皮膚敏感

上星期六, Audrey BB 26個月了...
時間真係過得好快, 眨吓眼8月又開始返學! 想唔認老都唔得
26個月, 點都要慶祝吓, DADAD就買咗Audrey BB最鐘意食嘅mango cake cake俾佢....
但係... 其實佢唔應該食咁多芒果, 因為之前食過, 即刻生暗瘡同飛滋呢...
依個dadad真係.... 太寵愛個女了...

其實, 係大肚嘅時候, 我都唔算好乖~

為食嘅我都唔係戒足口, 咖啡奶茶古古力我可以唔飲

但係零食薯片我真係唔可以唔食…..!

難得當時龍少都幾support我食薯片, 經常大包大包咁買俾我~

我問佢食咁多唔怕咩? 佢話專登簡d low fat, low salt果d… 哈哈~

仲話我食薯片都好過唔食野!

Touchwood, Audrey BB出世都冇咩皮膚問題, 係有都係有少量好輕微嘅濕疹

搽2日cream就會冇哂

但係我自己呢… 生完就好似差咗

皮膚嘅敏感度愈來愈高~ 好容易敏感抓到紅哂損哂

轉天氣又痕、周圍污穢小小身又會痕、俾昆蟲咬到更痕….

每次都要不斷搽不斷搽好多款藥膏先止到痕

咁Q上星期整完頭髮, d卷桶燙到後頸, 依家竟然又紅又腫又痕….

龍少話好似曬燶咗、燒傷咁…. 又痕又痛…

好彩之前有朋友介紹了依隻抗敏補濕凝膠

依家一覺痕就立即搽了一層, 咦~ OK喎~

至少搽完可以即時止痕, 仲好似散咗小小腫, GOOD!!!

我諗應該要不斷keep住搽, 應該會好快好返!

另外我仲用埋佢隻洗面, 因為梅雨天就係我塊面生粒粒嘅時間

用咗一個星期, 粒粒冇爆得咁勁喎… 洗完面又唔會好緊

因為之前用親嘅唔係去油搞到乾哂、就係好潤, 仲潤到生油脂粒!

不過唯一唔係咁好就係佢地得好少銷售點… 要買真係要慢慢search一吓地點先得!

賺多d、賺多d、賺多d

其實係現今社會, 養一個小朋友真係十分唔容易!
又要返playgroup又要學依樣學果樣仲要返埋PN班.....
係... 係可以全部都自己係屋企教!
但係... 問題係你有冇咁多時間去預備教材?
你有冇咁好心機keep住果一個鐘不斷教佢?

本來我都唔太想參加太多playgroup, 更加有諗過唔返PN, 直接上K1!
但係... 當去過依家嘅PN interview, 龍少同我都嚇呆了, 成間幼稚園都係小朋友, 競爭真的十十十分大!
而且個個小朋友都可以話係被train-up到well equipped先去interview
只係爭在臨場肯唔肯發揮~
所以當時都好興幸Audrey BB有返playgroup, 需要warm up的時間小咗, 同至少識答老師問的問題!
不過... 結果當然唔ok啦~
大部分都係waiting list, 幸好最後一間interview的總算收了, 對我來說學費真的好貴, 好好好好肉痛.....
但係如果依家唔接受依個offer, 又怕遲d再interview K1時,  競爭仲大... 所以... 唯有.....!

而為咗交學費,  再 不得不收拾心情, 搵錢去也!
自有了Audrey BB之後, 良久都未有練琴的我, 又要重操故業了...
為的就係給朋友的學生做伴奏~~~
希望...  希望...  希望...
唔會令大家失望, 依D外快可以多D黎密D手就好了......

懶到嘔電的我又返來喇~

終於... 終於... 終於都"的"番起條懶筋
又再開始番我嘅寫BLOG生活...!

其實之前好幾次都話要開始寫番, 但係始終"的"唔番起心肝
不過近排成日想起, 之前話寫多D Audrey BB的日常生活鎖碎事, 好等以後可以回味回味
所以... 終於又開通了~~~ (不過唔知今次又可以挨幾耐!)

話說 Audrey BB 貶吓眼又2歲了... 唔覺唔覺開始唔再係BB, 慢慢變成一個小朋友!
依家同佢講說話, 完全對答如流, 有時仲會唔覺唔覺寸了你.... 
雖然係好可愛, 但係總係懷念BB時未開始識講野, 但偶爾會講一、兩個字咁令人興奮!

近依個星期, 仲開始懂表達自己感受!!!!
話說今日差不多午睡完突然喊醒, 我又係九秒九衝入房問佢咩事/見到咩

Audrey BB: dadad呢?
mama: dadad working囉!
Audrey BB: dadad唔好working呀!
mama: 點解呀?
Audrey BB: 豬豬好掛住dadad呀....... 
mama: 傻豬, dadad back on friday~
Audrey BB: dadad唔好走呀.....

