續dAy 1 、晴、雪
飽餐一頓之後, 出發去行街消化一吓
其實天氣都好凍
雖然冇落雪冇咩風兼有小小太陽, 但係周圍都俾好厚嘅雪圍繞住你嘅時候
真係有d震....
所以~ 立即換番條醜樣雪褲先出發~
沿途見到好靚嘅雕塑
酒店後面就係有百幾年歷史嘅明冶時計台
再行前d就係電視塔
係電視塔上面竟然有新發現~~~
原來依家佢地好鐘意依隻野
係綠海藻衍生出黎嘅公仔, 你睇幾咸濕!!!!!
係電視塔上面行吓睇吓望吓, 竟然俾龍少見到個類似街市嘅地方
於是行過去昅昅有咩特別
點知又係景點之一 ... "二条市場"
依度全部都係賣海鲜: 鱈場蟹, 三文魚, 金槍魚, 明太子, 海膽, 貝類.....
咩都有得賣
真係一邊行一邊口水都流哂出黎
可惜今日先係第一日
我地又唔會幫襯, 所以唔敢係人地檔攤影相!
係北海道, 全部路面都係雪, 行雪地係好舒服
但係當有d路面變冰面就會冼到九彩
所以成日都會見到依d箱
係咩?
原來係d黑色嘅防滑砂
如果果段路冼到九彩
d路人會自動去依d箱度攞一袋or一樽砂倒係冼嘅地方
之後仲會放番個袋or樽入個箱度回收
日本人..... 真係自律!
係二条市場對面, 原來就係狸小路!
點解冇睇旅遊書都可以搵到哂d景點? 我老公叻囉!!!!!!!!!!!!!!!!!!
理想中狸小路好似心齋橋一樣
好多人好多野賣好多野睇
但係....人唔多野唔太多兼店鋪都唔係咁多~~~
好多店鋪都已經吉咗
日本經濟真係咁差????
原來成個北海道都係"熊出沒~~"
行到凍凍地, 又唔想食麥當當
所以走去便利店買我最鐘意嘅熱辣辣粟米湯同龍少飛佛飯團!
再行多陣就去醫肚
今晚食咩? 呵呵呵呵.... 勁囉~
間餐廳叫"えびかに合戰"
即係咩? 蝦蟹大戰~~~~90分鐘, 勁呀!!!
哈哈, 話明合戰當然要有武器
先有不锈鋼交剪2把, 鐵蟹籤2支, 仲有鐵蘿2大個
因為唔多識開蟹, 所以我地選了松葉蟹腳同鱈場蟹腳set
噢... 松葉蟹腳雖然幼小小但係好濃烈嘅蟹味
鱈場蟹腳比較淡小小但係勝在肉質肥大!
總之2樣蟹都超級新鮮
其實同場唔只得蟹腳
仲有熟蝦甜蝦蝦天婦羅壽司、蝦天婦羅、蔬菜天婦羅、蟹肉茶碗蒸
飲品另計
到最後我地同蝦蟹總共合戰咗3大個回合!
大約食咗2大隻鱈場蟹+1隻松葉蟹~~~
下面個鐵蘿都換咗兩次!
依次合戰, 2個人都只係用咗8000YEN
超抵~
食飽再漫步, 欣賞一吓札幌夜景
就係依個時候, 噢~~~~
開始落雪喇~
雖然去過好多次會落雪嘅地方, 但係都未見過
所以第一次見落雪嘅我, 真係覺得好興奮又感動
之後... 仲晚晚都見到~ YEAH~
飄雪中的大通公園, 電視塔, 時計台
倆口子手拖手雪中漫步
大家緊握著對方(因為驚冼)
原來真係可以好浪漫!
宵夜當然有, 仲有十幾年冇飲嘅全脂北海道牛奶
原來奶真係可以唔蘇兼咁.................奶~
真係好好味架!
雖然今日只係北海道嘅第一日
我已經深深愛上依個地方~
沒有留言:
張貼留言