烏卒卒~~

烏卒卒... 好似好似一隻黑蟋蟀

烏卒卒... 隨時施法術

人人也叫她烏卒卒...

以前電視一播譚玉瑛姐姐, 提子太太就一定跟住唱~~

哈哈哈, 都係以前果d兒歌好聽好多

好似淘氣小雪兒啦, 飄零燕咁....

你地呢? 你地又鐘意咩兒歌?

                                                                                        

肚痛前幾日, 見龍少放工成日都話好熱好熱

返到屋企就一定要係雪櫃摷凍飲

橫掂之前買咗仙草粉, 龍少又係超級涼粉精

雙眼一見到涼粉就"發熱發亮"....

好, 一於整涼粉俾龍少嘆吓先!

由於龍少好日都唔食生果

所以就將火龍果切粒粒俾佢

好似呃細路仔咁要佢一齊食哂佢

點知隻衰豬真係逐粒同我簡番哂出黎唔食!!!

仲話涼粉係唔可以同其他嘢撈埋一齊喎

當然除咗花奶啦~ 因為佢又係超鐘意飲花奶

就係咁, 所有火龍果原封不動俾番哂我

但係就追住我隔起咗嘅花奶!

仲話下次唔可以企圖或意圖再加任何生果落涼粉

仲有下次? 都係諗吓先啦

正面好正~

"莊"落去都唔錯~

不過向下望最吸引~

P.S. 7大美人, 唔駛流口水喇~ 預咗俾你地..... 返屋企自己整啦!!! 哇哈哈哈.... 

空虛嘅心靈

見到人地尋晚大魚肉

個心就真係唔舒服....

雖然尋晚真係好想好想好想去一齊癲

但係好彩冇去到, 尋晚痾足一晚~~~

個肚仲痛到爆

龍少仲問咗個我都想知嘅問題

"你又唔係痾水, 點得黎仲有咁多嘢痾?"

今日見到佢地post哂引屎人嘅一餐

所以... 本來應該食白粥嘅我

都忍唔住煮咗罐素雜菜湯跟甜包....

扮住酸辣湯同銀絲卷

暫時滿足住空虛嘅肚同心靈先啦~

打敗了

近排天氣唔好, 終於都輪到我被征服了

未睇醫生都知係感冒菌入腸~

因為自己D腸胃一樣都極差

加上上星期不斷食生冷嘢

 (龍少話)

所以... 病了

計埋今日總共

咗十幾次

大部分時間就係 

中渡過...

個肚又痛到好似抽筋咁!

再加埋成日個頭就好似搭緊船~~~

今晚一定要去睇中醫先得

朋友~ SORRY呀! 希望快D有下次聚會! 仲有D小禮物我會好好收起留番下次....

P.S. 寫依篇中途已肚痛5次.....

13:25 一邊上堂一邊標冷汗... HELP!

15:24 超級肚痛, 但係一日未落堂一日都唔可以

~~~~

16:33 痾完鬆哂! 不過大家唔駛太擔心, 因為唔係齋痾水! 龍少話我係排毒喎~

20:05 超級眼瞓... 等食粥水同埋羨慕ing人地大魚肉

22:50 仲未收到大魚肉後記~~ 電磁已用盡, 瞓教去!

上癮

前幾日中午開電視

咦? 點解華娛又又又重播"惡作劇之吻"

再睇真d, 原來今次輛到無線播!

雖然我都睇過至少4-5次

但係依家每日11:45就一定開電視又再睇多次

龍少都有問過我, 駛唔駛成日睇呀?

不過, 真係好好睇!

其實知道有依套戲, 都係因為知道係元暢做

識得元暢, 都係因為朋友W

幾年前朋友W話佢鐘意咗個台灣新人叫鄭元暢

我個心仲諗 "吓? 叫趙完唱" 呵呵....

不過經朋友W講之後~ 哦, 原來係當時華娛播緊"安室愛美惠"果個長頭髮白雪雪果個

又真係幾高大喎

之朋友W係佢超級忠實fan屎

雖然佢都有做"薔薇之戀", 但係本人唔太鐘意Ella奇特嘅外表所以冇睇

不過當聽到佢有套"惡作劇之吻"就超級想睇

起初龍少叫我睇華娛算啦~ 但係我又真係好想有DVD

可以幾時睇都得!

哈哈... 最終因為舊曆年果陣去咗旅行

華娛係果陣又重播, 點知哈爾濱收唔到華娛(!!!!)

搞到我晚晚攞攞攣冇得睇

於是龍少'的'起心肝同我落番北京書城買咋... 呵呵呵

所以~ 基本上每2個月我都會睇1次! 

有D過份沉迷嘅感覺

但係比起香港果D劇集, 真係黎得有意思得多啦~~~

P.S. 其實依家發緊感冒, 不過真係超鐘意依套戲

所以想叫大家一齊睇啦~

"惡作劇之吻"

無線星期一至五上午11:45

http://www.gtv.com.tw/Program/S051420051001U/

大難臨頭@星期一

係呀, 一睇上圖就知我又quiz喇~~

今次係adv mkt

雖然聽落好似唔係好難

但係... 溫落先知大獲

因為好多theory要背要記

而且依幾日開始作感冒

起與唔起之間...

搞到朝朝周身骨痛晚晚眼瞓頭痛

之後再問吓quiz咗嘅同學仔

佢地竟然話溫哂d notes, 都有8成要靠估?!

唔係掛???? 咁~~~ 即係溫定唔溫?

聽日好想去游水呀~~~