Forever Love@Marriott Cafe

尋日係拍拖12週年大日子

當然要大事慶祝一番

連本來一向唔好西餐同buffet嘅龍少

都俾面同我去食番個浪漫dinner buffet

邊間? 當然我地有份入股嘅marriott啦

原因係之前join嘅marriott vacation club有20%off

咁抵~ 我依d cheap精一定唔蝕低啦!

一入去已經見到好多野食

有車仔檔, 各類海鮮, 大量甜品同熱盤

其中真係食咗好多海鮮

生蠔青口翡翠螺加菲蟹長腳蟹東風螺蝦北寄貝赤貝榮螺龍蝦仔.......

真係食到呢~~~ 不過長腳蟹好咸好咸...

去食buffet例牌一定要飲西湯, 點知好似溝水... 失望!

之後仲有大量花膠和牛等熱盤... 都唔錯架~

仲有好味雪糕, 今次唔知點解冇口味唔同咗

冇食古力只係想食wild berry同龍少嘅云厘嗱味!

至於甜品真係超哂班

個士多啤梨千層撻真係好味到呢~~ encore咗2次

仲有個芒果mousee cake~ 嘩... 龍少都好鐘意!

仲有個apple crumble, 蘋果酸但係crumble甜

balance番哂~~

至於依d一杯杯小甜點... 把鬼!!

最後當然要番杯凍O水消化消化啦~

原本依餐極之滿足兼滿意

仲可以同龍少拍吓拖撐吓枱腳

可惜... 隔離坐著2個C9嘈生哂

破壞哂D氣氛

而且... 唔知係唔係腸胃吸收得太好

定係果5隻生蠔太新鮮

返到屋企之後... 係咁"or啡啡"

嗱嗱聲食2包胃藥先好番小小

龍少吩咐連續幾日&已經煲落白粥~

到依家一共痾咗4次, 個肚仔仲有D痛呀陰公

12年 ~ FOREVER LOVE

親愛的龍少

相愛12年, 願我可共你同渡這生這世

唔單只這生, 來生, 來來生都要與你一起!

永遠愛你!

愛你 不是因為你的美而已
我越來越愛你
每個眼神觸動我的心
因為你讓我看見forever
才了解自己
未來這些日子 要好好珍惜
愛我有些痛苦 有些不公平
如果真的愛我
不是理所當然的決定
感到你的呼吸在我耳邊
像微風神奇
溫柔的安撫 我的不安定
所以我要每天研究 你的笑容
ooh...多麼自然
forever love
forever love
我只想用我這一輩子去愛你
從今以後你會是所有
幸福的理由
愛情是場最美最遠的旅行
沿途雨季泥濘
偶爾阻礙我們的前進
感到你的體溫在我懷裡
像陽光和熙
巧妙的融化 我的不安定
不可思議 證明我愛你的理由
ooh...多麼自然
forever love
forever love
我只想用我這一輩子去愛你
從今以後你會是所有
幸福的理由
你感動的眼睛 我沈默的聲音
彷彿就是最好的證明
就讓我再說一次 I love you oh..
直到永遠 I forever love
forever love
我只想用我這一輩子去愛你
從今以後你會是所有
幸福的理由
forever love
forever love
forever love

久等喇

剛剪完一頭超清爽嘅短髮

人... 醜樣咗; 心情... 舒暢咗!!!

+  +  +  +  +  +  +  +  +  +  +  +  +  +  +  +  +  +  +  +  +  +  +  +  +  +  +  +  +  +  + 

返學嘅日子終於都完結

依2年幾差不多每個星期見3次嘅同學仔亦都會分開

果陣每晚放學當大家搭電梯落又一城

都會望實COVA個dessert buffet

望到口水流咁濟

每次都話要一齊去食

點知等到2年半後唔駛返學嘅果個星期

專登約齊返去先食到咋~

果晚我地食早果場 (6:30 ~ 8:15)

因為我地早到, 所以可以座餐廳裡面

全晚咸甜點都幾出色

咸點有沙律菜, smoke salmon, 忌廉焗薯, 各式火腿..... 好味

甜點每次refill都唔同

有d好好味, 但係有d就唔知咩味.... 

每件cake都係大家share, 所以每款都可以試到!

全晚最好味係2款tiramisu

同埋依個超好味fruit tart

個皮又香又硬, 正!

buffet仲會跟一杯飲品

我當然選番佢地出色嘅熱古古力啦

古力真係好香好濃

不過略嫌唔夠熱....

同學仔要嘅鮮榨橙汁西柚汁同mocca

餐後仲有杯gelato送

佢地話係kiwi sorbet

但係.... 一行4人都食到..... 相思莓味....?!

怪!

食飽飽之後仲去行街街

雖然一樣野都冇買, 但係就好玩玩

仲不斷要S買裙, "好抵呀~~"

同學A, S, K:

完全冇諗過返part-time都可以識到一班好朋友

好enjoy每個report同presentation都可以同你地一齊博命

上堂前可以去行街

每堂又可以不斷傾計講人壞話

仲一齊走堂去學化妝....

