大風雪之旅2013 - day1 (東京->札幌)

哈哈哈, 又拖post!
年尾先黎寫年頭的旅行blog, 我真係...... 懶!!
好, 今日一定要"的"起條筋, 至小寫一篇, 哼!

2013年2月, 終於再次book到冬日北海道機票
豬豬同dadad mama都超級興奮, 因為豬豬鐘意玩雪
mama鐘意好凍好凍, dadad鐘意滑雪兼食海鮮
所以..... 北海道係不二之選!

因為前年開始, ANA冇左凌晨機 (上次我地去係坐凌晨機, 超正)
但又想stay東京, 所以唯有浪費一日去轉機


有小朋友一上機就要食食食~

豬豬: ANA的child meal又幾好味啊~


到左東京, 要等3個鐘再轉機
雖然係室內, 但都feel到天氣凍左好多
所以.... 又去開餐!

好好味的粟米濃湯, 飲完全身暖哂


仲有豬豬飛佛: 大蝦意粉


牡蠣烏冬+野菜炒飯, 好好味~


豬豬又再打劫我地果份

最後, 經過一輪轉折...... 內陸機因天氣關係delay再delay....
搞到凌晨先到札幌, 仲要又大風雪又肚餓又多行李沿途條路又崎嶇.....
咩餐廳都收哂..... 就連酒店餐廳都close埋!
咩相都冇心機影
一心只希望拿拿聲搵到便利店買買買再返酒店食食食.....
..........
咁就過左第1日!

d路真係.... 好崎嶇, 好彩帶左架"戰車"去, 如果唔係咩車都散哂


超大雨的札幌!


終於了酒店, 豬豬終於笑得出了

好warm的一間房~