續dAy 4 、陰、雨、雪、冰雹
食飽飽之後周圍逛逛
小樽係一個好古老又好細嘅地方
周圍都有好靚嘅建築物
仲有個雪中的孤獨老人
行幾行, 終於去到小樽運河... 不過日光日白冇咩特別喎~
所以諗住黃昏先再去影過!
依家先去硝子店睇硝子!
每間硝子店都好特別, 每間都好似博物館一樣!!!
中間條"黑河"竟然有好多隻鴛鴦? 水鴨?
另一邊有好多和菓子店,
好靚好靚, 可惜太凍食唔到凍點啦~~~
街邊一角
沿路竟然有個菩薩係度等車???
點知愈行愈凍愈行愈大雪
所以都未去到銷子博物館就已經返轉頭!
點知返到去運河附近果陣D雪仲愈落愈大...
風愈吹愈大...
天... 仲落冰雹!!!! D冰雹打落黎痛到飛起
OH NO>>>>>>>
大機細機都開始失靈
合照都未影到就雞咁腳走, 嘩, 絕世天劫呀~~~
唯一的黃昏運河
大風大雨雖有走過對面食堂避一避風頭
想話氛去食小小野暖身
點知又未開喎.... 唉~~~~
等咗成15分鐘D雪先開始細小小
急急腳返酒店休息一陣先
嘩.... 簡直勞動完一樣呀~
夜晚天氣好番好多, 於是搭火車過小樽築港shopping一陣
再食多轉迴轉壽司, 噢.... 好新鮮好好味呀~
師傅好nice, 不斷教我地日文
又不斷同我地傾計, 好搞笑呀~
我地仲問師傅攞咗依張紙, 以後食壽司"冇難度"!
魚生好似龍少咁肥美~
就連玉子都是非常甜美
食飽嘅時候=個mall關門
冇計, 唯有走人!
出去想坐摩天輪果陣突然又落起大雪
所以佢地..... 收工~~~~ 激屎!
不過個摩天輪真係好靚靚靚靚靚靚靚靚靚靚靚靚!
食飽晚餐, 我地決定"再戰小樽運河"
依個簡直俾登陸火星困難百倍
首先返酒店著夠衫, 放低多餘行李
再攞埋腳架大細機.... 出發!
沿途都未有太大雪
不過實在開心得太早, 當去到運河邊set架之際...
嘩.... 好大風大雨呀~~~~~
原來大機係影唔到落雪架喎, 細機先影到?!
你睇, 同一時間大機一粒雪都影唔到
好彩今次拿拿聲影咗幾張合照之後
暴風雪來臨喇.......
返酒店之後, 龍少再外出影街景
明明大雪到不得了, 點解影唔到???
條街仲要鬼影都冇隻, 成條猛鬼街咁......!
外出真係好凍, 所以一返到酒店就飲酒取暖
林檎酒果然好飲, 去日本我就最鐘意飲依d果酒
雖然有果汁味, 但係都好高濃度喎!
同場仲有木村陪我一齊"乾杯", cheers~~~~
