傻仔拖肥

依隻小肥肥就係我同龍少嘅愛情結晶品~~~

其實傻仔拖肥個樣真係好好笑, 成日都扮可憐, 但係其實鬼咁蠱惑!! 哈哈哈, 個樣真係好抵死架~~

<你影邊個快D講>

<食得未呀~~?>

<仲影?!>

節目預告 之 Chan der出奇蛋

雖然曼谷漫遊記告一段落

同有d失落... 

不過, 唔駛愁!

今個農曆年我地會向難度挑戰

去一個從來未有人踏觸過嘅地方~

唔係, 應該係龍少同我從未踏觸過嘅地方-----HAHAHA...er bin = 哈爾濱!

嘩, 今次仲要自己買機票去, 自己book酒店...

依個新年真係集合新奇, 刺激, 好玩於一身, 仲唔係chan der出奇蛋?!! 

龍少妙問妙答之2

繼上次洗碗事件之後

我地倆個成日攞番黎笑笑笑...

不過都有d過氣嘅感覺!

到咗尋晚, 當龍少放工入房換衫果陣

竟然俾我發現佢前日著過嘅恤衫仲係房度?!

以下係我地嘅對話:

  咪:  點解件恤衫仲係度架? 做咩收埋?

  龍:  冇, 聽日放假, 咪俾佢瞓耐d囉~~~

真係.... 冇佢符!!!

我開始懷疑, 究竟龍少係個咩人?

點解成日都有d咁奇怪嘅說話~~

曼谷漫遊記 - 第六集之大大大結局

今之旅行, 我地買咗好多好多嘢飲, 嚴格黎講唔單只係解渴咁簡單, 而係因為泰國d嘢飲真係好好飲! 唔似得香港果d好甜, 飲完仲口渴過唔飲! 以下只係小部分, 因為有好多響街飲完就掉咗, 唔記得留番個樽影相! sorry呀~~ 火龍果汁, 青橙汁, 仲有好多好多茶.... 

<左起: 龍眼汁, Malee青橙汁(一定要買), collaguen水, 生茶, 蜂蜜綠茶, 蘋果綠茶, 同好麥嘅麥茶>

到咗最後一日, 真係有d唔捨得~~d嘢食. 於是我地黎一個大突破, 決定放棄酒店個唔掂當早餐, 走番去水門食雞飯當早餐. 雞飯依然好味, 但係我嘅心情突然跌至谷底! d女人嘢黎就算啦, 仲要係依個傷感

 - 最後早餐嘅時候黎肚痛! 雖然我都已經快快手啪咗粒丸仔落肚, 但係都搞到冇哂心機食喇! 等龍少食飯之際, 我又無所事事, 咪周圍影吓囉, 點知又俾我影到d懷舊feel喎, 都算有d安慰!

<又係果班人妖姐姐>

<好懷舊呀~~>

食飽飽之後, 我地就去咗Big C掃米粉, 龍少愈睇愈開心, 但係我就愈黎愈肚痛

, 仲痛到要去解決! 好彩Big C個toilet都好乾淨, 如果唔係我一定寧願"賴"都唔去!! 哈哈, 我就同提子太太一樣, 去親臭同烏遭嘅toilet都會... 嘔~~ 好彩, 痾完之後一身鬆哂, 都唔知搞咩鬼! 跟住就同龍少繼續掃米粉啦, Lays薯片啦, 同埋d日用品咁! 跟住我地就番酒店執好包袱, 放響lobby. 跟手就出番sala daseng度食lunch喇! 唔知係唔知剛才響Big C清咗腸胃, 所以好肚餓好肚餓好肚餓... 不過龍少就好飽, 咁我地就是但去咗家鄉雞食雞包, 但係叫完先記得今朝先完雞... 是但啦! 咁食完就返酒店, 再搭的士去雞場喇~

就於我地驚塞車, 所以早咗小小出門口! 我地搭夜晚6:30pm機, 3:15pm就去搭的士, 預計唔塞車4:30om先到埗! 點知果日條街, 就同我朝早個肚一樣, 路路暢通!!! 我地就響咁嘅情況下, 3:45pm就到咗!!!! 好在依家個機場大咗, 多咗嘢行先冇咁悶!! 行得咁上下, 我地又走走咗去burger king度食包, 真係好好食, 塊肉好juicy!! 不過就餓得滯唔記得影相...