我估dadad聽/睇到果陣個心一定甜到不得了~~~
dadad, 我都好掛住你架~~~

恭喜大家發財

其實我一向都不太喜歡過年, 
細個每天都要去拜年, 但總是在同一地點呆坐一日, 悶!
新年所有電視節目都係千篇一律的送金龍又或者係生肖運程, 悶悶!
每個家庭都是吃同一種食物, 悶悶悶!
到大個可以去街, 但大部分餐廳都強迫你食一些新春特別套餐、迫你聽一些新春音樂, 悶悶悶悶!!
而且周街都係強國人......

所以, 自結婚後大部分新年都會去旅行
一來避開這個悶到嘔電的日子, 二來因為紅日多, 請幾日annual leave就可以有個長假期了!
前兩年因為有了Audrey BB, 所以不能搭飛機
之後一年又因為 Audrey BB第一次過年, 又要迫住係香港過
等到今年, 呵呵呵呵.... 終於都可以又去新年旅行了~
今次要去13日啊, 仲要帶埋Audrey BB去落雪的地方, 希望可以順順利利啦~

預祝大家新年進步, 身體健康, 恭喜發財!!!!

7 Wedding Anniversary~

噢, 今日突然心血來潮看看自己的BLOG, 原來又懶了整整大半個月....
不得了, 重新開回這討厭的YBLOG是因為想記錄下AudreyBB的點點滴 滴
(說YBLOG討厭是因為重開時遇到的超大麻煩!!!)
如今又懶了這麼久
好! 新一年我要更加努力去寫下所有所有!

說回聖誕節吧, 聖誕節前一個星期是我們結婚週年
亦是第三年在DISNEYLAND過
第一次是大肚中, 第二次她才8個月, 對所有事物都提不起勁
而今年她已經懂事了很多很多, 見到MICKY會追住去摸
看PARADE時又十分興奮, 最開心奠過於和她玩TOYSTORY的狗狗!
其實可以和龍少和Audrey BB一起過, 在那裡過都一樣開心!

龍少, I LOVE U!


可以見到MICKY好開心

一落地仲開心, 不斷狂奔!

室幸好入園後見人多都會乖乖俾我地拖實

排隊同MICKY拍照時的餘興節目

未到我地就走去搞搞陣

本來想Audrey BB同MICKY MINNIE獨照, 點知一放落地即刻興奮地走了出去, 所以.... 要我係後面抱住, 但係要躲在MICKY背後!!!!

終於都有新PARADE

我最鐘意GOOFY

哈哈, Audrey BB邊開餐邊睇PARADE, 食得特別快!

終於到了新景點

等玩狗狗車時, 好興奮

A、A、A、A for Audrey

依邊感覺好細, 而且好多人, 不太鐘意!

始終都係第一年個城堡最美

等待搭小飛象~

又再次hyper

好美的煙火!

哈哈, 好搞笑的BB

依個樣有點尷尬

依個又有D似清朝宮女

最後, 買埋相就返歸了!
Audrey BB: 10張啦唔該~

愛說話的Audrey

踏入12月, 就代表Audrey BB快20個月了....
未生小朋友之前, 都不太發覺時間過得快,
但現在一日一日睇著自己的小BB, 由一舊飯開始, 到現在識行識跑識叫人.....
真的想唔認老都唔得!



講開又講, 近依2個星期
Audrey BB學講識多咗好多好多說話
大部分親人都識叫, 連最難叫的e ma都叫了"依家"!!!
日日望住窗外叫"aeroplane"
經過見到洗手盤就叫"洗洗手"
見到鐘點ee拖地, 佢又叫"拖拖拖"
煲水水滾又叫"火...呀"
仲識連住2組字了, 如"byebye公公"、"要要餅餅".........
依家成日跟人"口水尾", 我們說什麼她也說什麼
真的很搞笑.... 
 好像每次我和學生上完課, 都一定會叫他們記得練琴
今日上完課送學生到門口時, Audrey BB 說完byebye哥哥, 竟然再說"練琴呀~~~"
哈哈哈哈, 真的笑死了....
 
而且近這個星期, 她不斷在練習"jump", 但..... 雙腿依然在地上, 只是手和身向上搖
哈哈, 真係很趣
現在, 當她自己在玩得興高采烈時, 我會呆呆的坐在一旁看
心想, 真可愛, 但不知再過幾耐, 她就會鎖自己在房中, 和自己的朋友上網, 不再理mama了....

 

肚痾令人累... 累... 累........

唉，久未露面的腸胃炎，又趁我近排精神好小小
再偷襲成功！
星期一開始痾到飛起，俾爸爸迫我吞了2粒正露丸
但就係依2粒正露丸，搞到個肚不斷痛但又去唔到.....
到今日薬力過哂，又䦕始痛過！
究竟幾時先得番哂？我星期六要打邊爐架！