泰太團@淺水灣影灣園

<私人網誌>

 

今日下晝提子太太同我浩浩蕩蕩咁闖進淺水灣

去參加美少婦介紹嘅學廚@<影灣園香辣軒>

佢地嘅行政總廚符績越師傅示範同介紹咗4款泰式小食+甜品

今日天氣風和日麗, 奇曬非常

餐廳方面唔想我地入廚房搞搞震

所以佢地係field果邊set哂廚具

嘩, 曬到呢~~~ 不過師傅仲大汗過我地

都唔係佢係緊張定係頂大廚帽太熱~~

首先介紹咗d香料先, 一睇d香料, 嘩多都想偷d返屋企用!

↓原粒黑胡椒~                                               ↓新鮮香茅南薑青檸

 

↓原來斑蘭葉咁..................長架                       ↓好鐘意師傅個獲

 

↓餐廳裡面都好有情調, 不過似呃遊客多               ↓Anne的welcome drink

 

傳聞中的Anne~~

↓香辣蟹肉甜柚沙律: (示範一)原來簡金柚都好有學問, 金柚唔可以尖, 否則皮太厚就唔甜~ 蟹肉用亞拉加斯(師傅話架)長腳蟹, 加埋個即打沙律汁, 個汁真係一流!!

↓銀魚仔: 加入個sauce度好香                          ↓亞拉加斯(哈哈哈)長腳蟹

 

↓炸斑蘭葉三文魚: 用斑蘭葉包三文魚去炸, 油要50度就ok, 太熱就會炸得三文魚外面濃哂裡面未熟!

↓咖哩荔枝燒鴨: (示範二) 依個係紅咖哩醬煮鴨, 雖然師傅加咗辣椒同大量椰汁, 但係個汁我竟然接受到喎~ 師傅更加即場原隻燒鴨起肉, 真係奇快! 佢仲叫我地返去都要買隻黎練習, 咁練習完呢?

↓師傅個look好鬼泰feel, 但係又唔係泰國人!      ↓大少奶唔駛驚嘅燒鴨!

 
↓甜品拼盤: 由左至右千層糕, 茉莉花糕, 芒果黑白糯米飯同椰汁西米杯


後記: 今次我地冇作試食, 因為師傅實在... 有點緊張, 所以有d"哪西". 提子太太同我今晚都唔係好想肚痛囉~~

仲有, 影食物嘅相比平日靚好多, 原因係偷咗攝影師哥哥個地盤"閃光燈陣"去影! 嘩, 傻瓜機都可以有咁嘅水準, 依d咪叫做烏龜 都變鳳凰囉~~

送你一瓣的桂花

朋友A今日心情唔好

所以好想送依朵桂花俾佢

雖然我地成日timing唔啱

但係都希望佢可以開開心心, 快D同我一齊大癲大叫!

                                                                                    

而且近排捲起嘅戚風潮: <大少奶>, <蔡蔡子>, <菇菇姐>同<angle>開咗一枱
搞到我都要"臭"埋一份, 唯有預埋我去斟茶遞水啦!

之前整咗個桂花糕俾提子太太兩公婆

佢兩個都叫好~

今日再下一成, 整咗桂花味戚風蛋糕

淡淡嘅桂花香, 令到成個人真係身心康泰~ PMS愉快!

不過個合成模都真係唔係好得

睇怕都要儲吓錢買番個"勁"模先得!!

蛋糕見到一朵朵嘅桂花~

裡面都幾鬆幾軟架~

另外仲有特登整俾提子太太嘅抗氧化杏仁曲奇~

韮..... 菜花~

近日不斷覺得身型愈來愈脹

脹嘅程度就好提子太太個肚咁~ 好似3個月咁大!

原因一: PMS又黎到

原因二: 夜食飯

原因三: 壓力大

所以... 係時候減減佢, 俾番2年前至fit個老婆龍少喇!

今晚食沙律~ 有粟米木瓜蘋果, 沙律醬只係是但加少少

GOOD!

而龍少就食辣麵醬雞柳韮菜花蒜片炒飯

原因: 龍少鐘意韮菜花嘛, 我又唔知可以點整

咪炒埋一碟囉...

唔好話我怪, 都真係幾香幾惹味架~~

可愛星期天

尋日難得天氣好又冇落雨

同陳生陳太飲完茶之後

龍少同我就走咗去黃金海岸拍拖談心 

但係愈談愈熱, 愈談愈慶... 本來想去元朗食B仔嘅我地

都要打退堂鼓, 返返去屋企游水是也

是晚龍少大顯佢周身刀張張利嘅威力

show俾我知佢唔係剩係識炒飯

煎牛扒都一樣掂!!!!!

嘩, 真係好叻好型好味道~~~ 

我果份有星星薯餅架~

點解d汁多到好似水浸咁? 因為龍少話我鐘意多汁囉, 真係愛我囉.....  

食飽飽之後, 好戲在後頭!

因為星期六晚太飽食唔到"金滿堂"

所以星期日龍少就同我落樓食發記

噢, 太可愛的星期日喇!!! 

龍少嘅芒果沙冰, 好高呀~~ (龍少隻手上鏡呀)

而我, 當然食榴槤飄香啦~ 嘩, 香到癲~~~

重光紀念日

經過閉關一星期之後, 今日就係我重光紀念日

仲有2個星期暑假放, 幾好呀!

不過真係要趁依排休息番好d, 捉多d提子太太去玩玩先得

今日下晝考完試之後, 又去返我考試後例排飯堂~小曼谷

仲係食番我地嘅招牌菜:

有"賣飛佛"青木瓜沙律, 炸蝦餅, 串燒牛, 馬拉盞通菜, 清湯牛河, 同青檸沙冰....

真係超... 飽...

本來食完仲想去"金滿堂"食甜品, 但係... 個肚真係放唔落喇~

下次先啦!

上個星期放學經過taste, 見到有人promo緊花茶~

我又好想搵番上次去泰國斷貨果隻香茅蜜茶

於是就盲摸摸咁走咗埋去睇

個亞姐好好招待, 咩款都俾我試哂

但係試吓試吓, 本來想買香茅茶嘅我竟然轉呔想買熱情果茶

因為龍少好鐘意熱情果

不過依隻熱情果茶係冇味, 所以亞姐就叫我買埋樽檸檬蜜

話溝埋好好味, 仲話好濃檸檬蜜味~~

諗諗吓~ 龍少成日都鐘意飲甜味水

於是.... 咪買咗囉!

返到屋企就立即沖水加蜜糖啦~~

唔.... 好香熱情果味, 但係... d檸檬蜜就唔係好得囉

一樽大約1L嘅玻璃樽俾咗成5匙檸檬蜜都唔甜!!!!!

下次都係只買果茶, 蜜糖? 自己另加柚子蜜仲好~~~