被遺忘的早晨全餐

~~

Vanlily

~~

生日快樂, 祝你永遠都係蜜糖, 陳生就永遠都係你嘅螞蟻, 一世纏住你!

                                                                                          

晨早起床清新開朗~~~

今日因為有事做, 所以

啼咁早就出咗門口

d歌又話朝早有幾清新有幾開朗, 仲話朝氣勃勃

我一d都唔覺播!

出門口果陣個個人都係頭"dupdup"眼濕濕

上到車仲慘, 周圍都係surround sound嘅鼻寒聲.... 真係聽到心都寒埋!

見時間仲係早, 就一個人走咗去食番個早餐先

平時下晝先出動嘅我, 早餐通常都係屋企食個蘋果就算 (事實係要減肥)

所以... 都唔知食咩好!

行過Delifrance有陣好香香香嘅麵包味~~

麵包怪又點可以抵擋到咁大嘅誘惑呢

我order咗一份最普通嘅早餐

個蛋好淡口, 但係都算滑

果半份芝士火腿厚多士~ 真係不得了

烘到非常脆口, 芝士又香!

好滿足的一個開始....

早餐跟熱檸茶 (冇落糖架)

搞掂之後, 又再出發去APM攞番之前GG送嘅名貴小禮物

原來APM果間Godiva真係冇belgian古力架

唔怪得GG叫我買Haagen-Dazs頂住擋先啦

但係又一城果間有belgian古力架... GG

好在佢地包2個鐘嘅乾冰

如果唔係返到屋企飲奶昔囉!

返到屋企身水身汗

真係想即刻食鬼咗佢降降火

但係當撕開咗張紙.... 我望吓佢, 佢又望吓我

算啦, 都係等埋龍少返黎同佢一齊分享

因為我係一個大方又溫柔嘅好老婆

依家... 呵呵, 都係食咗自己買嘅Haagen-Dazs先

龍少: 你識做啦~~~ 哼!

呵呵, 今日用咗古古力色呀~~

超低能·勁搞笑

今日好開心好開心~

點解? 咪就係有得去街街囉

仲要係1不離2, 2又有3

一日見哂3個blog友, 真係少d精力都把持唔住呀!

本來今日只係約咗大少奶出黎嘻嘻哈哈

但係cindy精神好好, 所以就可以join埋我地

鏡頭一轉就由銅鑼灣變咗APM

而APM就係GG傳說中地獄嘅所在, 大少奶話點都要探吓佢嘛

所以就變咗1行4人大集會!

最好笑係雖然我同大少奶都未見過面

但係係離遠見到個黑色渾圓霹靂球碌緊埋黎.... 仲要眼啤啤咁

仲唔係你!!!

而大少奶仲一早已經接咗GG一齊

不過有d人勁古怪, 點解俾禮物要係搭緊電梯呢?

全個lunch都係cindy同大少奶不斷扮演機關槍

GG同我就輪為戰把, 不斷俾佢地嘲笑....

佢地講嘢快到真係搭唔到咀~ 所以都搞到有D思覺失調...

但係更可悲嘅就係~~ GG坐咗1800秒就閃咗喇

而我? 大家諗吓啦!

炭爐~ cindy話下次我地圍住黎跳舞                   同大少奶比下去嘅酒樽斜塔

麻麻地麵包                                                              cindy嘅菇菇湯  

麻麻地"閹"三文凱撒沙拉                                        OKpeter 仔, 個人鐘意delifrance多d  

有臭蝦味嘅青口蝦意粉                                因為臭蝦味, 經理改咗個鹽醃煙肉lily banana(?)~ 超咸!

同場仲有尋晚凌晨時份入焗嘅古古力同檸檬Madeleines做cheapcheap小禮物

大少奶, Cindy, GG, 我試過唔會肚痛架! 請勿見怪~~

曲奇高手大少奶送出有血有汗紅莓曲奇, 超香超正超肥!

GG送嘅肥屎muffins, 仲有待領雪糕一杯! 好感動呀~~~

仲有cindy送嘅好靚蛋糕書~~~ 不過我鐘意睇多d, 呵呵!

TO 大少奶~

我係咪好斯文呢?

唔知點解第一次見你就覺得好親切~ 勁鐘意你個迷人POST

好想可以快d同你一齊消滅張邪惡coupon

TO cindy~

點解你個blog都唔似你真係架?

其實... 我都係姊妹一份子

不過唔同環頭唔同大佬啫

TO GG~

你做咩咁客氣!

你叫我下次係cityu點咁約你喎~~

下次..... 再大份d啦, 哇哈哈哈

又黑又黃

龍少一向鐘意飲豆漿食豆花

所以當買咗部榨汁機, 就成日都買黃豆榨豆漿俾佢飲~

不過人地話黃豆好寒

唔好飲咁多...

但係龍少又鐘意飲喎

諗諗吓都係買黑豆好d, 因為人地話黑豆補血又有益

但係用黑豆榨果d豆漿龍少略嫌唔夠香唔夠濃.....

真係奄尖!

所以, 今次就用咗2/3黃豆+1/3黑豆

咦, 今次嘅味道竟然有d似麥精

都幾好飲喎

而今次煲豆漿嘅過程

竟然俾我煲咗塊腐竹出黎

嘩, 鮮腐竹好好味呀~~~

今次真係又有得飲又有得食囉

龍少, 滿意啦~

快d接住啦!!

 

P.S. 明天的約會, 期待ing~~~

馬來亞綠色無邊

一向都好鐘意食曲奇餅乾, 因為貪佢脆口又飽肚

但係龍少就點都唔肯食餅

佢話依D食物只係可以係打杖時先會食 (打杖?)

其他正常日子係唔可以食! 激屎

所以佢經常好唔抵得我成日食餅食麵包當一餐

係都要我食飯, 唔食飯都食個麵啦....

就係咁, 仲肥過同肥媽媽住囉!

話時話, 我都見過龍少食餅架 (一驚!)

不過佢只係會食威化餅, 話夠鬆化唔似食餅喎

咁仲食黎做咩?

係呀, 就係去旅行搵唔到宵夜佢先會食囉

所以同龍少出門, 一定要有包花生味威化餅

其他味佢又唔食架~~~

不過今次買依包威化餅, 當然唔係為咗龍少黃唔係去旅行啦

見到榴槤味, 一睇就知"賣飛佛"

嘩, 不得了! 一定要買包番去試吓先

一打開個包裝袋, 好似成個榴槤走出黎咁

好香~~~~

食落都OK啦, 略嫌榴槤味唔夠濃唔夠重

有D似榴槤膏陣味

不過食完之後, 個口真係仲有陣榴槤飄香

嘩, 嗱嗱聲飲番杯可樂先!

等今晚龍少返黎..... 哈哈哈

追加11:50pm~

頭先煲粥果陣, 竟然俾煲滾起嘅粥彈起咗個大泡

淥親個脈門呀.... 嗚嗚嗚.... 好痛!