一家三口沖繩遊

10月Audrey BB滿6個月, 我地就出發去沖繩旅行

其實依個plan都猶豫咗好耐, 去唔去好呢?

去的話, 幾時去好?

終於決定等Audrey BB打埋6個月支針就出發~

選擇沖繩因為天氣唔會太凍太熱

加上又係日本, 感覺上乾淨D

假若欠缺尿片等等都可以隨時買到

而且我地選擇自駕遊, 去邊都可以方便D

唔駛擔心迫親Audrey BB

至於餵奶方面, 完全唔駛擔心

因為Audrey BB一肚餓我地隨時可以係車餵

去到邊食到邊, 仲唔駛帶其他野, 正!

DAY 1

出發當日Audrey BB好乖好乖, 上到機完全冇扭計

升降都冇問題, 佢仲第一次食baby food, 勁鐘意呢

Marriott有ready到BB床俾我地, 不過Audrey BB好似怕陌生瞓唔到

最後要出動哂所有有Audrey BB味道嘅衫仔口水肩沙巾仔被仔

圍住張床仔, 佢先瞓到

DAY 2

十分期待的沖繩美之水族館睇鯨鯊

非常的壯觀, Audrey BB睇到目定口呆!

返到酒店, 我地張2張queen size嘅單人床合而為一

Audrey BB係上面玩得勁勁勁開心~

(偷食雪糕ing)

DAY 3

今日去咗菠蘿園同熱帶果園(其實2者係隔離)

Audrey BB好似冇咩興趣, 係BB車上發呆

不過當佢一見到有雪糕, 竟然第一時間飛撲埋黎

哈, 為食妹!

DAY 4

今日轉了酒店, 搬到近小小嘅RE

但張床細了, Audrey BB明顯冇咁開心

之後去了萬象毛, 大風到不不不得了

我地竟然推埋BB車出去, 但係去到真係唔抱Audrey BB出黎

就連BB車都吹郁, 好驚! 龍少捉到架車仔實一實

真係驚BB車都飛埋去

所以我地倆個是但影兩張就拿拿聲走人食飯

DAY 5

是日打風, 冇得去觀光

但係Audrey BB竟然扭去街, 加上早餐已係酒店食, 唔太OK

冇辦法, 所以唯有開車出去睇睇有冇食有開~

順便再去family mart買杯麵!

抱住Audrey BB係狂風暴雨中狂跑, 佢竟然開心到不得了~

返到酒店無所事事, 當然去游水啦

DAY 6

臨走都要游多轉水, 勁勁勁開心的BB

但係之後已經唔夠時間去首里城行番個圈

唯有係架車上面望一望, 到此一遊吧!

回程時Audrey BB都冇咩點扭, 只係扭眼瞓

幸好daddy抱住行了一圈就瞓著了

總括黎講依個trip真係好開心

雖然第一次去旅行撞正颱風

第一次自駕遊有D緊張

第一次帶Audrey BB去旅行好驚佢唔適應

第一次係公開場合餵奶(車上)但唔怕醜

希望可以快D有第二第三仲有更多更多次啦~

8個月了~

眨一眨眼, 原來依個blog已經放低了一年有多!

其實之前一直都想開始寫番, 當做給BB的一個紀念

誰不知一等就等到8個月先開始寫

希望有心不會太遲吧~

這一年真的發生了不小事:~

係舊年年尾, 我地搬到一個大咗同方便咗嘅屋企

全間屋裝修設施都係龍少一手一腳follow, 我只係係入伙當日攞個袋盲可以去住

非常感動

Audrey BB於4月搶先一日順利剖腹出世了, 由於算是emergency case

害得龍少不能倍我入手術室倍我, 嚇得我剖腹前不斷飲泣!!!!!

由於之前部門同事對我大肚甚有微言

所以生完之後經常害怕要返工, 面對果班討厭的同事

因而令到有小小產後抑鬱(!)

幸好當時龍少同媽咪係身邊不斷支持我

龍少仲同我作出了一個重大決定.... 辭職不幹!!!!!

果然... 好快就不藥而癒了~

其實我都不算是full-time mum, 因為有繼續教琴

但至少時間可以自己調動, 仲可以多d時間睇住Audrey BB

簡單perfect!

等到Audrey BB滿6個月, 我地一家三口第一次去旅行

沖繩係一個baby welcome嘅地方, 而且我們是自駕遊

所以極之方便, 餵奶也只需係車上便可!

雖然好多人說Audrey BB太細唔會記得去過邊度

但係我地只係想有係佢成長路上有令大家回味嘅事件

俾佢知我地一直都冇掉低佢!!!

仲有一樣最大得著係, Audrey BB可以繼續做母乳寶寶

由於自己身體一向差, 所以好希望可以透過餵母乳而令Audrey BB健康

到依家已經餵咗8個月了(有小小自豪!)

