恭喜大家發財

其實我一向都不太喜歡過年, 
細個每天都要去拜年, 但總是在同一地點呆坐一日, 悶!
新年所有電視節目都係千篇一律的送金龍又或者係生肖運程, 悶悶!
每個家庭都是吃同一種食物, 悶悶悶!
到大個可以去街, 但大部分餐廳都強迫你食一些新春特別套餐、迫你聽一些新春音樂, 悶悶悶悶!!
而且周街都係強國人......

所以, 自結婚後大部分新年都會去旅行
一來避開這個悶到嘔電的日子, 二來因為紅日多, 請幾日annual leave就可以有個長假期了!
前兩年因為有了Audrey BB, 所以不能搭飛機
之後一年又因為 Audrey BB第一次過年, 又要迫住係香港過
等到今年, 呵呵呵呵.... 終於都可以又去新年旅行了~
今次要去13日啊, 仲要帶埋Audrey BB去落雪的地方, 希望可以順順利利啦~

預祝大家新年進步, 身體健康, 恭喜發財!!!!

7 Wedding Anniversary~

噢, 今日突然心血來潮看看自己的BLOG, 原來又懶了整整大半個月....
不得了, 重新開回這討厭的YBLOG是因為想記錄下AudreyBB的點點滴 滴
(說YBLOG討厭是因為重開時遇到的超大麻煩!!!)
如今又懶了這麼久
好! 新一年我要更加努力去寫下所有所有!

說回聖誕節吧, 聖誕節前一個星期是我們結婚週年
亦是第三年在DISNEYLAND過
第一次是大肚中, 第二次她才8個月, 對所有事物都提不起勁
而今年她已經懂事了很多很多, 見到MICKY會追住去摸
看PARADE時又十分興奮, 最開心奠過於和她玩TOYSTORY的狗狗!
其實可以和龍少和Audrey BB一起過, 在那裡過都一樣開心!

龍少, I LOVE U!


可以見到MICKY好開心

一落地仲開心, 不斷狂奔!

室幸好入園後見人多都會乖乖俾我地拖實

排隊同MICKY拍照時的餘興節目

未到我地就走去搞搞陣

本來想Audrey BB同MICKY MINNIE獨照, 點知一放落地即刻興奮地走了出去, 所以.... 要我係後面抱住, 但係要躲在MICKY背後!!!!

終於都有新PARADE

我最鐘意GOOFY

哈哈, Audrey BB邊開餐邊睇PARADE, 食得特別快!

終於到了新景點

等玩狗狗車時, 好興奮

A、A、A、A for Audrey

依邊感覺好細, 而且好多人, 不太鐘意!

始終都係第一年個城堡最美

等待搭小飛象~

又再次hyper

好美的煙火!

哈哈, 好搞笑的BB

依個樣有點尷尬

依個又有D似清朝宮女

最後, 買埋相就返歸了!
Audrey BB: 10張啦唔該~

愛說話的Audrey

踏入12月, 就代表Audrey BB快20個月了....
未生小朋友之前, 都不太發覺時間過得快,
但現在一日一日睇著自己的小BB, 由一舊飯開始, 到現在識行識跑識叫人.....
真的想唔認老都唔得!



講開又講, 近依2個星期
Audrey BB學講識多咗好多好多說話
大部分親人都識叫, 連最難叫的e ma都叫了"依家"!!!
日日望住窗外叫"aeroplane"
經過見到洗手盤就叫"洗洗手"
見到鐘點ee拖地, 佢又叫"拖拖拖"
煲水水滾又叫"火...呀"
仲識連住2組字了, 如"byebye公公"、"要要餅餅".........
依家成日跟人"口水尾", 我們說什麼她也說什麼
真的很搞笑.... 
 好像每次我和學生上完課, 都一定會叫他們記得練琴
今日上完課送學生到門口時, Audrey BB 說完byebye哥哥, 竟然再說"練琴呀~~~"
哈哈哈哈, 真的笑死了....
 
而且近這個星期, 她不斷在練習"jump", 但..... 雙腿依然在地上, 只是手和身向上搖
哈哈, 真係很趣
現在, 當她自己在玩得興高采烈時, 我會呆呆的坐在一旁看
心想, 真可愛, 但不知再過幾耐, 她就會鎖自己在房中, 和自己的朋友上網, 不再理mama了....

 

肚痾令人累... 累... 累........

