忽發奇想

小時候, 由於媽媽以往住在港島區

所以亦經常帶家姐和我搭小輪到回到她小時候住的地區

每逄星期六/日她都會帶我們由尖沙咀搭天星小輪到中環

先到碼頭玩樂一番, 看看人力車啦.... 英文報攤啦....

再去酒樓搵位, 等爸爸放工一同食lunch

再去family day

到拍拖, 細個冇咩錢所以多數行街街

最浪漫都係搭小輪吹海風

試過放暑期工自己一個趕入camp, 係尖沙咀搭小輪

去到中環, 一過隔離就係離島碼頭

一個人搭船真係有好驚

因為一向冇咩平衡力, 上船落船真係驚險萬分

每每像飲到超high的外表!

好彩到依家都未有墜船經驗可談

到依家, 雖然以住嘅殖民地色彩大部分都拆掉

但係依然留戀, 特別天星小輪

緩緩的、慢慢的在海上吹著海風

本來繁忙的你, 當上到船上

也不得不停下來抖抖

因為無論你有多趕時間有多著急

只要一開船, 你就一定要等船泊岸

在海中國的那份悠閒, 那份輕鬆

真的比做spa有過之而無不及!!!

所以, 每當有機會過海

一定會選擇搭雖然遙遠的小輪而捨棄方便的地鐵!

可惜... 中環的新碼頭已經失去了那份感覺

滿心歡喜的上船

下船時, 換來的, 只是冷冰冰、毫無回憶的一個碼頭吧!!!