dAy 1 、晴、雪
由於搭凌晨機, 放工之後就趕返屋企沖涼換衫
飯都未食嘅情況下衝去機場
9點幾去到, 點知仲未有得check-in
所以... 唯有... 只有...
食大O樂做臨別晚飯!
雖然係難食, 但係亦迫使我地去北海道食好野嘅原動力~
龍少要海南雞飯, 而我嘅係生骨叉燒飯!!!!
到入咗禁區, 所有店舖都開始關門
所以, 唯有係閘口前小睡片刻
可惜... 原來香港真係有好多冇公德心又認叻嘅人
係大部分等上機嘅人都係度休息之際
突然有一家四口走過黎等上機
佢地唔係靜靜咁等
係大大聲同佢2個大約2歲同4歲嘅小朋友講
"我地就快上機呀, 我地去日本呀"
"你地真係好可愛呀, 亞仔, 你真係全世界最可愛架"
"快D黎影相啦, 我同你地影啦......(下刪千字)"
基本上全個侯機室都係等佢地一家把聲
真係有D想毒鬼屎佢地!!!!
ANA嘅飛機餐都算唔錯
起碼係熱辣辣, 仲有soba~
食完飛機餐都只係凌晨3點
個個都想再瞓
可惜機師唔再熄燈
於是出現咗下面2個人......
日本時間6點30, 我地就到咗東京羽田機場
由於羽田int'l 同domestic分開2個terminal
所以我地要去搭免費shuttle去T2
起初仲以為歷史悠久嘅羽田機場係好舊咩都冇
點知.... 原來好靚好先進
仲有好多好多24小時食肆、手信店、仲有熱食vending machine
香港機場真係應該檢討一吓
我地搭9點由羽田飛札幌內陸機
起初好驚會大雪影響班機
好彩.... 如期起飛!
入禁區前security check
日本人真係好自動自覺, 除哂身上所有野去檢查
禁區入面仲有蛋糕食
可惜仲未瞓醒, 所以冇食到!
亦都令到依家非常後悔
去到閘口見到架比卡超ANA, 好Q呀~
於是即刻同佢影相
點知到上機, 呵呵
我地坐依架呀, 好開心呀~~
飛機準時10點半到新千歲機場
一落機即刻跳上快速エアポ一ト去札幌駅
沿途見雪即時興奮絕輪
酒店就係札幌駅附近
所以超級方便
一放低行李就即刻衝去搵野食
龍少猛話要怒食拉麵壽司刺身
好, 北海道第一餐一於食拉麵
沿途天氣優美
龍少選擇了札幌相當有名的味の時計台
我地要了鎮店之寶, 價值1500yen的帆立貝牛油拉麵
嘩.... 原來d野係可以好味呢~~~
牛油好香好香, 湯底夠濃, 叉燒又林, 帆立貝新鮮到好似唔駛咬咁
仲有仲有... 粟米超甜, 麵條又有咬口, 仲有芽菜勁脆!
見到佢地仲有咖哩飯
好彩有mini版, 一於叫多個試吓
嘩... 好香好味呀
雖然冇咩肉, 但係d咖喱汁有好香好濃嘅牛肉味
認真神奇
雖然食完拉麵已經好飽
但係面對碟咖哩飯
真係有d欲罷不能.....
<代續>
飛E、MINI、菇菇、索G