前陣子收到Disney Junior的邀請, 參加小公主蘇菲亞的電視電影首播, 起初有點猶豫, 因我平日都有點抗拒俾Audrey接觸公主, 但點解今次會参加呢?
原因好簡單, 參加前上網check過, 知道Sofia The First係美國好受歡迎, 再睇埋佢既內容充滿教育意義, 而又有別於過往的公主故事, 所有對Audrey有益的都會参加啊!
從知道有此星級之旅到當日, dadad同我都冇透露半句俾Audrey知, 因為好想俾一個big surprise佢呀~
當我們登Disney train時, Audrey已經興奮度爆燈, 不斷問係咪去disney????
但由於當日先要參加同學仔生日會, 所以待首影剛完結我們才到達, 有點兒失望, 但幸好youtube可以重溫番好多, sofia既歌真係好好聽, 特別係”I’m not ready to be a princess”, 超讚啊!
故事內容係講述小公主蘇菲亞因媽媽嫁了給國王而突然成為皇室小公主的故事，而小公主蘇菲亞則突破了傳統公主的格式，不再只是著重漂亮外表的公主，而是一個充滿自信，有能力以及成為一個好人/有用的人為宗旨的公主。但當中小不了其他皇室成員對她的偏見和從新學習新生活的故事。
當睇埋ＰＲ發的稿件才知原來依套卡通係由多位資深劇作家、幼兒發展以及學前教育專家經曆５年時間炮製之成的。作為mama，一向都只會偶爾俾Audrey睇的Disney Junior原來不是我們所想的那樣膚淺，作為家長真的要和卡通一起同步前進呢！
之後大家要分成2組，Audrey的一組先留下，玩玩遊戲，做做手工，再認識及學習如何像小公主蘇菲亞一樣充滿內在美的５大特質－善良、勇氣、自信、樂於助人和富同情心
學習完如何成為一位有內在美的小公主，就可以去…….. 下午茶high tea~
今次high tea的地方係walt’s cafe
Audrey面對這份超級美的high tea實在太興奮，所以….. 每件都要試但每件都只吃一口……..
