曬到痴肺@屋企BBQ

剛過去嘅星期六真係熱到痴筋痴肺

而上個月落大雨而改期嘅BB蕉

竟然選中咗依日

天氣熱都好過落雨嘅~

今次獨欠C小姐未婚夫, 如果唔係就齊哂人!

果日買咗好多野

由3點幾開始燒到9點都燒唔哂....

點解? 咪就係太熱囉!

上次因為太凍所以唔夠食

今次又因為太熱所以燒得唔多

下次... 下次一定可以.... 預準D

好, 先黎有怪談feel嘅李生李太仲有媽咪肚內嘅李妹妹

燒之前再黎張大合照~

食物有帶子王, 花甲王

成$140斤嘅大蝦王!

有羊架, 安格斯牛, 牛脷, 煙肉, 香腸, 小紅腸, 豬扒, 雞扒, 雞翼, 火雞腎....

仲有自醃豬頸肉+sause

食物多到放唔哂出黎

所以都影唔到相

仲有金菇露筍蘑菇粟米蕃薯....

依班懶鬼仲愈燒愈懶

中場果陣直程將所以串得起嘅都串起做爐端燒

好high呀~

哈哈, 臨尾有人仲即場表演泰國街頭串燒....勁!!!

一到9點, d清潔工人就黎開喉滅火

唯有返上樓嘆番陣冷氣~

餘興節目有關林之喜dvd

仲有4年半前自己結婚嘅dvd

點解咁舊都睇? 因為.... 一直都未睇過!

今次趁人多有壓力先可以一賞心願!

到午夜時分, 當然要去發記食番碗甜品降降火

我估下次BB蕉都要等秋天囉~

後記:

本來果日都好開心

但係返到屋企check吓部cannon

先發現機身劃花了一條很深很深的疤痕...

超級心痛, 依部係龍少送俾我嘅結婚週年禮物黎架

或者係BB蕉中途朋友弄花了......

心情低落ing~