哈哈, 近排因為懶
D相積得太.... 多太.... 耐囉
依個trip係9月跟龍少詠春交流團去嘅
地點有順德佛山
咁大個女都係第一次去咋~
果朝晨咁早8點係碼頭集合
原來依家d大船好舒服又OK靚架
瞓吓瞓吓, 3個鐘度就到!
去到當地, 就有個當地政府唔知咩官員接我地船
嘩.... 乜咁巴閉架? 我以為成班人跟師傅柴娃娃周圍去咋喎~
之後又有位當地師傅上車, 咁多人搞咩呀?
第一站先去未開幕嘅李小龍遊樂館(!)
好..... 高呀.... 隻鳳凰
原來係大門一邊一隻, 勁~
當地官員話依度會有酒店+遊樂設施(?)
不過環境都幾清幾靚, 定係因為未開幕?
係另一邊就係主腳~ 李小龍紀念館
裡面有好多關於李小龍嘅事績同用品
不過.... 唔太好!
跟住就俾班"高官"點咗去龍花苑山莊
OH... 亞"P"一邊食一邊EE哦哦, 唔通第一餐就"out不"?
好彩未!
食飽飽師傅就話去觀摩
WOH, 依個培訓中心真係偏僻到呢~
不過周圍又幾清幽, 仲有小艇玩
嘩, 秘笈?
唔好亂黎, 入鏡嘅全部都係猛人!
連順德電視台都黎採訪同埋搵師傅做訪問
龍少當然有份入鏡啦~
玩完一輪, 就出發爬山(!)
起初冇人知依度係邊度....
樓梯級又高(有D到膝頭), 又長, 真係要爬先上到去
行到一半, 俾龍少估中, 原來去...... 拜山!
去佢地先先先師個墓前傾計(!)
唔通真係有野要留番拜山先講?
仲要係個墓前影相? OH NO.... 我唔想要"靈異照片"呀
拜完山就去先先先師個孫屋企探訪
去番D人住嘅當堂安心哂~
咦, 陳氏宗祠?
周圍有好多楊桃樹, 點解仲係BB就跌哂落黎?
行吓睇吓, 又係時候食晚飯
今餐去荷塘邊食飯.....
先有落花生, 大6D衛生幾勁, 真空包杯碟
不過.... 有師兄果套裡面竟然有隻蚊....!
食飽哂, 班師傅要返去休息
可惜時間尚早, 我地又未眼瞓
<當晚月色超靚>
於是跟師弟妹們去食大良燉奶(相唔知去咗邊)
好好味又抵食.... (屎啦, 當時仲未知有冇三聚清鞍喎)
返大6, 薯片類永遠都有驚喜!!
手信之一, 大良水牛奶片.....
用黎撈粥超香又好味, 但係依家.....
仲敢唔敢食?
續...
沒有留言:
張貼留言