playgroup唔會教嘅野

但係..... 真係放棄咗好多好多自己嘅生活時間娛樂.....

冇得自己一個自由自在咁行街、冇得同朋友去晚飯

冇得睇電視、冇得睇戲、冇得睇書、連練琴都冇時間~~~~

點搞?????

各位FTM又點可以從中找點娛樂??????

皮膚敏感

上星期六, Audrey BB 26個月了...
時間真係過得好快, 眨吓眼8月又開始返學! 想唔認老都唔得
26個月, 點都要慶祝吓, DADAD就買咗Audrey BB最鐘意食嘅mango cake cake俾佢....
但係... 其實佢唔應該食咁多芒果, 因為之前食過, 即刻生暗瘡同飛滋呢...
依個dadad真係.... 太寵愛個女了...

其實, 係大肚嘅時候, 我都唔算好乖~

為食嘅我都唔係戒足口, 咖啡奶茶古古力我可以唔飲

但係零食薯片我真係唔可以唔食…..!

難得當時龍少都幾support我食薯片, 經常大包大包咁買俾我~

我問佢食咁多唔怕咩? 佢話專登簡d low fat, low salt果d… 哈哈~

仲話我食薯片都好過唔食野!

Touchwood, Audrey BB出世都冇咩皮膚問題, 係有都係有少量好輕微嘅濕疹

搽2日cream就會冇哂

但係我自己呢… 生完就好似差咗

皮膚嘅敏感度愈來愈高~ 好容易敏感抓到紅哂損哂

轉天氣又痕、周圍污穢小小身又會痕、俾昆蟲咬到更痕….

每次都要不斷搽不斷搽好多款藥膏先止到痕

咁Q上星期整完頭髮, d卷桶燙到後頸, 依家竟然又紅又腫又痕….

龍少話好似曬燶咗、燒傷咁…. 又痕又痛…

好彩之前有朋友介紹了依隻抗敏補濕凝膠

依家一覺痕就立即搽了一層, 咦~ OK喎~

至少搽完可以即時止痕, 仲好似散咗小小腫, GOOD!!!

我諗應該要不斷keep住搽, 應該會好快好返!

另外我仲用埋佢隻洗面, 因為梅雨天就係我塊面生粒粒嘅時間

用咗一個星期, 粒粒冇爆得咁勁喎… 洗完面又唔會好緊

因為之前用親嘅唔係去油搞到乾哂、就係好潤, 仲潤到生油脂粒!

不過唯一唔係咁好就係佢地得好少銷售點… 要買真係要慢慢search一吓地點先得!

賺多d、賺多d、賺多d

其實係現今社會, 養一個小朋友真係十分唔容易!
又要返playgroup又要學依樣學果樣仲要返埋PN班.....
係... 係可以全部都自己係屋企教!
但係... 問題係你有冇咁多時間去預備教材?
你有冇咁好心機keep住果一個鐘不斷教佢?

本來我都唔太想參加太多playgroup, 更加有諗過唔返PN, 直接上K1!
但係... 當去過依家嘅PN interview, 龍少同我都嚇呆了, 成間幼稚園都係小朋友, 競爭真的十十十分大!
而且個個小朋友都可以話係被train-up到well equipped先去interview
只係爭在臨場肯唔肯發揮~
所以當時都好興幸Audrey BB有返playgroup, 需要warm up的時間小咗, 同至少識答老師問的問題!
不過... 結果當然唔ok啦~
大部分都係waiting list, 幸好最後一間interview的總算收了, 對我來說學費真的好貴, 好好好好肉痛.....
但係如果依家唔接受依個offer, 又怕遲d再interview K1時,  競爭仲大... 所以... 唯有.....!

而為咗交學費,  再 不得不收拾心情, 搵錢去也!
自有了Audrey BB之後, 良久都未有練琴的我, 又要重操故業了...
為的就係給朋友的學生做伴奏~~~
希望...  希望...  希望...
唔會令大家失望, 依D外快可以多D黎密D手就好了......

懶到嘔電的我又返來喇~

終於... 終於... 終於都"的"番起條懶筋
又再開始番我嘅寫BLOG生活...!

其實之前好幾次都話要開始寫番, 但係始終"的"唔番起心肝
不過近排成日想起, 之前話寫多D Audrey BB的日常生活鎖碎事, 好等以後可以回味回味
所以... 終於又開通了~~~ (不過唔知今次又可以挨幾耐!)

話說 Audrey BB 貶吓眼又2歲了... 唔覺唔覺開始唔再係BB, 慢慢變成一個小朋友!
依家同佢講說話, 完全對答如流, 有時仲會唔覺唔覺寸了你.... 
雖然係好可愛, 但係總係懷念BB時未開始識講野, 但偶爾會講一、兩個字咁令人興奮!

近依個星期, 仲開始懂表達自己感受!!!!
話說今日差不多午睡完突然喊醒, 我又係九秒九衝入房問佢咩事/見到咩

Audrey BB: dadad呢?
mama: dadad working囉!
Audrey BB: dadad唔好working呀!
mama: 點解呀?
Audrey BB: 豬豬好掛住dadad呀....... 
mama: 傻豬, dadad back on friday~
Audrey BB: dadad唔好走呀.....

我估dadad聽/睇到果陣個心一定甜到不得了~~~
dadad, 我都好掛住你架~~~

恭喜大家發財

其實我一向都不太喜歡過年, 
細個每天都要去拜年, 但總是在同一地點呆坐一日, 悶!
新年所有電視節目都係千篇一律的送金龍又或者係生肖運程, 悶悶!
每個家庭都是吃同一種食物, 悶悶悶!
到大個可以去街, 但大部分餐廳都強迫你食一些新春特別套餐、迫你聽一些新春音樂, 悶悶悶悶!!
而且周街都係強國人......

所以, 自結婚後大部分新年都會去旅行
一來避開這個悶到嘔電的日子, 二來因為紅日多, 請幾日annual leave就可以有個長假期了!
前兩年因為有了Audrey BB, 所以不能搭飛機
之後一年又因為 Audrey BB第一次過年, 又要迫住係香港過
等到今年, 呵呵呵呵.... 終於都可以又去新年旅行了~
今次要去13日啊, 仲要帶埋Audrey BB去落雪的地方, 希望可以順順利利啦~

預祝大家新年進步, 身體健康, 恭喜發財!!!!