唉，久未露面的腸胃炎，又趁我近排精神好小小
再偷襲成功！
星期一開始痾到飛起，俾爸爸迫我吞了2粒正露丸
但就係依2粒正露丸，搞到個肚不斷痛但又去唔到.....
到今日薬力過哂，又䦕始痛過！
究竟幾時先得番哂？我星期六要打邊爐架！

生日快樂，親愛的

 

登登登登.........
昨天是我親愛的龍少大喜日子
首先祝你身體健康工作順利日日開心快樂我們永遠恩賜Audrey BB快高長大聽聽話話！
由於龍少鐘情中菜和海鮮，所以今年我們又到了鴻星吃大閘蟹宴！
由於工作關係(勤奮的龍少從來不會在生日請假)，我們訂了8點半後，正好碰到他們的8折優惠
真高興！
是晚每人拆了3隻蟹，全部都爆羔，一流！
不過我們一致欣賞蟹公的羔多於蟹了乸！
當Audrey BB見我們不斷又開又拆蟹，好也嚷著要一起呢
好一個為食BB！

親愛的，希望你永遠再沒有煩惱，願天主賜我力量去令我可打理好Audrey BB，令你無後顧之憂，幸福快樂！

playgroup@tutortime

在上tutortime之前, 其實Audrey BB已經上過數間playgroup,
雖然..... 龍少同我唔係一定要求Audrey BB要好聰明, 要盡快於短時間內學識所有英文字母、數數字等(其實我只希望她有一個健康、快樂的童年)
但, 現實歸現實. 抄報紙文章, 我並不她輸在起跑線上! 所以由6個月開始已經有報playgroup玩玩學學!
起初我報了專教英文的jolly kingdom, 老師是ABC, 每堂都是不斷循環教英文、計數, 教英文、計數...... 搞到上了3個月的我都開始覺得有點悶!
當時好好彩的抽中了基督教服務處的幼潛, 所以順勢就轉了去幼潛!
其實幼潛都真的幾好玩, 有好多訓練動作都是大人忽略, 但係對BB係一件好難的事!
而上完課後, 我們地都真的有在屋企同Audrey BB不斷練習, 所以亦見到她的進步!
不過, 聽朋友講, 上完一個course都已經很足夠. 因為到下個course, 訓練的玩的都會有好多重覆, 所以本身都不打算再抽!
而當時幼潛的梁EE打電話給我(其實只是補充番Audrey BB的情況), 話佢係另一個playgroup都有教,
於是就在未搵到新playgroup之時, 就跟梁EE轉了上外面一間叫starting block的playgroup!
課堂形式同幼潛一模一樣, 但係美中不足就係小了一個助手, 所以有時上堂果陣秩序都幾混亂!
其實都覺得同Audrey BB上這類自理能力形式的playgroup已很足夠, 又打算再search時, tutortime打黎話有位俾Audrey BB!
OH.... 原來我係年頭曾經打電話去留了waiting list (完全忘記了)
等咗7-8個月終於有位!
起初不斷掙扎係因為學費賓在太太太太..... 貴! 係唔係真係咁worth?
有時諗如果將畢學費儲起留作Audrey BB將來之教育基金, 數目都唔算小~
但係當不斷問身邊朋友, 個個都話"非常"值得, 小朋友都好鐘意.
於是, 龍少同我就抱住"試試無妨, 唔鐘意就drop"的心態, 交咗令人心痛肉痛的報名費!

到真正返學第一日, 就連我自己都好緊張, 因為始終同之前上的playgroup形式好大分別,
加上心理上覺得一定有很多怪獸家長, 所以完全不自在!
而Audrey BB亦同我一樣, 都相當不自在! 上普通話課時佢完全抓頭、茶點時間又戰戰兢兢、到英文課遇上外籍老師更是不敢郁動!
當晚同龍少傾談時, 真的很後悔幫她轉了playgroup, 因為她很愛唱之前playgroup的歌, 喜歡它的活動!
但龍少話都沒有辦法, 學費已交, 一切都待完成第一個月才算!

但到了今天, tutortime只是上了8堂(1個月), Audrey BB真的有所改變
現在的她聽到自己的普通話名字懂得叫"到", 可以分辨"眼睛、鼻子、嘴巴、耳朵", 仲要懂得跟著普通話兒歌做動作!
上英文課可以很留心聽故事, 唱歌做動作! 回家後也多了唱歌跳舞做動作! 就連我自己都有點期望可以快快到上課的日子!

難道, 這就是有系統有study過幼兒的playgroup分別嗎?
不過, 礙於學費問題, 我想我們都不會上太耐, 不知大家有沒有其他好介紹?

Happy Halloween~~

扮rabbit-bit的Audrey BB


HELLO, 今年係Audrey BB第2年過Halloween, 雖然返開嘅playgroup係星期五晚有大型party, 但係因為dadad冇咁早返到黎, 而mama一個又搞佢唔掂,
所以都係響屋企玩吓算囉!
祝大家哈囉畏快樂!