希望可以繼續啦~

黎緊聖誕節係Audrey BB嘅第一個聖誕節, 亦都係佢領洗嘅大日子

可以同耶穌同一日誕生(領洗等於再被賜予新生命)是無比光榮

希望當日會順順利利, 唔好扭計!

愛玩臭腳的Audrey BB

給小be的信 - 3

親愛的小be,

今個星期已經係29週. 好快就步入30大關

好緊張呀!

依幾日突然間覺得你大咗好多,

唔知係因為媽mi個肚細, 定係你活動範圍大咗!

你每一日都不停咁打我踢我, 究竟你係我裡面做緊咩?

你聽唔聽到每晚爸be都同你傾計, 有時仲唱d古怪歌你聽?

今年新年較之前幾年唔同, 之前5、6年都一定係響外地過新年

因為媽mi同爸be都唔鐘意係香港過新年, 覺得好悶!!

而今年係度過, 最大原因就係你係我肚裡面, 邊度都唔去得~

唔知出年可唔可以帶埋你一齊去旅行呢?

媽mi

給小be的信 - 2

親愛的小be,

上個星期媽mi又睇又探Dr. Nancy喇,

因為個肚係公司痛到不得了, 不斷標汗!

公司同事仲問我係唔係生得(!)

最終要你婆婆飛的士黎接我出去Dr. Nancy度

護士姐姐一見到我就俾我睇第一

Dr. Nancy一睇就狽皺哂眉頭, 因為佢擔心我係子宮收縮!

幸好後來check到應該係感冒菌引致嘅腸抽筋

同埋照ultra果陣你依然超級活躍, 先至放下心頭大石!

不過果幾日都要食粥, 好彩你婆婆過黎煲俾我地食咋

如果唔係, 等你爸be放工先煲, 我d腸一定俾你消化哂~~~

係呀, 你知唔知你都好唔鐘意食粥架,

因為每次我食完粥, 你都一定要我反胃

同埋“回吐”番最後果半碗出黎? 哈哈哈!

今日個肚又好似大咗, 成40寸腰喇~

聽朝晨咁早又要上醫院check血糖, 希望唔好暈低就好喇!!

媽mi

給小be的信 - 1

親愛的小be,

哈，當我打緊依封信時，你係我個肚到不斷拳打腳踢我呀?!  

雖然係咁，但係依個feeling真係好amazing….

前幾日媽mi個肚突然間痛，令到爸be擔心你有事! 尋日去健康院做checkup問醫生，先知原來係過份緊張、同埋懷孕期肋骨擴張令到肚痛!! 原來大肚真係有好多期難雜症發生~

一開始就試過嘔到出血、腎炎入院、全身濕疹、腰骨赤痛、胸口撕裂的痛….

起初媽mi都會為咗依d病而好徬徨情緒好低落，

但係依家日日都feel到你對我你“歐打”，感覺真係完全唔同哂

仲有3個月，媽mi就可以見到你，

你依家要快d吸收多d，到時俾媽mi同爸be見到肥肥白白嘅你呀~

媽mi

難忘11月

2009年11月真係一個好難忘嘅月份

月初開始feel到小baby係肚裡面不斷游來游去、拳打腳踢

本是一件超級興奮的經歷

但係… 不到一星期後

就病足3星期, 入了2次院~

起初仲以為係普通肚痛

點知拖吓拖吓

竟然由普通的尿道炎變成了腎炎(!)

醫生開了2 set的消炎藥都殺不了那頑劣的病菌~

到政府醫院求診, 又不肯開藥, 只叫我回家休息!

到第3個星期, 產科醫生終於忍不了叫我立即入院吊消炎針!!!!!!\

Oh no…… 冇野俾入院更可怕….!

雖然今次入院一住就住了5日(打破歷史紀錄)

但係就當依5日係take a deep rest

唔知係唔係咁, 出院之後龍少話個肚大咗好多~

咁今次入院都算有少少得著!!!

雖然今次病好似仲未好得番哂, 但係最緊要唔好影響到小baby就得喇~

有咩病有咩痛, 我一個人辛苦好了, 小baby你千萬要健健康康!

新生命

好耐好耐冇寫blog, 年頭個北海道都仲未寫哂

點算???

咁究竟點解咁懶? 咪就係…..

準備踏入一個新階段, 做人地媽咪!!!!!

直至今日, 已經係17週喇~

本來一知道果陣, 已經好想寫吓每個星期身體變化同經歷

無奈一開始發覺子宮內多了一個會出血嘅水瘤

住咗一個星期醫院觀察~

之後身體愈來愈差

雖然report返黎話水瘤冇再出血

但係就影響到個肚成日都痛, 痛到起唔到身

而且又食唔到野同嘔到九彩

個胃又痛到不得了

極到辛苦, 每晚返到屋企都只係想訓

搞到咩娛樂都冇哂

就連生日飯都食唔到……!!!

幸好依排開始有小小好轉

朝早已經可以食到野同有番d精神

希望可以KEEP住情況會愈來愈好啦

到依家先終於明白… 原來做媽咪真係好偉大架~