一家大細遊@雪亮聖誕disney

終於都到XMAS了, hohoho~~~

一年之中XMAS係我最最最喜歡的節日

自從有了audrey bb之後(包括在肚中時), 每年聖誕前都會入園,

感染一番像童話般的聖誕氣氛

今年都不例外, 但特別在今年kung kung por por都肯一齊入去玩番日

好開心啊!!!!

入園之前, 先去了disney hollywood hotel響受了一個非常適合小朋友的聖誕大餐

這裡比disney hotel較common, 但因為佢地好細心, 有齊一切小朋友用的食具

而且大部分食物都非常合小朋友心意
audrey bb食得非常開心呢~
(雖然說有得吃她已經很滿足)

 

飽餐一頓之後, audrey bb已經急不及待要入園了~

kung kung por por以前去美國的disney, 最愛的都是parade

我們又點可以不看呢~

當每架花車經過, audrey bb都會目瞪口呆但又會不斷揮手~

十分惹笑!

最開心就是可以出去同哥哥姊姊一齊dancing, 今次仲可以玩絲帶

但係audrey bb對住條絲帶, 有點如夢初醒咁!

最開心就是可以出去同哥哥姊姊一齊dancing, 今次仲可以玩絲帶

但係audrey bb對住條絲帶, 有點如夢初醒咁!

audrey bb係disney die hard fan, 每個遊戲都超鐘意, 其中一樣係merry-go-around

但係... mama實在太冇用了....

每次玩完都會暈到不得了

今次就有por por同dadad陪小魔怪玩, 真好~~~

每日audrey bb都一定會唱"it"s a small world"

even去interview, 老師叫佢唱歌, 佢都係唱依隻.....

所以, 小小世界又點可以唔去?

依隻小鬼, 完全知道哂整個小小世界的場景, 去到邊會有咩動物

會有咩有趣人物, audrey bb就不斷介紹俾kung kung por por知

逗得倆老不知幾開心!

園內都有很多節目迎合到一家大細, 貪玩的por por決定去看3D米奇音樂劇

其實audrey bb都已經睇過好多次, 但每次等待時都係好緊張

佢每次都話好驚好驚..... 最後發現原來佢最驚係...... beauty & the beast的mr candle....

查實....又真係幾醜樣

睇完碰巧開始聖誕獨有的"米奇玩具舞曲parade"

好好彩啊~

睇完parade, winnie the pool 的fast pass剛好可以用

audrey bb就帶了kung kung por por去坐蜜糖樽去也~~




貪玩的audrey bb又點可以停?!

佢不斷叫kung kung por por入反斗奇兵大本營玩彈弓狗呢

本來佢仲想玩降落傘, 但係kung kung por por唔準
所以唯有去玩轉dumbo elephant 補數吧~




入夜的園景係最靚, 真係好有聖誕氣氛~~

其實disney比起我們3年前第一次來, 真的多了很多節目

至少倆老當日都玩得十分盡興

看見在通往【灰熊山谷】的圍板上, 在2013年的上半年

會有一個新的遊樂設施【迷離莊園】, 聽說這個遊戲和【灰熊山谷】一樣是香港獨有呢~

擴建完成之後, 樂園又會再大23%, 娛樂活動超過100個

期待下次又可再一家人暢遊一番呢~

寸寸B

好開心好開心，最近幾次寫親都係負能量，今次終於有正能量發放了！雖然..... 仍然唔知方向是否正確，但我想應該順著自己感覺去做，唔會太差吧~~ 一切交給天主吧^^

近排小惡魔的性格，好像開始現型了！原來最似的，就係我最擔心果個！她的性格，竟然同dadad真的一式一模.... 咁激心！

龍少的性格，最叻就係成日寸我、同賴皮！小惡魔竟然..... 似足哂佢既語氣！

就好似以前晚上他說替我洗碗，但當第二日起來發現碗筷仍在洗碗盤時，個心諗＂又耍我＂！跟著立即send msg問「點解碗筷仍在洗碗盤呢？」，隔一會他竟然覆我「因為天氣熱，它們想玩水，所以我便給它們玩吓輕鬆吓囉」！！！睇完真係好嬲又好笑......

