生日當晚, 因為龍少放工返黎
所以我地都係響附近食飯~
今次去食意大利菜!
環境有D浪漫
間餐廳係任叫任食, 雖然食物上枱時完全冇賣相
但係食物都好有水準!
先食頭盤: 深海翡翠螺&香草燴田螺
有好多款沙律, 我地只要咗鮮蝦溫室什菜同煙鴨胸什菜沙律, 好新鮮~
意大行什菜湯、是日白湯
煙肉大蒜芝士焗扇貝、鵝肝醬焗法式蒜蓉包
意式生牛肉, 好好味~
香芹欖油檸檬汁浸墨魚片
烤意大利腸伴辣椒汁
軟芝士蕃茄汁焗茄子
炸芝士條, 超好味~
吉列海蝦, 正!
伴菜有白酒香草燴什菌、香草牛油燴什菜
好, 終於都到主菜
先有雞肉串燒
香草汁燒羊脾肉, 好嫩
紅酒燴香草牛尾骨
其實仲有好多款主菜, 但係太飽喇....
抖抖吓龍少又想食飯
於是叫埋鮮茄牛肚燴risotto
因為口痕, 最後都仲要叫咗個香蒜辣椒蜆肉白酒天使麵
嘩.... 全晚最最最好味嘅一個course
令本來已經好飽嘅我地都忍唔住掃清光!!!!
最後, 仲竟然有甜品
好酒好味呀~~~
雖然唔係d咩大酒店大餐廳
但係依餐足以令我好感動
多謝龍少~~~
