惡夢纏身~~~

依2日唔知係唔係天氣潮濕, 加上某D特別日子

搞到個人好累好累, 又唔飲得去濕茶

成朝都發惡夢.... 夢到龍少話賣我去汶萊3個月~~~

嗚嗚嗚... 好驚呀! 搞到我一醒咗即刻打俾龍少

不過~ 又係俾佢笑餐死囉!!!

                                                                                          

經過一輪心理平伏之後

就整咗我人身第一個得戚嘅戚風蛋糕

好開心第一次就整到, 不過因為未試過

所以都係整原味先, 龍少好鐘意食依隻蛋糕... 真係好喇~

不過, 唔知點解放涼之後

個蛋糕底有D濕, 仲痴住隻碟

唔知係唔係灘得唔夠涼?

同埋, 個食譜係用40cc油+70cc水

咁40cc即係=幾多ml/g呢?!

我用咗40ml油+70ml水喎.... 係唔係就咁出事呢?!

後記: 之前響上海街買錯咗個戚風模 

買咗個圓底又唔可以甩中間出黎嘅

所以依個只係之前買落嘅3寸模黎咋....  唔知有冇得換呢?!

好肥.... 豬頸肉

假期結束嘅第一日, 一如以住, 失落感又返哂黎

一起身身邊果個已經返咗工....

龍少都今日開始返新工, 我諗應該會俾以前辛苦好多~~~

而今日仲係學校假期, 夜晚唔駛返學

所以今晚唔駛龍少煮飯, 等佢休息一吓

就由我依個1個月都冇煮3日飯嘅咪咪吉開爐啦~~

咁整咩呢?! 去到超市, 竟然有pack好哂嘅豬頸肉賣

諗起龍少都好鐘意食, 於是就買咗返黎學大少奶咁自己醃自己焗

出黎個效果好好呀~~ 不過我嫌佢肥得滯, 所以再整咗個小沙律醬嘅蟹柳青瓜沙律伴碟

感覺好似fresh d健康d咁嘛!!

同場仲有菜飯+秋梨雪耳湯, 因為龍少近排有啖呀!!! (不過佢一返到黎太餓, 影唔到相喇)

倆口子上哈京第四天

到第四日, 依日冇咩特別事發生, 只係一般sight-seeing

而果朝我地竟然一早就起咗身

因為好想去欣賞依個好耐都未見過嘅藍天與白雲

雖然天氣好凍凍凍同震震震+大大大風, 但係d空氣真係好清新好舒服

龍少同我一出咗酒店, 就不斷索呀索呀, 吸多d新鮮空氣嘛~~

之後我地就行去酒店對開嘅松花江

原來朝早嘅松花江有好多嘢玩: 冰滑梯, 狗拉雪橇車, 馬拉車睇冰河下面嘅魚, 放風箏, 溜冰....

真係多都數唔哂!!

不過... 不惜我地得番好小時間響哈爾濱, 但又有好多地方想去喎

於是冇玩任何嘢就離開松花江向中央大街出發

 
 

 

不過首先我地就去咗龍少同我都好鐘意去嘅walmart度八吓先
一去到~ 嘩, 熱到不得了, 一睇個溫度計~~

撞鬼囉~~~ 成25度, 搞到龍少同我都不斷係咁除除除....

除到無可再除為止先收手
walmart真係有好多嘢買, 我地差不多買齊哂衣食住行
衣: 羊毛褲羊毛襪leg warmer(留番下次著), 食: 哈肉聯香腸(好出名架) 豆奶茶蓮子茶lays波浪薯片
住: 溫度計蒜頭盅 行: 差d買埋雪鞋, 不過太國內feel....
walmart裡面都仲有好多千奇百怪嘅嘢你買

好似燒兔仔, 燒豬頭..... 仲有似碌柴嘅冰魚.... 嘩, "真係咩都有"!!!
之後我地返酒店放低嘢, 再去中央大街進發!
有名你叫中央大街, 都算係哈爾濱嘅心臟地帶

依度有各式各樣嘅專賣店, 俄羅斯土產等...

不過唔係剩係得遊客黎架, 當地人都鐘意行依度

因為集中哂好多百貨公司同食市

仲有好多新奇嘅睇吓架!

 

 

 



 

 

沿住中央大街行, 過2個街口就到哈爾濱第一名勝~聖索菲亞教堂

依間係俄羅斯風格嘅教堂, 現場睇真係好宏偉

仲好似去咗俄羅斯一樣呀~~

  
 

我地響聖索菲亞教堂影相都影咗好耐

因為實在太靚喇, 有d唔相信自己真係見到

影親張張相都以為係postcard

跟住, 我地就打的去果戈里大街

因為人地話果度係俄羅斯商業街, 同埋有個好靚嘅俄羅斯廣場

但係.... 我地搵黎搵去都唔知個俄羅斯廣場響邊

只係搵到條商業街同花園街?!

於是我地就去咗買俄羅斯特產: 木頭公仔同埋古古力

 

跟住我地就返返中央大街食難食俄羅斯菜

之後再返返松花江邊放煙花

嘩, 有d大型煙花真係好靚架

不過我唔敢玩大, 都係玩細安全d....