龍吉宴@魚一丁

自從返咗學之後

真係見少咗好多朋友

好彩, 好朋友係唔需要日日見

但係有時真係盛情難卻

所以就係12月頭出黎食番餐補祝龍少同我嘅補慶飯!

本來龍少想去佢至愛 ~ 北京酒樓

可惜有人扮大隻唔著冷衫凍親

搞到又痾又嘔=腸胃炎

一班朋友又難約

所以唯有轉地點, 去魚一丁食清淡D啦~

山芋三文魚, 炭燒墨魚

不知名薯波, 汁燒元貝

熱辣辣玉子燒, 似臍帶嘅長香腸

呃人咖哩雞翼, 芝士雞肉燒

相撲火鍋, 鍋燒蟹粥

之前我仲整咗小餐包俾各位

不過..... 太熱入唔到袋

所以~ 大家無緣食囉!

下次啦, 下次BB蕉可以燒麵包喇!

3週年

1219 ~ 係龍少同我另一個人生階段

原來, 開心嘅時間真係過得好快

唔係望番隻刻係結婚戒子嘅字

都醒唔起原來已經3年

希望我地可以好快好快就3年3年又3年

再6年6年又6年

跟住又9年9年又9年

咁.... 即係幾多年呢?

龍少仲帶我去意大利餐廳食飯

我仲飲咗杯wine... 搞到有d wild!

食過飯後

龍少同我仲走咗去影燈飾

今日.... 一次過慶祝2件事

1219.... I'll never forget you!

吉慶圓

等咗好耐好耐, 19號終於都到.......

今日, 終於都可以同陳圓圓(大少奶)補祝佢生日

而且, 又係另一件大事發生 (容後再談)

雖然我地唔係去咩巴閉地方, 食咩高貴食物

但係.... 我地超級開心, 超級過癮!

好鐘意同圓圓一齊嘅感覺, 好close, 好爽, 好真, 仲好勁

永遠槍頭對外+狗咬狗骨再攬頭攬頸!!!!!

今日我仲有幸"又"得知圓圓另一天大秘密....

呵呵呵.....    估唔到你係..... 咁架!

你地....? 唔恨得咁多, 哼!

我地仲一齊去試新鏡頭

Lunch 我地去咗寶勒巷嘅"和越式牛肉粉"

圓圓嫌唔夠好

不過我覺得都好好味啦......... 樽醋!

春卷好鬼的式~

走青果然係好睇好多

仲有青檸七, 好味~

之後因為圓圓親戚煩住哂

行咗一陣就陪佢再坐一會.......

去咗好好mood嘅Dan Ryan's 食tea

果度真係好有xmas feel

好開心可以同圓圓一齊過節

下次我要同佢一齊過清明節~

我一定要食嘅potato skins

好難食到嘅buffalo wings

好飲iced tea

之後因為有大人物等住我

所以就同圓圓含淚說再見!

今次我有2個big hugs + bonus

賺哂啦~

TO: 親愛嘅圓圓

你係我第一個真心想做織女嘅朋友

希望如你所言, 真係鐘意份"小"禮物

我真係不眠不休咗.... 一晚織架~

不過真係好鐘意.... 偷影你呀!

果幾日, 我會超級想念你......

(冷帽quote自大少奶)

生日雞@泉章居

上星期六, 既係親愛嘅陳圓圓生日
亦都係我至愛肥媽媽舊曆生日
陳圓圓就有一大班人同佢慶生
我都唔執輸, 一考完試就去咗泉章居攞位
點解去泉章居?
因為肥媽媽話佢地細細個已經成日去開餐
好想俾番d回憶佢
而且肥媽媽又係超級愛雞之人
依度嘅鹽焗雞同霸王雞都好出名
咁就可以一次過滿足咗佢2個願望啦!
我地一行四人, 竟然叫咗個六人餐~~
因為... 四人餐得半隻雞, 六人餐有一隻.....
所以..... 一個字, 勁!

+$20轉嘅白果豬肚湯, 好甜

鹽焗全雞真係好大大大隻~ 肉很滑

海味雜菜煲~ 好鮮甜

柱喉牛腩煲 ~ 成晚最失色之作 (好彩係陳生叫咋)

肥媽媽至愛 - 酥炸豬大腸 ~ 生日先有得佢食咋

仲有梅菜蒸桂花 ~ 好好味呀
好開心肥媽媽食得開懷
雖然冇生日蛋糕但係有生日雞搭夠!
由於太多餸關係
肥媽媽就話要食哂d餸而唔俾叫飯
可憐龍少即刻流露失落嘅表情
好彩成枱都係佢鐘意嘅餸先冇咁掛字碗飯
不過第2日都要即刻補番數

total食咗3大碗飯先滿足!!!

boxing day

終於都放監喇

頭先check番先發覺原來有好多篇blog未寫

但係今日又有開心野

所以都係講咗今次先啦~

今日終於都去咗買龍少份生日禮物

其實依份禮物.... 我自己都好鐘意

因為, 我都有份玩囉

係咩?

咪係咩...... 囉!

SIGMA 18-200mm OPTICAL STABILIZER鏡頭一大支

雖然依隻唔係原廠canon鏡頭

但係勝在佢有埋個optical stabilizer

最啱我依d經常手震嘅人啦

所以, 仲好過原廠鏡!!!

既然買得靚鏡頭, 就唔爭在買埋原廠濾鏡

雖然都幾貴, 但係... 龍少鐘意就worth啦~

嘩... 個result真係靚到好似冇鏡片咁!

好嘢, 下星期有得攞出去試機, 正!

依份就係龍少送, 日日都可以掛住佢嘅生日禮物喇~

閉關中...

一搭入12月

就意味住又要自閉閉關鍊功嘅日子又到

今次要自閉到17號

成半個月呀陰公~

但係....

黎緊會係一個驚心動魄, 緊張剌激, 埋頭苦幹, 擔驚受怕, 鬆一口氣, 生日快樂, 普天同慶, 旅途愉快嘅經歷~~

而且... 今次應該係倒數最後2次自閉

下次就只係剩番下一科嘅mid-term咋~

所以, 真係好緊張

緊張過後就有超豐富節目等緊我

你地要等我呀!

17號再見~

又中招

上星期好番冇幾耐

點知唔知俾D咩人又傳染咗.....

尋日朝早睇完中醫之後

一面上堂一邊喪咳喪暈~

返到屋企之後仲發燒~

好彩都仲有小小精力去摷雪櫃

本來仲想煲花膠粥俾近排OT到九彩嘅龍少補吓

點知摷落先知冇哂花膠....

於是就煲咗煲唔知咩垃圾粥~

"蠔屎花菇江搖柱聖子乾蝦米咸鴨肫煲粥"

煲出黎又幾鮮幾好味喎

龍少返到黎仲食咗3大碗

真係GOOD喇!!

好喇... 苦茶就快煲好, 又要去差電喇~