營養餐

上星期無拉拉病

鼻水............長流

睇完醫生就順便去超市買材料滾湯

龍少係我病嘅時候

經常用大量蒜蓉蕃茄+免治牛肉滾濃湯俾我飲

佢話咁樣有營養喎~

不過為食嘅我加咗1/4個椰菜同小小雜豆

再同加多幾隻雲吞

就成為一個營養豐富美味可口色香味全簡單易煮暖胃飽肚平靚正嘅

抗氧化補充紅血球殺菌新界Ravioli

多謝$80~

食完之後精力果然充沛...

...

...

...

...

瞓教去也!

扮賓賓@CEBU(日曜日)

(隨意門真係好, 由今個星期一突然感冒都可以日日出blog
不過一睇個時間就知唔係即日寫架啦~~~)

2月10日年初四

去旅行真係好少可咁早起身

但係當有個靚沙灘同好太陽

龍少就好乖乖咁彈起身

落餐廳食完早餐就去游游游曬曬曬

餐廳環境都幾好

個早餐... 都ok架, 因為有好多包包~

可惜唔啱龍少胃口

仲有即焗脆脆wraffle

仲有"nipple包"...

B媽: 今次唔係橙黎, 係麵包黎架~~

依度個太陽真係曬過香港好多

有d似Tioman果個

不過衰在太大風, D沙成日吹哂上

之後又係時間出去city搵食

今次我地去Ayala Mall

想去搭shuttle之際, 佢竟然話已經fully booked!!!!!

吓?! 要book架咩? 點解冇人講架?

點? 唯有屎屎氣call 的士囉

龍少話係酒店叫的士應該安全d

點知又俾個的士佬"昆"我地

話出去要700peso?! 吓, 呃鬼咩

我地啱啱先係concierge 度問過大約200peso之嘛

仲有SM Mall同Ayala Mall好近

我地尋日返酒店都只係170peso之嘛

佢死人都堅持要700peso, 跟住話收我地平d, 500peso啦…

我地堅持用meter, 但係佢就不斷講價

仲專登開到好慢…

講真果陣真係有d驚!

好彩龍少臨危不亂咋, 佢見個錶跳到50peso

就叫佢停車, 條粉皮都俾佢嚇咗一跳

因為周圍都係泥路又冇人冇鋪頭

但係龍少堅持要落車佢都冇計

於是我地落車行咗一陣, 見到有個小市集

又行一陣, 再出番大路折的士

今次好好彩有人幫我地折咋

個的士大佬又好好人, 我地冇叫都用meter

去到都只係150peso, 加埋之前50peso, 真係啱啱200peso

如果我地真係怕咗個屎人的士佬, 就真係屎得唔抵囉!

龍少, 你真係好叻好型架

**依個故事教訓我地, 原來係酒店叫的士先會俾人當你水魚咁劏!!!
去到個mall, 搵咗間食菲律賓菜嘅餐廳

個門口都幾靚架

個menu全部都係大量賓文+少量英文

我地唯有看圖識字~~

d燒烤好似幾吸引, 不過d甜品就......

龍少嘅青芒果汁, 又酸又香

焗青口(因為帶子賣哂)... 唔知點解係凍嘅~

招牌菜: 燒豬脾, 不過要點汁先好味~

蒜蓉飯, 麻麻地

其他食物都一般啦, 龍少食到咀都歪埋~

之後就去行吓mall, 去超市買晚飯

因為shuttle bus只係去到6點

我地驚打的又俾人呃

所以都係買野食返酒店穩陣d!

去到菲律賓個個mall都係一樣嘅~

行過依間pizza店真係俾佢d pizza吸引住呀

佢果d都唔係peter仔, 係成吋幾咁高嘅peter佬呀~

我當然忍唔住買番件食啦

嘩, 好彩龍少睇到咁多肉肉, 幫手食一半咋

如果唔係真係食唔哂

龍少就買咗依罐唔知咩味嘅squid黎送壽桃牌!!

之後酒店仲有飯後果送

真係健康...!

放心哂

終於都鬆一口氣

肥媽媽已經順利去到三藩市

過多2日就會飛去NY見林小B

之前真係好擔心

因為... 肥媽媽唔係一般普通嘅媽媽

佢唔認老, 又認叻

人地講佢又唔信, 只信自己!!!!!

仲有, 佢長期依賴陳生同我

所以要佢一個人飛咁遠

陳生同我地都不知幾咁擔心

幸好CX嘅服務都算唔錯

check-in果陣提出就可以有人帶入禁區直至去到閘口

去到當地機場又會帶埋你去攞行李

唯一唔好就係... 明明話d空姐會幫埋填入境form

但係.. 竟然叫肥媽媽自己填

填完先幫佢睇吓有冇填錯

等肥媽媽要搵留個老花鏡出黎帶 (佢超唔like)

仲要問隔離個鬼佬先識填!!!