真係好開心

雖然依家冇得個個星期見面

但係我相信我地一定可以keep住聯絡架

祝大家順利畢業

7月畢業典禮再見!!!

管家婆

自細就已經好鐘意痴住陳生同肥媽媽

鐘意同佢地一齊去玩, 一齊去食

雖然依家大個咗, 同佢地行街都好似悶咗

但係我依然鐘意帶佢地出去試新野

等佢地知依個世界依然轉變中

又可以俾佢地去威

而當佢地自己各有各節目果陣

我都會周不時打俾佢地

提佢地早d返, 小心d, 唔好飲咁多酒........

雖然有d人聽到或許會覺得好煩

但係, 我知我父母係好受落依套

佢地把口會話你好煩, 俾同事笑等等

但係當你聽番佢地講, 佢地會好proud of個女咁緊張自己

把口話煩但係又會心甜

因為佢地朋友嘅仔女大多唔理佢地

佢地去邊都唔會理佢地

其實我並唔係因為想威先會咁做

我真係好緊張佢地, 慢慢變成習慣

習慣提東提西, 既然佢地受落

又何樂而不為??

最近, 更加俾陳生班同事改咗個花名"管家婆"

因為肥媽媽唔係香港, 我就有責任睇住佢

我要佢晚晚都同我報到

如果有一晚陳生冇打俾我, 我就一定打去話鬼佢

所以當佢d同事一聽到陳生電話響

就知老二管家婆又黎喇

但係.... 陳生都不知幾開心!!!!

所以, 即使遲多2個禮拜肥媽媽返黎

我都會照催你返宿舍架.....

陳生~  生日快樂

===========================================

當晚同陳生去仍在試業中嘅鼎泰豐

整體不過不失, 但係分量同味道都係台灣的好

陳生生日蛋糕 ~

係響娘家資源有限之情況下

整咗個佢個飛佛"醜樣版低糖黑古力布甸"

好彩陳生一樣咁鐘意

陳生肥媽媽:

無論你地以後有幾頑固幾麻煩幾包拗頸個身仲有老人味都好

我都唔會嫌棄你地

因為你地從來都唔會嫌棄我, 每件事都包容我

我會更加珍惜可以同你地一齊生活一齊玩嘅時光

I LOVE YOU 2!!!!

我來也

經過一整個月嘅煎熬

終於都等到出監嘅日子喇

好開心, 今次個presentation, website同report都好滿意

如果一切順順利利

7月15號就會係帶四方帽嘅大日子

巧... 巧.... 巧剪章呀~

YO YO, HO HO.....

好, 癲完講番之前整過嘅晚餐

雖然果段時間要開衡"turbo"少咗入廚

但係都唔可以唔理龍少架

所以出開去就買定材料醃定

等佢返黎一煮一焗就可以開餐

真係仲方便過開罐頭呀!

是日有雞柳Laksa

同埋圓圓介紹泰式豬頸肉

我整咗兩大塊啊~

依餐龍少總共consume咗2大碗Laksa + 全部豬頸肉

佢仲問我幾時可以encore

呵呵呵, 好滿足呀~

遠親@大榮華

經過四月第一個"差輪廚"之後

當然要輕鬆番吓

今日就同遠親們去咗直行轉左唔駛轉右嘅大榮華聚聚腳, 飲飲茶

遠親們有至高無上嘅auntie菇菇媽﹑社團tone"表嫂"圓圓﹑同超可愛diana

本來仲有甜痴痴vanlily

可惜... 又見唔到

 不過唔怕, 好快又會見!!!

是次點心超級壯觀~

仲有龍少"飛佛"糯米飽~~~ 佢一口氣可以食3籠呀!

之後一群餓底再去掃場

去咗次次龍少經過都話飽嘅金滿堂

一家人果然係有遺傳

4個都愛榴槤

4個都知一碗係唔夠我地貪心嘅慾望~

所以要多咗個炭燒果凍咖啡雪芭

嘩... 好味呀

連我依d唔飲咖啡嘅人都超鐘意呀!!

哎呀, 食完唔記得飲番罐可樂喎

妹: 多謝你份高貴禮物, 我唔捨得開呀!

經過今日之後發現有句俗語係錯

"遠親"係"好過近鄰"

完全明白有一班遠遠地但相親相愛嘅親戚

總好過有d不知所謂嘅近鄰!!

親戚們: 做親戚, 真係有今生冇來世, 哼!

暫別

打從踏入四月開始

心情一路都起伏不定

因為四月係沖廁月

mid-term, presentation, project, report, homepage

咩都要完成哂, 好煩!

其實都知全個GPA唔會高得去邊

畢到葉已經係人生一大成功事件

但係過埋今個月就冇學返...

變得好似冇咩寄託!

所以... 應該休息多個零月

又去搵野讀喇喂~

讀咩好呢? 唔好再叫我讀屎片

我已經讀咗好多年架喇~~~

近排都會暫時停一停blog

得閒d先會寫一兩篇

四月尾啦, 我就會以準畢葉人身份出番黎架喇~~

(屎多啤梨係上星期惠康貨, 不過超大粒仲又香又甜又好味~)