上星期有日，Audrey用蠟筆畫畫時不見了其中一支，叫她再找又懶懶閒，之後忘記了叫她找回就睡了！
到了第二天，我突然見到那蠟筆就在椅子下，於是問Audrey：「點解蠟筆會係椅子下面架？」

Audrey呆望了一會，之後好認真的答我「因為.... 佢鐘意瞓地下！」

OH..... 當時真係勁想笑，但係又要忍住要嚴肅教佢收拾好唔好亂放東西，好辛苦呀~~~

其實佢倆父女已經咁似樣，點解連性格語氣都會似到十足十架？我已經預計到將來會俾兩個寸精每日寸爆我了...... 真陰公😭😭😭

馴獸師

Audrey上學已經個半月了，她呀，完全習慣+識應整個學校生活了。
日日返到家都會講講今日玩了什麼，唱了什麼歌；又突然會爆幾句英文句子／普通話，真的很好笑！
因為之前大部分playgroup都是我和她上，所以之後她再說我大概也會估得到。
但現在完全她自己上課，每當她無端端的爆出一句，真的估到我飛起！

有時真的覺得她在唸magic word~

其實返學有個好處，就係老師可以做你私人育兒顧問！

每當Audrey有什麼難以控制的行為，老師都有一套獨特的辦法＂傳授＂給我！
起初聽到都有點難以置信，而且好難去實行。但當你＂的＂起心肝去試，又真的work喎！
果真神奇！

好像Audrey是個冇食慾的BB，無論在家吃還是外出吃，佢都好自動自覺會係＂半飽＂的情況下收手！
（但食buffet又例外，她一定由頭帶到落尾！！）
所以每餐的第2碗一定同佢打大仗先可以吃光光~

每晚都怒火街頭！

但老師教，當佢一放手唔食就用個＂超級極度誇張語氣＂去讚她~

搞笑地，她會回敬一個好迷惘的樣子給你，之後會即刻食幾口！

如是者第2碗飯會係＂超級極度誇張語氣＂下食清！
勁~

老師的方法真的好勁，而且可以用於任何場合任何環境！
起初龍少聽到都唔信，但當他親身＂體驗＂過都覺得超級神奇！

不得不佩服老師的見解。
龍少仲說幼稚園老師其實是馴獸師，馴服一班古靈精怪的小魔怪呢~~~~ 嘿嘿嘿

寶貝上學了

3星期了，Audrey已開始上學3星期了! 

這個小BB終於長大要返學了！

時間真的過得好快，常常都好希望她還是一個不懂反抗小BB。
對於我們大人來說，2年真的可以貶眼就過；但對於一個小BB，竟然可以由一舊飯變為識行識走識駁咀仲要自己返學！主又再一次展示祂的奇蹟~

講回Audrey第一次上學，第1、2日mama dadad都可以陪伴一起上課，Audrey表現得十分之高興，因為有茶點有唱歌有跳舞仲有大肌肉玩，開心到不得了！
到了第3日Audrey就要自己入課室上課了，起初真的很擔心她會扮樹熊抱住mama隻象腳不肯放手，但是她不單沒有不捨得反而開心得一支箭走進課室！好開心Audrey可以這麼快就適應學校生活，同時又有小小不捨她可以這麼快就忘記我...... 唉，做父母多矛盾！

其實學校的配套真的做得很好，在開學前一星期，每天都有適應班給小朋友去適應環境同學和老師！所以到正式開課後，慢熱的Audrey早已warm up好，完全不怕上學！

她每天都十分期待返學，上星期打風那天不用上學，她不斷叫喊要上學呢~
回家後又會不斷告訴我學校的活動，同那個小朋友玩，和唱老師教的兒歌。真高興她已完全投入學校生活，希望她往後也能好好學習吧！

我不是好媽媽.........

最近, 不知為何, 總有點心灰意冷的感覺

經常覺得自己跟本做不到一個好媽媽, 甚至連基本做媽媽應做的都做不到.....

