爆煲

近年天氣反覆無常

踏入秋天嘅月份出街竟然會成身汗

到咗依2日又突然又開始轉涼

又大風又有雨粉

真係著小件衫都一定中招!!

                   

                   

                   

尋晚龍少OT, 要成9點幾先返黎

咁多時間, 就等我做番晚賢內助先

由於時間關係, 超市冇咩特別餸可以買

所以唯有煮番d最簡單又唔會死錯人嘅餸

簡單洋蔥香茅豬扒~

龍少嫌唔夠入味

梗係啦, 一醃完就要落獲喇

保持水準熱辣辣肉末茄子吱吱煲~

平時整煲仔都係煮好先倒入去

今次就直接用煲仔去煮

用大量青蔥蒜頭洋蔥乾蔥去爆煲

唔知係咪心理作用, 好似好味d喎

是晚仲有紅蘿蔔栗子南瓜煲西施骨

結果... 又係一早飲哂所以冇影相!

後記: 唔知亞煲仔係唔係第一次承受唔到咁大考驗

當同佢沖涼嘅時候

一個睇唔開... 跌屎咗~~~

善哉善哉......