大風雪之旅2013 - day2 (札幌雪祭)

終於可以寫第2日了！

第2日當然要早早起床，目的就是參加第64回札榥雪祭！

對上一次到北海道同雪祭完全無緣，人地未開始我地已落左大阪，殘念！

所以今次大人細路都好剪張耶～
當日天氣相當凍，一出酒店已風雪滿天飛

Audrey BB已經整裝待發、包到實一實，準備向零下8度的大風雪出發！

Audrey BB一見到d雪係咁飛，笑到見牙唔見眼😅

酒店門外都陰陰天，見到雪嗎

搭了程JR，終於都到了會場喇！

好緊張好興奮～

札榥電視塔下的大雪

一出外，嘩！凍到呢........

dadad同豬豬都要著番好所有外套帶好帽仲有手套.......

周圍都有工作人員不斷剷雪

如果唔係都真係行唔到

依個就係大通公園會場喇

行左一陣就已經大雨成咁，好彩有帶BB車

如果唔係都幾麻煩！

不過其實大雪BB車都經常拋錨，真係估佢唔到

由於太大雪大凍關係，未開始睇先要暖暖胃

其實個菜肉包真係唔知有咩特別

但係就係因為好凍同北海道產關係，¥200/個完全覺得抵呀

食完包包充滿力量，可以落車走動一吓

會場裡先有花式滑雪表演，嘩！勁到呢～

dadad都話要學到咁........ 吓！唔好嚇我😓

Audrey BB都睇到呆哂

之後就見到好大座的雪雕

好犀利好靚，不過可惜因為太大雪，所以成座雪雕都鋪了一層厚厚的雪

以至面容有點浮腫

場內大部份的雪雕都同一命運😅😅

哈哈，Audrey BB凍到有點不知所措

所以不斷用自己的方法令自己溫暖

所以不斷擺些奇奇怪怪的pose

好美的韓式大宅

已經面目模糊了

龍的樣貌都睇唔清

經過3小時後，Audrey BB已累到睡著了（所以帶BB旅行，BB車係重要環節）

而且...... 大雪到嚇怕人，沿途已不斷拍打雪

但區區5分鐘路程就變成下圖

由於太太太大風雪，唯有即刻閃入百貨公司餐廳醫肚取暖

Audrey BB一見到個お子供セット就興奮到不停要要要

一來到更加不得了

當待應送來後就打開火車頭的蓋然後倒水入內

嘩嘩嘩～～ 火車就就開始噴煙了

氹得Audrey bb開心到拍起手來

不得不佩服日本人的心思

超興奮

食飽飽又再戰雪祭

剛才的大雪嚇怕了dadad

所以之後速速買了把傘俾Audrey bb遮雪

哈哈，咁就落雨也不怕落雨也不怕了！

mama好偉大

再行入d，仲有food court

好吸引好吸引

但........ 落住雪點食？所有食物一離開個爐1分鐘就開始變凍

所以...... 都係望望便算

入夜後雪雕亮燈了！超美

比哈爾濱的更美

愈夜，雪就愈大

超美的雪樹

面目全非的小熊.......

......... 鱷魚鯨魚

仲有.......... Audrey BB竟然認到.........發脹的麵包超人

晚餐時間到了，當然到dadad最期待的.......

蝦蟹合戰！

今次都係選鱈場蟹同松葉蟹放題

d蟹腳真係好鮮！

茶碗蒸好香好甜

壽司就....... 算吧！都係食腳啦～

今次總共食了4round

骨桶都滿了3個、係各人，哈

食飽飽又再去冰雕展

有人心情麻麻，因為食蟹腳時扭眼瞓而食得好小

跟住就扭肚餓了

但點都要逛一陣才可再食吧

況且我倆真的飽到.......

有點火樹銀花

日本女仔真的不怕凍.....

好有趣的冰雕

由於不斷俾Audrey bb扭扭扭，dadad終於都屈服去食拉麵

但..... 點知個衰豬食幾啖就話飽！

可憐dadad同我要夾硬食埋......

所以依個trip之後幾日都唔敢再食拉麵😓

冰雕都真係好美

至小面目冇被雪遮到

傻豬bb玩得好開心～

回酒店時，沿途的車都被雪封了

想想明天起來如果開車........

真有趣

回去時雪開始停了

Audrey bb想落地玩玩雪

dadad拖著她小手一齊行

而我就推著手袋加bb車跟在後

看見兩父女的背影

真感恩可以一家3口在冰天雪地的地方溫暖的在一起

我好幸福啊！☺️