中秋馬交遊の2

係珠海, 我地住又平又舒服嘅如家快捷

第2日一早就過番馬交食早餐~

今次我地去番老地方, 氹仔嘅興記冰室

以前去親都食佢地嘅茄汁意

今次就轉一轉食辣魚牛尾通+滑奶茶

辣魚牛尾通睇樣有D唔開胃

但係一食.... 好味不得了

湯底淺色但原來好好好濃!

豬扒包加辣魚包, yummy~

之後當然要去食番杯榴槤雪糕啦~

雪糕有好多味, 但榴槤最正!!

咩都影一餐~

行陣影陣, 個肚又響

今次去咗間叫"咖哩全"嘅餐廳

起初都唔知食咩

見人地食依個全餐

我地又叫黎試吓先

嘩, 真係好多餸: 魚片、魷魚、鳳爪、豬紅、牛柏葉、蘿蔔!

仲有碗唔起眼嘅咖哩醬

好味到不得了.... 又香又夠辣~

之後當然又繼續去做巡場兼影相

本來我地想食到食埋晚飯先返香港

可惜... 買完手信, 是但就腳去咗依間cheap野"新帆船餐廳"

叫咗幾個dish, 等咗15分鐘

先黎馬介休球

食完再等再吹水多30分鐘

其餘菜都唔黎, 但係人地果d遲黎先上岸(!!!!)

問佢係唔係漏單又話唔係

叫佢追又話追緊

大佬, 叫趕船架....

於是我要cut單, 個經理竟然問都唔問d野仲要唔要就話"好呀, 我幫你cancell哂佢啦"!!!

cheap精, 如果唔係漏邊有咁順灘!!!

最終走番去大街買好味魚旦牛肚外賣上船食咋~~~~

陰公!!!

下次有時間一定...... 哼!!!

中秋馬交遊の1

中秋時節, 我地又走咗去玩~

今次去咗馬交懷舊

對上一次都好似係8年前囉!

所以今次去都有小小陌生

一落船就去咗街市檔飲"瓦煲"咖啡、豬扒包同清湯牛雜

瓦煲咖啡真係好香, 飲完仲唔心跳喎

仲有好至愛嘅鍋貼

8年前賣1蚊隻, 8年後都只係個二1隻, 真抵食!

之後當然例牌要去大三巴影吓相

影完又去醫肚

今次去咗福隆新街食蝦籽撈麵

麵條好爽蝦籽好香, 但好細.......... 碗!

牛柏葉麵係龍少嘅

去到先食原來蔡潺有介紹過

唔怪得人又多價錢又貴(!)

麵店門口有檔車仔雪糕

本來好想試, 但係..... 佢用咩.... 奶? 

餵飽自己之後, 就去各大賭場做"巡場"

首先去最遠嘅"威尼B人"

個場好大環境好靚個mall好歐

可惜... 條河有d搞笑, gondola船夫竟然係大肚腩菲籍漢....!

只得一個唔靚仔嘅意大利人.... 失望(!)

由於龍少plan咗去珠海食晚飯

所以當晚都順便係珠海過夜

我地去咗食川菜火鍋

不過我唔好麻辣, 所以只要咗豬骨湯底

湯底絕不欺場, 有3大舊豬骨

食物有脆肉脘魚, 肥羊

紅薯粉, 牛柏葉

生菜和油麥菜, 凍豆腐

之後仲有魚旦, 牛丸, 肥牛.... 等等

一食就咩都唔記得影

不過依餐好好味, 仲唔貴

2個人都只係RMB$130度咋~~~

好, 訓醒再講!

生日禮物

呵呵呵

今年生日真係好開心

雖然龍少請唔到假倍我去玩

但係返到黎竟然記得買蛋糕

仲要係我果日突然好想好想食

仲差D自己買埋嘅蛋糕

同埋生日禮物可以當日收到, 超開心呀~~~~

龍少: 多謝你對我嘅心意

願永永遠遠都可以和你一起!

難得相聚

近幾月一直在忙

依餐飯真係拖咗好耐

終於都可以抽時間同好姐姐飛E補祝生日

今次飛E帶我去尖東食日式燒餅

好似好多明人喎

鋪仔細細但係好日本feel

我地叫了個二人餐, 起初以為好多

點知, 真係好小!

木魚湯, 都幾好飲

龍蝦沙律, 唔多覺有龍蝦喎

煎鴨胸, 幾好

串燒雞軟骨, 不過好快凍

芝士雞肉串, 又係好快凍, 如果唔係應該好味d

主菜日式燒餅出場, 都幾ok

最後甜品, 明明要紅豆年糕

點知冇喎, 得番和果子

因為上菜上得太快, 好快食哂

而果度坐得又唔太舒服

加上我地都好似唔夠飽

竟然又走去公和

飛E要凍豆漿, 我要熱薑豆漿, 好味呀~

飛E重點推介煎餃子, 可惜原來係.... 韮菜!

不過另一款餃好好味呀

芝士豆腐餃, 正!

當晚同飛E正正經經食飯

冇發癲冇喪玩只係咩都傾

原來都可以好開心

飛E, 期待下次嘅約會

(我唔會再放你飛機, 我只會係你面前放屁, 呵)

壽與天齊~

10‧2係大日子

唔係因為kelly結婚

不過佢選依日當然有眼光

咦, 點都要同自己講聲

生日快樂~

未到生日, 已經收到二份大禮

龍少果份呢? 訂咗未有貨!!

祝提子媽咪生日快樂

祝毛先生生日快樂

祝自己生日快樂~~

希望每日都開開心心, 甜甜蜜蜜, 心想事成!

開心事永遠記得

唔開心事要沖哂落馬桶, 咩都冇哂~~~

提子媽媽:

多謝你份禮物, 好啱我心水喎~

I'm lovin' it!

飛E:

你袋NUTS好好味, 今日已經清哂囉

下次幾時有得食?