 係咁... 6日嘅行就咁就玩完, 真係好唔想返香港呀......

<曼谷機場禁區內, 都好cycber喎>

<我地個gate係 E8>

<6:20pm起飛, 但係等到6:15pm先可以入閘>

<夕陽無限好, 只是要返歸

>

<又打機>

<今次記得攞menu喇>

<龍少係雞肉+撈公仔麵>

<我係鱈魚+好味但冇芒果味嘅芒果飯>

<比預定時間遲咗好多呀, 死啦, 仲未有行李, 會唔會冇shuttle架?!>

曼谷漫遊記 - 第五集@Grande Hyatt Erawan - The Dining Room

其實今次黎bkk, 最期待都係依餐dinner buffet @ Grande Hyatt Erawan - The Dining Room. 除咗做thai massage之外, 本來都好恨去Let's Relax度做spa, 但係點知... 人算不如天算, d女人嘢就係你最唔想佢黎嘅時候就會黎揾你! 所以由第2日開始, 就一路等呀等呀... 終於到咗星期一晚, 我地去完大皇宮等等之後, 就去位於Chit Lum嘅Grande Hyatt Erawan Hotel.

我地大約6:45pm就到, 個氣氛同個環境真係好好好正, 又夠mood! 果晚個場都唔係太多人, 計埋我地都係得8枱左右. 我地一去到就巡視吓張table先: 嘩, 好精美嘅setting, d食物又好新鮮, 雖然款式唔算最多, 但係我地成晚一人試一樣都試唔哂

!!! 想返轉頭真係有d可惜, 好想好想立即再去食過~~~ 食物種類大概有:

即叫即煎鵝肝, 多款新鮮沙律菜, 西班牙風乾火腿, 生醃牛肉, 煙鴨胸片, 3款唔同嘅煙三文魚, 生蠔, 青口, 鮮蝦cocktail, 即切魚生壽司, 南瓜湯, 冬陰公.... 仲有羊架, 燒牛仔羊仔火雞肉, 焗蟹蓋,  即制pasta, 傳統泰菜, 印度薄餅.... chocolate cake, fruit tart, 同我最愛嘅dark chocolate foundtain... 其他食過嘅chocolate foundtain都係用milk chocolate, 但係佢地真係用純dark chocolate, 啱哂我何車

!! 嘩, 真係不得了!!! 大家嗱嗱聲準備定紙巾抹口水, 一齊黎開始我地buffet之旅啦~

按: d相影得比較暗, 係因為果度好似唔俾影相!!! 於是我唔敢用閃光燈囉~~

<盞燈好靚呀!>

<環境相當唔錯, 冇咗個頭係龍少>

<煙鴨胸+西班牙火腿+生醃牛肉沙律>

<即煎2客鵝肝, 略嫌唔夠燶>

<生蠔+煙三文魚+鮮蝦cocktail, 兩個青檸包得好有心思>

<濃味南瓜湯+好味麵包粒>

<即煎羊架伴香桃汁>

<焗蟹蓋+燒大蝦+燒牛仔羊仔肉 = 肉肉拼盤, 龍少至愛>

<泰式街頭咖哩米粉(太多椰奶) + 3/4蟹子嘅蟹子壽司+唔知係咩but好似油炸鬼不過係焗嘅好脆好味東西>

<即叫即整芝士蕃茄意粉, 另外仲有好多選擇>

<我偷咗人地芒果糯米飯嘅芒果去玩foundtain, 好好好甜呀>

<太多酒嘅tiuamisu + 好脆friut tart + ok古古力蛋糕+好得意一掂就散嘅蛋白>

<仲有coffeee or tea 送>

真係真係好想再去多次! 在此想鳴謝一吓thailandfans嘅zai_mym出手相助幫我地訂位! 相對番香港人, 泰國人反應實慢得有點恐怖! 我於一星期前訂位, 佢地一直都唔覆, 好驚冇位!!! 不過響食buffet當日, 我先收到佢個confirm email, 俾佢地激死~~~