真係.... 唔太得啦

如果肥媽媽唔識英文咁又點算呢.....

+ + + + + + + + + + + + + + + + + + + + + + + + + + + + + + + +

前一晚仲專登整咗"芝士生薑包"俾肥媽媽帶上機

等佢唔駛俾d難食飛機餐搞到冇哂胃口

今次超鬆軟

肥媽媽: 依3個月唔駛擔心陳生同我

我會好好照顧佢

好好去同小B玩, 同auntie開開心心去多d地方玩

enjoy your holiday~

<食譜後加>

扮賓賓@CEBU(土曜日)

終於都寫完聖誕豉油行

依家又要寫舊曆年賓賓之旅~

每次去旅行, 都會有2個選擇

一係極凍, 一係極熱

所以舊年年頭去完bangkok, 之後就走咗去哈爾濱

本來一早plan好舊曆年去凍嘅地方

亦因為聖誕臨時去咗凍凍地嘅阿里山

所以改咗去我這晚熱辣辣, 呀呀...

今次好特別, 唔再返鄉下

反而改咗去做5日賓妹... 宿霧去也

年初三嘅朝早, 好多好多人

但係我地好好彩, 由屋企到機場轉咗1次車

只需半個多鐘就到

而好好彩早一班車到, 所以check-in唔駛等好耐

不過搞得黎食埋早餐, 去到閘口都已經final call喇...

全機大部分都係鬼, 但係有一團旅行團大部分團員竟然都係耆英?!

飛機餐一貫的難食, 但係個包好好食喎~

我地今次book咗Hilton Cebu Resort & Spa

酒店方面包埋車接我地去酒店, 15分鐘就到酒店喇

Cebu有幾個city: Cebu City, Lapu-Lapu City係最出名最多夕人去

所有跟沙灘嘅靚resort都係響Mactan Island(Lapu-Lapu City)

酒店房好精緻好舒服~

首先係toilet, 有企缸有浴缸

仲有crabtree & evelyn用品

之後有個大風扇, 雖然作用唔大但係小小風好舒服

嘩, 間房好resort呀~

有張貴妃椅俾我

好細心咁有熨斗同熨衫板!

仲有條小nemo同你打招呼, 若果想帶走, 多謝500peso!!

露台外一絕景色

放低嘅我地就一支箭走咗去沙灘曬曬曬...

跟住再出番去Cebu City嘅SM Mall食晚飯

因為太肚餓, 未搵清楚我地就走咗去pizza hut頂肚!

先黎一杯ok嘅rose melon drink

我叫嘅青口蒜蓉意粉

今次又捉蟲啦~ 青口變咗蜆仔

仲要連殼上, d意粉又有碎殼!!

意粉又冇味.... 龍少極度不滿....

經過不斷摧不斷話cut單先黎嘅意式海鮮燴飯

好彩依個ok咋, 餓到龍少3分鐘內食完!

埋單後先發現原來另一邊有仲多選擇!

算啦, 我地都搵到supermarket

買咗好多小食, 仲俾龍少買到隻即焗燒雞, 正!

今晚又有宵夜囉~~

聖誕台の六(終極篇)

12月29日

到咗聖誕豉油行嘅最後一日

終於都陪龍少去光華商場逛個圈

不過先先影吓酒店同埋對面嘅小巨蛋

去到先知光華已經拆咗

得番幾十間鋪搬咗去個臨時場

d電腦用品同台劇又同香港差唔多價

所以都係齋行冇買嘢就閃人

本來龍少好想好想再去食永康牛肉麵

但係真係好遠, 一來一回都夠鐘搭飛狗走人

所以是但係附近搵間食牛肉麵嘅鋪頭

龍少同我都食紅燒筋腩冬粉

雖然唔夠永康咁牛咁入味

但係都算好好食

而且老板好好人, 知我地係香港黎

仲介紹我地飲佢免費嘅奶茶同青蛙下蛋

睇吓有冇唔同喎~

之前去mos burger果陣, 有set value pack

隻杯仔同個袋都好吸引

所以... 又買埋走囉, 仲要係走之前食哂~~~

原本嘅pack係4杯tiramisu或者5杯creme brulee

不過因為貪心, 2款都想要哂

所以要咗2杯tiramisu同3杯creme brulee

食落... tiramisu好好味呀

creme brulee就.... 甜咗d

同場仲有龍少介紹嘅北海道牛乳, 佢話夠哂騷!!!

去到機場, 眼見時間仲有好多

又諗起飛機餐好難食

所以... 又去食食食

今次食burger king

好耐冇食, 真係好ok呀~

上到機, 個餐真係好難食.....

一連6日聖誕豉油行又告一段落

黎緊又有另一杰作 :"我去做賓妹"

記得密切留意, 多多捧場呀~