加上近日身體又出現新舊毛病, 盤骨的坐骨神經又開始神經

頸椎突然勞損、從而令雙手經常麻痺乏力!

很多時想抱audrey bb之際手會突然麻痺

陪她睡時手亦會被她拖至無感覺

抱起她去vivi再次麻痺, 但audrey bb依然扭身扭勢當玩緊咁

我即時真的痛到差不多掉她落地, 更即刻發脾氣, 果一刻真的覺得好無助!

本來我已經唔係溫柔的人, 身體毛病更令我經常發脾氣

基本上我已變成一個生人勿近的媽媽類物體

一些媽媽應有的溫柔都沒有了!

好討厭自己變成咁, 其實明知可以慢慢教慢慢解釋

但係依2個星期竟不受控制的發脾氣!

尋晚竟然連地板有隻昆蟲我都發脾氣!!!!!!!!!!!!!!!!!!

好憎我自己, 點解吓吓都要鬧都要發脾氣?!

明知會俾咗壞印象audrey bb但都控制唔到?!

這2晚不知不覺哭了.... 究竟係手麻痺/盤骨痛到忍不住哭

還是我太懦弱... 忍受不了長時間孤獨一個湊住小魔怪、沒有人幫的滋味?

我真的想放棄了.......



















但明天仍舊要繼續, 希望我天主可以賜我力量繼續支持下去....
p.s. 本文只係借位發洩, 和只想得到小小鼓勵,
       請大家不需要再告訴我"做媽媽就係咁架啦"、"有排你挨呀, 依家先係開始"之類,
       這道理我已經十萬分的清楚明白, 謝謝幫忙! 

再見了.........美好的時光~

再見了.........美好的時光~
因為...... BF終於完結了

Audrey BB 27個月了，亦都係我這個BF Mum工成身退的日子！

回想起這27個月的BF日子，真的不容易。
由開始時唔識餵、到怕唔夠餵、戒口戒得好清、病又不敢吃成藥、很多東西都不能做（如塗指甲、染髮）、再加上很多閒言閒語..... 真係差點放棄。
幸好龍少不斷鼓勵支持，先可以撐到27個月！

一開始BF時已想過餵到24個月，因為覺得已經過了2歲，可以給予的抗體營養都應該給了，
我想現在的營養都應該來自新鮮食物吧；
而且開始懂性，唔想Audrey BB再做些尷尬行為；最大原因係......... 開始咬人！哈哈哈~~~~~

但....... 原來戒比餵更辛苦！
之前試過好多次，Audrey BB每次都喊到天光，龍少忍不住又要我餵~
但好搞笑地，明明當時想替她戒夜奶，朝早那次仍可繼續；

怎知夜奶戒不成，無端端的戒了早奶！戒不掉夜奶的第二朝早上，Audrey BB一早起床不叫「食奶奶」而叫「食包包」，當然她沒有再要求我就完全不提了！

暫時，Audrey BB已經戒了個多星期。
去新加坡第一晚回到酒店時，龍少話不如試試今晚不餵奶，看看可不可行，
於是大家一路都不提這事，到睡覺時照和她唱goodnight song和goodnight kiss，之後就睡了!!!
之後幾晩都意想不到的順利！
直至回港當晚，她突然提起，幸好回家時預備了鮮奶，就試試可否代替。
幸好喝了一整杯、哭了一會就睡了，直至今晚都係一樣！希望之後可保持吧~


TO Audrey BB：我想你真的大個女了，
mama真的很不捨，這27個月每日都可以有獨霸你的時間，每次都可令你安靜和安眠更令我超有滿足感。
擁你入懷的感覺只有BF過先會明白，那種親密、心連心的感覺，真的一世也不會忘記！
雖然為了BF，犧牲了很多（包括變了樣的body shape!!!），
但我想我不會後悔，因我已將這世界我能給予最好的都給予了你，
希望你可身體健康、快快樂樂的成長！
當然，naughty 2的階段愈快過去就愈好吧！

P.S. 在此祝所有BF媽媽繼續努力；不能BF的媽媽也不要給自己太大壓力，盡了力就ok了！