以往豬豬去睇完concert
之後都會問幾時可以再去聽
有時見到orchestra poster, 佢又會問係咪我地之前睇過果D
跟住又會問叫我幾時再去聽!
好似真係好有興趣咁!
但個人認為, 聽多D音樂又冇壞, 所以, 一選到適合小朋友的音樂會
我都會盡量去夾時間帶豬豬去感受一吓!
其實, 聽多些音樂會對小朋友有很多好處
除了可令她們增加音樂感之外
我還可以乘機教教她一些良好的行為
因為每次音樂會前都會告訴她一些唔可以做的行為
例如：
豬豬：「 點解聽音樂會時要安靜、不可說話和周圍郁?」
mama: 「因為當你講說話和周圍郁, 會騷擾到台上表演中的哥哥姐姐,
佢地會唔開心, 咁就演奏唔到好好聽既樂曲俾你聽架喇!」
豬豬每次又真係會好合作、靜靜的觀看樂團的表演
可能真係有小小mama的遺傳 - 愛音樂
哈哈~ 總算有小小安慰
前陣子, 我地又帶了豬豬去睇concert
今次係香港管弦樂團的"睡公主與大象巴伯"
係一個用管弦樂做配樂, 去帶出故事的內容
好有趣的一個故事
但今次, 我們一家都有一個不好的經驗
當音樂會開始了
全場大人小朋友都非常安靜地聽著故事
突然後面兩個家庭的小朋友
不停地高談闊論、討論著故事的發生......
起初我們都認為小朋友就算了吧~
但...
他們愈講愈興奮
之後一個更突然大哭, 不斷狂叫說「我唔要睇! 我要走」
但她們的父母並沒有理會
只是叫她們乖乖座下.....
.......
.......
全場人都被她們騷擾得不能專心去看去聽!
就連豬豬都不禁說了句「佢地會嘈住哥哥姐姐架!」
無奈的我們就在騷擾的情況下完成了個半鐘的音樂會
離開時, 我們不禁看看小朋友幾大, 父母是什麼人
噢!
兩個小朋友竟然是比豬豬還大, 至少有5-6歲的小朋友
而父母呢? 原來全場都在打candy crush
其實, 真係好想同佢地講句「其實你們咁忙, 不如慳番唔好入場騷擾其他人啦.....」
之後, 當然要去食番碗糖水消消悶氣啦~~~~
